Մեր հոգևորականները պետք է համերաշխություն քարոզեն, այլ ոչ թե նվաստացնեն մարդկանց. Արման Վարդանյանը` Եզրաս Սրբազանին (տեսանյութ)

Ինձ համար ընդունելի չէ, որ Եզրաս Սրբազանը, ով պետք է ապահովի Ռուսաստանի Դաշնության համայն հայության ներդաշնակությունն ու համերաշխությունը, հանգիստ նայում էր, թե ինչպես են Աստծու տաճարում նվաստացնում ու վիրավորում մոլորյալ գործարար Սարիբեկ Գևորգյանին և որևէ կերպ չէր միջամտում: Այս մասին իր տեսաուղերձում ասաց «Միասնություն» շարժման ղեկավար Արման Վարդանյանը` անդրադառնալով «Шёлковый Путь» առևտրի կենտրոնի սեփականատեր Սարիբեկ Գևորգյանի և ռուսաստանաբնակ ջավախահայ Նորայր Թևանյանի ու Ռուսաստանի և Նոր Նախիջևանի հայոց թեմի առաջնորդ Եզրաս արքեպիսկոպոս Ներսիսյանի մասնակցությամբ միջադեպին:

«Ես պաշտպանում և պաշտպանելու եմ մեր Հայ Առաքելական եկեղեցու արժեքները, որպեսզի որևէ մեկը չկարողանա ավելորդություններ խոսել մեր եկեղեցական, քրիստոնեական արժեքների մասին»,- ասաց Վարդանյանը` շեշտելով, որ, այնուամենայնիվ, մեր հոգևորականներն իրենց գործելաոճով և նիստուկացով  նույնպես պետք է համապատասխանեն այդ արժեքներին: «Եկեղեցին չպետք է վերածվի հարցեր լուծելու վայրի»,- ընդգծեց «Միասնություն» շարժման ղեկավարը:

Անդրադառնալով Ամուլսարի հանքի շահագործման շուրջ տեղի ունեցող իրադարձություններին` Վարդանյանը նշեց. «Ես դեմ եմ հանքերի շահագործմանը, դեմ եմ, որ ինչ-որ մեկը կամ որևէ ընկերություն հարստանա իմ հայրենակիցների հաշվին: Ես, բնականաբար, աջակցում եմ նրանց, ովքեր պայքարում են, որ Ամուլսարը սար մնա»:

Արման Վարդանյանը նաև ցավակցություն հայտնեց օգոստոսի 4-ին Լիբանանի մայրաքաղաք Բեյրութում տեղի ունեցած պայթյունի հետևանքով զոհված հայերի հարազատներին ու մերձավորներին և առողջություն մաղթեց վիրավորներին: 

«Այս ողբերգությունը ստիպեց մեզ մտածել, որ Հայաստանը կարիք ունի հայրենադարձության, որը բխում է և՛ սփյուռքում ապրող հայերի, և՛ մեր պետական անվտանգությունից»,- նշեց նա, ապա հավելեց.

«Բեյրութում տեղի ունեցածի պատճառը քաղաքական անմեղսունակությունն ու իշխանությունների ոչ պրոֆեսիոնալիզմն էր, ինչը, ցավոք սրտի, որոշակիորեն նկատում ենք նաև Հայաստանում: Եկել է ժամանակը, որ մեր իշխանությունները սթափվեն և երկիրը ղեկավարեն պրոֆեսիոնալ կադրերով, այլապես նրանք ստիպված կլինեն զիջել իրենց տեղը ուրիշներին»:

Այս թեմայով Ակտիվ և համարձակ եղեք, կանգ չառնեք դժվարությունների առաջ. Պլեխանովի անվան ՌՏՀ-ի Երևանի մասնաճյուղի հոգաբարձուների խորհրդի նախագահ Արման Վարդանյանի ուղերձը Գիտելիքի օրվա առթիվ Ցուցաբերե՛ք համարձակություն, հետևողականություն և մի՛ վախեցեք ձեր առջև բարդ խնդիրներ դնելուց. Արման Վարդանյանը՝ Պլեխանովի անվան համալսարանի Երևանի մասնաճյուղի քոլեջի շրջանավարտներին Սուրբծննդյան տոնին ընդառաջ աղոթքս մեկն է՝ անվտանգություն՝ հայրենիքիս, համերաշխություն՝ հայ ժողովրդին, և սեր ու հարգանք` միմյանց նկատմամբ. Արման Վարդանյան Արման Վարդանյանի հրավերով՝ Հայաստանում է «МНИИПУ» ինտելեկտուալ խաղերի կենտրոնի տնօրեն Ա. Գ. Սավոյսկին Պլեխանովի անվան համալսարանի բակալավրիատի շրջանավարտներն այսօր ստացան իրենց դիպլոմները (լուսանկարներ) Դրանից շատ ավելի քիչ բանի համար Տեր-Պետրոսյանը հրաժարական տվեց. Արման Վարդանյան Մեր զոհված ընկերների սխրանքները մեզ պարտավորեցնում են առավել քան երբևէ հզորանալ. Արման Վարդանյան Ուժեղ ու խոհեմ, հայրենիքի ու ժողովրդի խնդիրներով ապրող հայ կնոջ օրինակելի կերպար էր տիկին Ռիման․ Արման Վարդանյան «Սաղին շինելու եմ»-ն իրանից ի՞նչ ա ենթադրում․ մուրճը բացատրեցիք, սա ի՞նչ ա ենթադրում. Վարդևանյան Ուսանողները պետք է խթանող ուժ լինեն բարեփոխումների համար. Արման Վարդանյան