Գագիկ Ծառուկյանի կողմից հունիսի 5-ին հնչեցված քննադատություններից հետո իշխանությունները հունիսի 10-ին նրա դեմ քրեական գործեր հարուցեցին. Իվետա Տոնոյան

Վերջին շրջանում իշխանության ներկայացուցիչների կողմից հաճախ է շրջանառվում այն կարծիքը, թե ԱԺ «Բարգավաճ Հայաստան» խմբակցության ղեկավար Գագիկ Ծառուկյանի՝ իշխանություններից հասցեին հնչեցրած քննադատությունները կապված են իր դեմ հարուցված քրեական գործերի հետ:

Shabat.am -ի հետ զրույցում ԲՀԿ խմբակցության պատգամավոր Իվետա Տոնոյանն այդ պնդումները մանիպուլյատիվ որակեց.

«Ես ուզում եմ իշխանության ներկայացուցիչներին, բոլոր այն մարդկանց, ովքեր հետևողականորեն փորձում են շրջանառության մեջ դնել այն թեզը, թե Գագիկ Ծառուկյանի՝ իշխանությունների հանդեպ հնչեցրած քննադատությունները, քաղաքական գնահատականները պայմանավորված են իր դեմ հարուցված քրեական գործերով, կոչ անել մի քիչ հղկել իրենց մաթեմատիկական ունակությունները, քանի որ տարրական հանում-գումարում գործողության միջոցով պարզից էլ պարզ կդառնա, որ սրանք ընդամենը մանիպուլյացիաներ են, որովհետև Գագիկ Ծառուկյանը դեռևս հունիսի 5-ին ԲՀԿ քաղաքական խորհրդի հրատապ նիստի ժամանակ էր հանդես եկել ծրագրային ելույթով, կառուցողական քննադատությամբ: Նա հիմնավորված փաստարկներով ներկայացրել էր, թե հատկապես որ ոլորտներում է իշխանությունը ձախողել և տապալել իր քաղաքականությունը և նշել էր, որ այլևս հասունացել է Կառավարության 100%-ի փոփոխության, հրաժարականի անհրաժեշտությունը:  

Դրանից օրեր անց՝ հունիսի 10-ին, նոր միայն քրեական գործեր են սկսվել հարուցվել Գագիկ Ծառուկյանի դեմ: Այսինքն, նրա դեմ այդ բոլոր քրեական գործերը հարուցվել են իր կողմից հնչեցված քննադատություններից հետո: Եվ հիմա ինձ համար պարզապես զավեշտալի է իշխանությունների այս փորձերը՝ ներկայացնելու, թե Գագիկ Ծառուկյանը քննադատությամբ է հանդես եկել, որովհետև իր հանդեպ քրեական գործեր են հարուցված եղել:  

Գագիկ Ծառուկյանի հնչեցրած գնահատականները եղել են բացառապես հիմնավորված, նրա մտահոգությունների հիմքում ընկած են եղել կոնկրետ փաստեր, որոնք որ պարոն Ծառուկյանը ներկայացրել է, մասնավորապես՝ թե՛ համավարակի դեմ պայքարի ձախողման, թե՛ տնտեսական ցուցանիշների անկման, թե՛ բազմաթիվ այլ որոլրտներում առկա խնդիրների վերաբերյալ: Այդ փաստերին ի պատասխան իշխանությունները հնչեցրել են բացառապես ստահոդ և մանիպուլյատիվ գնահատականներ, ինչը հասարակությանը շեղելու փորձ է ընդամենը, ոչ ավելին»,- ասաց Տոնոյանը:

Այս թեմայով Արտահերթ ընտրություններին պատրաստ ենք ցանկացած օրենսգրքով՝ լինի նոր, թե հին. Իվետա Տոնոյան Շնորհակալ լինե՞մ, որ բյուջեն չեք յուրացրել․ գործուղումների գումարն եք վերադարձրել. Տոնոյան Ոչ ոք իրավունք չունի վիրավորել կամ ֆիզիկական ուժ կիրառել լրագրողների նկատմամբ․ Իվետա Տոնոյան Շուռնուխից վերադառնալիս ականատես եղանք իշխանության բեմադրած հերթական ցածրորակ, էժանագին շոուին. Իվետա Տոնոյան Իշխանական քարոզչամեքենան այլանդակ ստի հերթական չափաբաժինն է շրջանառում. Տոնոյան Վարդենիս քաղաքի ռեստորաններից մեկում ճաշում են քաղաքացիական հագուստով ադրբեջանցի զինծառայողներ․ Տոնոյան Ռազմական դրության պայմաններում իմփիչմենտը տեխնիկապես անհնար է, բայց Տոնոյանը վստահ է՝ լուծում կա Ինչքա՞ն ժամանակ եք ԱԺ հետնամուտքով գաղտնագողի և ոստիկանների հսկողությամբ շենք մտնելու. Իվետա Տոնոյան Մենք ձեզնից վախենալու ոչինչ չունենք. Աժ պատգամավորներին հրավիրել են քննչական ծառայություն (տեսանյութ) Իվետա Տոնոյանը խնդրում է «Իմ քայլին» և ԼՀԿ-ին գալ Աժ և արտահերթ նիստ գումարել