Նոր Հայաստանի «թավշյա» ԽԾԲ-ն. ո՞ւմ կյանքն է բարելավել հեղափոխությունը

2018 թվականի ապրիլին տեղի ունեցած քաղաքական իրադարձությունների ընթացքում հայտարարվում էր, որ գործող իշխանության հեռացմամբ վերջ կդրվի նաև խնամի-ծանոթ-բարեկամ սկզբունքով պետական կառավարման համակարգում պաշտոնները և պատգամավորական մանդատները բաշխելու ավանդույթին։ Ժողովուրդը հակված էր հավատալու սրան, քանի որ դեռևս պատգամավոր Նիկոլ Փաշինյանը խոստանում էր մեկընդմիշտ փակել այդ էջը։ Սակայն իշխանափոխությանը հաջորդած գործընթացն այլ իրականություն բացահայտեց։ 

Ասվածին որպես օրինակ կարող ենք բերել Արարատի մարզպետ Գարիկ Սարգսյանին, ում կողմից արտահայտած մտքերը հաճախ «օրակարգ» են ձևավորում համացանցում: Վերջինս նաև աչքի է ընկնում նրանով, որ իր խնամիներին, բարեկամներին ու ընկերներին պաշտոնների է նշանակում: Այն, որ Գարիկ Սարգսյանն իր բարեկամների պաշտոնների է նշանակում, նա չի հերքում և «չի արդարանում»` ասելով. «Ես ամենևին չեմ արդարանում, արդարանալու համար կասեի՝ ոչ, իմ բարեկամն ու ազգականը չեն»։ Օրինակ, Գարիկ Սարգսյանը Արարատի մարզպետարանում աշխատանքի է ընդունել իր զարմիկին՝ Գևորգ Մանուկյանին, ում նշանակել է իր օգնականի պաշտոնում, իսկ մեկ այլ բարեկամի նշանակել է իր խորհրդական: Ըստ որոշ աղբյուրների՝ այդ բարեկամը մարզպետի մորաքրոջ հարսն է, ով ներկայումս Արարատի մարզպետարանի գլխավոր քարտուղարի պաշտոնակատարն է: Մեկ այլ մորաքրոջ հարսի ևս մարզպետը ցանկանում էր Ավշարի դպրոցում պաշտոնի նշանակել, սակայն դա իրականություն չդարձավ համացանցում բարձրացված աղմուկից հետո: Եթե համեմատենք Սարգսյանի նախորդի հետ, ապա նշենք, որ Արամայիս Գրիգորյանի ղեկավարման տարիներին մամուլում ընդամենը երկու հիշատակում է եղել՝ կապված մարզպետի կողմից այս կամ այն ծանոթի պետական համակարգում աշխատանքի տեղավորելու հետ: 

Փաշինյանի մանկության ընկեր Վահե Ղազարյանը նշանակվել է ՀՀ ոստիկանության զորքերի հրամանատար, ոստիկանության պետի տեղակալ։ Փաշինյանի մանկության մեկ այլ ընկեր՝ Հայկ Ղալումյանը, ով նաև նրա կնքահայրն է, նշանակվել է Փաշինյանի հայրենի Իջևան համայնքի ղեկավարի պաշտոնակատար։ Հայկ Ղալումյանի եղբայրը՝ Վահե Ղալումյանը, նույնպես Փաշինյանի մանկության ընկերն է, որը պատգամավորական մանդատ է ստացել «Իմ քայլը» դաշինքից Փաշինյանի դասընկերուհի Մանե Ղազումյանը նշանակվել է Տավուշի մարզի կրթության, մշակույթի և սպորտի վարչության պետի ժամանակավոր պաշտոնակատար։ Վարչապետի ընկերներից Զարեհ Սարգսյանի որդիներն էլ՝ Նաիրի և Հայկ Սարգսյանները, պաշտոններ են ստացել մեկը վարչապետի աշխատակազմում` որպես վարչապետի օգնական, մյուսն էլ պատգամավորական մանդատ է ստացել «Իմ քայլը» դաշինքի ցուցակով։ Փաշինյանի մտերիմներից Հայկակ Արշամյանը նշանակվել է Հայաստան համահայկական հիմնադրամի գործադիր տնօրենի պաշտոնում: Սերժ Սարգսյանի մտերիմների կողմից պետական ապարատը զավթելու մասին շատ է խոսվել, կարող ենք ասել, որ այս առումով Փաշինյանը պարզապես ոչնչով չի զիջում իր նախորդին: 

Արսեն Թորոսյանը երրորդն է այս ցանկում՝ աշխատանքի դասավորած իր ընկերների, ծանոթների թվով: Հեղափոխությունից հետո Առողջապահական պետական ԾԻԳ-ի տնօրեն նշանակվեց Հայկ Սայադյանը, ով Թորոսյանի մանկության ընկերն է: Նարեկ Վանեսյանը, որն ավելի ուշ նշանակվել էր «Նուբարաշեն» հոգեբուժական հիվանդանոցի տնօրեն, սակայն Բժշկական համալսարանում տեղի ունեցած միջադեպից հետո աշխատանքից ազատման դիմում էր ներկայացրել առողջապահության նախարար Արսեն Թորոսյանին, որն իր մտերիմ ընկերն է: Նորքի ինֆեկցիոն հիվանդանոցի տնօրեն էլ նշանակվել է սորոսական, «Իրական աշխարհ, իրական մարդիկ» ՀԿ-ի ծրագրերի խորհրդատու, նախարարի մտերիմ Հովհաննես Մադոյանը։ Արսեն Թորոսյանի նախորդը՝ Լևոն Ալթունյանը համարվում էր վարչապետ Կարեն Կարապետյանի մտերիմը, թեև ԽԾԲ-ին աշխատանքի տեղավորելով աչքի չի ընկել, սակայն մամուլում կար տեղեկություն, որ վերջինս Ինգո Արմենիայի հաճախորդներին ուղղորդում է իր Վարդանանց ԲԿ և հակառակը: Սա միակ սկանդալն էր, որը կապվում էր առողջապահության նախարարի անվան հետ: 

Ազգային անվտանգության ծառայության քննչական դեպարտամենտի պետի պաշտոնին նշանակվել է Արթուր Պողոսյանը, ով հանդիսանում է ԱԱԾ պետ Արգիշտի Քյարամյանի ընկերը: Քյարամյանի սանիկ Արթուր Նահապետյանը, ով Շիրակում դատախազի տեղակալ է եղել, ՊՎԾ-ում պաշտոնի է նշանակել: Նախկինում ԱԱԾ պետերը աչքի չեն ընկել իրենց մերձավորներին գերատեսչությունում աշխատանքի տեղավորելով: 

Նիկոլ Փաշինյանի որոշմամբ՝ Սերգեյ Մեղրյանը նշանակվել է գլխավոր հարկադիր կատարող (ԴԱՀԿ պետ): Ըստ մամուլում առկա տեղեկությունների՝ վերջինս հանդիսանում է Արդարադատության նախարար Ռուստամ Բադասյանի ընկերը։ Բադասյանի կինն էլ՝ Տաթևիկ Սագսյանը, հանդիսացել է ՀՀ ԱԺ փոխնախագահ Լենա Նազարյանի գրանսենյակի աշխատակից՝ փորձագետի հաստիքով: Ներկայումս նա չի զբաղեցնում այդ պաշտոնը: Համաձայն համացանցում առկա տեղեկատվության՝ Ռուստամ Բադասյանը իր մանկության ընկեր Սուրեն Գալստյանին նշանակել է ԱՆ աշխատակազմի պետ, իսկ քավորին՝ Դավիթ Գասպարյանին, նշանակել է ԱՆ վերահսկողական ծառայության պետ: Բադասյանի նախորդը՝ Արփինե Հովհաննիսյանը, երբեք չի հայտնվել՝ ԽԾԲ-ին աշխատանքի տեղավորելու շուրջ ծագած սկանդալների մեջ: 

Հայկ Մարությանը Երևանի քաղաքապետարանում շարունակում է դեռևս 2018-ից սկսված ԽԾԲ-ն։ Մարությանի ընկերներ Աշոտ Մելոյանն ու Հովհաննես Գրիգորյանը, որոնք Մարությանի հետ միասին նկարահանվում էին «Կարգին հաղորդման» մեջ, դեռևս նախորդ տարի աշխատանքի են անցել «Թափառող կենդանիների վնասազերծման կենտրոն» ՀՈԱԿ-ում։ Ի՞նչ կապ ունեն դերասաններն ընդհանրապես կենդանիների ստերջացման և խնամքի հետ, կարելի է միայն «պատկերացնել»։ Մամուլում առկա տեղեկատվություն համաձայն՝ Երևանի քաղաքապետ Հայկ Մարությանի կինը՝ Իվան, քաղաքապետարանի կադրային քաղաքականության հարցում մեծ դերակատարում ունի, և շատ հաճախ նա է որոշումներ կայացնում: Մարությանի նախորդը՝ Տարոն Մարգարյանը երկու անգամ է նման պատմությունների մեջ հայտնվել՝ Քանաքեռ-Զեյթուն վարչական շրջանի ղեկավար Ռոբերտ Սարգսյանը Մարգարյանի աներձագն էր, իսկ Ջրպետկոմի նախագահ Արսեն Հարությունյանը՝ Մարգարյանի մտերիմ ընկերը: 

Այս թեմայով Որևէ պաշտոնյա իրավասու չէ միանձնյա որոշել, թե որն է ՀՀ տարածքը. ի՞նչ էր անում «Հայաքվեն» վտանգված գյուղերում. «Փաստ» «Ժողովուրդ». Օլիմպիական չեմպիոն Արմեն Նազարյանի 50-ամյակը ոչ մի պետական պաշտոնյա չհիշեց. ծնունդը Բուլղարիայում են նշել Մարդիկ պետք է պատրաստ լինեն Ռուսաստանի հետ պատերազմի. ՆԱՏՕ-ի պաշտոնյա Հայաստանում էապես աճել է POS տերմինալներով գնումների քանակը. ԿԲ պաշտոնյա Հայաստանում գործում են մոտ 4 000 լիցենզավորված շինարարական ընկերություններ. Պաշտոնյա Անձնագիրդ տալիս ես, ամաչում էլ ես ասես՝ պետական պաշտոնյա ես, 2024թ ա գալիս, հին անձնագրերով ենք ԵՄ-ի քաղաքական գիծը Հայաստանին աջակցելն ու երկրի դիմադրողականությունը բարձրացնելն է. ԵՄ պաշտոնյա Գազայում «հրադադար չի լինելու». իսրայելցի բարձրաստիճան պաշտոնյա Առնվազն ութ հայ պաշտոնյա գտնվում են Բաքվի բանտում ու արժանանում վատ վերաբերմունքի. իրավաբան Ադրբեջանը ԼՂ-ն ցանկանում է դարձնել բանտ, վանդակ և քշել այնտեղից արցախցիներին. ֆրանսիացի պաշտոնյա