Իմքայլական պատգամավորը հրահրել է անկարգություններ` խոչընդոտելով սիրիահայ ներդրողի գործունեությանը

ԱԺ «Իմ քայլը» խմբակցության պատգամավոր Ռուստամ Բաքոյանը հրահրել է անկարգություններ, խոչընդոտել սիրիահայ ներդրողի գործունեությունը։ Այսօր նման հայտարարությամբ հանդես եկավ փաստաբան Տիգրան Հայրապետյանը։

Ըստ նրա՝ սիրիահայ գործարար Արա Տագեսյանը երկու տարի առաջ՝ 2018-ին, որոշել է Հայաստանում իր բիզնեսն սկսել, զբաղվել գյուղատնտեսությամբ, Արմավիրի մարզի Ֆերիկ համայնքում գնել է 200 հա հողատարածք, սակայն հանդիպել է խոչընդոտների:

Հայրապետյանը նշում է՝ Ռուստամ Բաքոյանի կողմից սիրիահայ ներդրողի գործունեությունը խոչընդոտելու մասով հաղորդում է ներկայացվել, և օրեր առաջ դատարանը բավարարել է բողոքը։ Թեև մինչ այդ քրեական գործ է հարուցվել, սակայն վարույթն իրականացնող մարմինը ոչինչ չէր ձեռնարկում, իսկ դատարանը գտավ, որ պատգամավորի կողմից խախտվել են Արա Տագեսյանի իրավունքները։

Ըստ Տագեսյանի` դեռ չհասցնելով նույնիսկ հողը վարել` գյուղացիները համախմբվել և փորձել են վռնդել գործարարին այդ տարածքից։

«Հայաստանյան տերմինաբանությամբ՝ այնտեղից մեզ լարեցին, չթողեցին, որ ինչ-որ աշխատանք կատարենք։ Այսինքն՝ մենք փորձեցինք ներդրում անել, բայց գրեթե  երկու տարի է՝ ոչնչի վրա ժամանակ ենք վատնել»,- պատմեց գործարարը։

Փաստաբանը հավելեց՝ գյուղացիների դժգոհությունը եղել է այն, որ այդ տարածքը ժամանակին արոտավայր է եղել և ցանկանում են, որ հիմա էլ դրա համար ծառայի։

«Պարոն Տագեսյանն ասել է, որ իր կողմից 50 հա տալիս է համայնքին։ Անգամ ասել է, որ միանգամից 200 հա վրա չի սկսի աշխատել. «քիչ-քիչ կսկսեմ» և խոստացել է, որ համայնքում աշխատատեղեր կստեղծի։ Ինչ-որ մեկը հրահրեց գյուղացիներին, և նրանք չհամաձայնեցին»,- պատմեց Տիգրան Հայրապետյանը՝ նշելով՝ այդ ինչ–որ մեկը Իմքայլական Ռուստամ Բաքոյանն է։

Պատգամավորը ԼՈՒՐԵՐ.com-ի հետ զրույցում հերքեց գործարար Արա Տագեսյանի հայտնած տեղեկությունը. «Իհարկե, նման բան չի եղել, ամբողջը սադրանք է, այլ ֆոնի ներքո լրիվ ուրիշ բան է ներկայացնում, այսինքն՝ ներկայացնում է իրականություն չեղած բան: Այդ մարդը ստում է»:

Արփինե Հակոբյան

Այս թեմայով Հաջորդ քայլը լինելու է ապրիլի 24-ի հիշատակի օրվանից հրաժարվելը․ «Հրապարակ» Օրենբուրգում մեկ օրում 1000 հողատարածք և 1000 տուն է ջրի տակ անցել (լուսանկարներ) Տարածքներ հանձնելը պետության դեմ ծանրագույն  հանցագործություններ են․ «Հայաստան» խմբակցություն «Ժողովուրդ». Աննախադեպ երեւույթ «բարեգործությունների» պատմության ընթացքում. ինչ է արել «իմ քայլը» հիմնադրամը Ավինյանի լիազորությունների ապօրինի ստանձնման հարցը հայտնվել է ՀՀ վերաքննիչ դատարանում. «Մայր Հայաստան» խմբակցություն Ֆիոլետովո համայնքում մանկապարտեզ կառուցելու համար կառավարությունը հողատարածք նվիրաբերեց Փաշինյանական «բուտերբրոդ». երկու շերտ սուտ, մեկ շերտ՝ կեղծիք․ «Փաստ» «Առաջին քայլը իշխանության փոփոխությունն է, նրանց հրաժարականի պահանջը». ինչպիսի՞ն էր 2023-ը, և ի՞նչ տնտեսական կանխատեսումներ կան 2024-ի համար․ «Փաստ» «Հրապարակ». «Իմ քայլը» հիմնադրամը որոշել է տեղեկատվությունը չհրապարակե՞լ, թե՞ «մուծվողներն » են պակասել Տիգրան Ավինյանի կացնային որոշումը. հոնքը սարքելու փոխարեն՝ աչքը հանել. «Մայր Հայաստան» խմբակցություն