Մեկնարկում է «Ֆուտբոլն աշխարհի բարեկամության համար» ամենամյա ծրագիրը

«Գազպրոմ» հանրային բաժնետիրական ընկերության կողմից իրականացվող միջազգային մանկական սոցիալական ամենամյա «Ֆուտբոլը բարեկամության համար» (FOOTBALL FOR FRIENDSHIP) ծրագիրը հայտարարեց «Ֆուտբոլն աշխարհի բարեկամության համար» (F4F World) խաղի մեկնարկի մասին: Սկիզբը նախատեսվում է 2020թ. աշնանը և առաջին գրանցվող օգտատերերի համար խաղն ամբողջությամբ կլինի անվճար: Այս տարի ծրագիրն անց է կացվելու օնլայն եղանակով, իսկ հատուկ թվային հարթակը միավորելու է տարբեր տարիքային խմբերի ավելի քան 10 հազար մասնակիցների:

Առաջին անգամ ֆուտբոլի պատմության մեջ աշխարհի օգտատերերը հնարավորություն կունենան մասնակցելու «Ֆուտբոլը բարեկամության համար» կանոններով մրցումներին` միավորվելով միջազգային հավաքականներում: Ֆուտբոլային սիմուլյատոր ժանրում նոր բազմամարտ խաղը  հիմնված է ծրագրի կարևորագույն արժեքների վրա, ինչպիսիք են ընկերությունը, խաղաղությունն ու հավասարությունը: Ծրագիրը մշակվել է ոլորտում ավելի քան քսան տարվա փորձ ունեցող ծրագրային ապահովմամբ զբաղվող «DataArt»-ը ընկերությունը, իսկ խաղը հասանելի կլինի  MS Windows, Apple MacOS, Android, iOS հարթակներում: 

«Մեր թիմի համար մեծ պատիվ է մասնակցություն ունենալ այսչափ սոցիալական բարձր նշանակություն ունեցող խաղի մշակման գործում: Նախագծի ստեղծման վրա աշխատում են աշխարհի տարբեր երկրներից մարդիկ, որոնք ունեն տարբեր մասնագիտություններ, խոսում են տարբեր լեզուներով, սակայն նրանց բոլորին միավորում է ոչ միայն «Ֆուտբոլը բարեկամության համար» ծրագիրը, այլև ցանկությունը` ստեղծելու առավելապես հետաքրքիր հարթակ ֆուտբոլասերների համար»- նշում են  DataArt ընկերությունից:

«Ֆուտբոլն աշխարհի բարեկամության համար» ծրագիրը թույլ կտա ուղիղ եթերում  կազմակերպել միջազգային հավաքական թիմերի մրցումներ, որտեղ յուրաքանչյուր ֆուտբոլիստի համար պատասխանատվություն  են կրում տարբեր երկրների օգտատերերը: Յուրաքանչյուր թիմում ներառված են դարպասապահ, պաշտպան, երկու հարձակվող, երկու կիսապաշտպան,ինչպես նաև մարզիչ և պահեստային խաղացողներ: «Ֆուտբոլն աշխարհի  բարեկամության համար» ծրագիրը հնարավորություն է տալիս օգտատերերին միանալ թիմերին կամ ստեղծել սեփականը` հրավիրելով ծանոթ կամ պատահական խաղացողների: Դասական կանոններից բացի խաղացողներին առաջին անգամ հասանելի են նոր կանոններով մրցախաղեր, որոնք հիմնված են միջազգային  «Ֆուտբոլը բարեկամության համար» ծրագրի գաղափարախոսության վրա:

Հիշեցնենք, որ «Ֆուտբոլը բարեկամության համար» միջազգային մանկական  սոցիալական ամենամյա ծրագիր է, որը 2013թ-ից  իրականացվում է  «Գազպրոմ» ՀԲԸ-ի կողմից: Նախորդ յոթ մրցաշրջանների ընթացքում ծրագիրը միավորել է վեց հազարից ավել մասնակիցների: Ծրագրին կարող են մասնակցել աշխարհի տարբեր երկրների 12 տարեկան պատանի ֆուտբոլիստներ և լրագրողներ: Տարբեր երկրներ և մշակույթներ ներկայցնող երիտասարդ ֆուտբոլիստները միավորվում են հավաքականներում և ցույց տալիս աշխարհին, որ ազգությունը, սեռը և ֆիզիկական հնարավորությունները չեն կարող խոչընդոտ հանդիսանալ մեկ թիմում խաղալու համար: Իսկ ծրագրի մասնակից երիտասարդ լրագրողները լուսաբանում են իրադարձությունները մանկական միջազգային լրատվական կենտրոնում:

Ծրագրին աջակցում են ՖԻՖԱ-ն, ՈՒԵՖԱ-ն, տարբեր երկրների ֆուտբոլի ֆեդերացիաներև առաջատար ֆուտբոլային ակումբներ, միջազգային բարեգործական հիմնադրամներ, հասարակական կազմակերպություններ, քաղաքական գործիչներ և հայտնի ֆուտբոլիստներ:

Այս թեմայով Վերջին 13 տարվա ընթացքում առաջին անգամ Հայաստանի ֆուտբոլի կանանց հավաքականը հաղթել է Մ-19 ԵԱ․ Հայաստան - Թուրքիա՝ 0:7 Խվիչան կարող է կարիերան շարունակել «Բարսելոնայում» Կայծակը հարվածել է ֆուտբոլ խաղացող դպրոցականներին․ կա 18 տուժած (տեսանյութ) Հայաստանի ֆուտբոլի կանանց հավաքականը պարտվեց ռումինացիներին՝ 0:5 (տեսանյութ) Հայաստանի հավաքականը 95-րդն է ՖԻՖԱ-ի դասակարգման աղյուսակում Հայաստանի հավաքականը 95-րդն է ՖԻՖԱ-ի դասակարգման աղյուսակում «Ուրարտուն» ու «Վանը» խաղացին ոչ ոքի (տեսանյութ) Շատ ուրախ եմ, որ նորամուտս նշեցի ազգային հավաքականում․ Տիգրան Ավանեսյան «Ժողովուրդ». Ես ավելի լավ ֆուտբոլ եմ խաղում, քան մեր հավաքականը. Նիկոլ Փաշինյանը խաբել է. մաս 189