«Գնում ենք մեր տների մոտ, մի անկյունում կուչ գալիս ու մղկտում». այրված տների բնակիչներին մարզպետարանն անտեսում է

«Հրդեհի առաջին գիշերը որտեղ պատահի քնել ենք. շենքի բնակիչներից մեկին  հարևանն ա տարել, մյուսին տղայի ընկերը, տեսնելով մեր վիճակը՝ ամեն մեկը խղճի խայթ ունենալով տարել է, որպեսզի իր տանը մնանք, դրսում չքնենք: Ամեն օր գնում ենք մեր տների մոտ, մի անկյունում կուչ ենք գալիս ու մղկտում: Տեղյակ չենք՝ ինչից է բռնկվել հրդեհը, անակնկալ եղավ, հոտից դուրս ենք եկել, տեսել ենք ամբողջը այրվում է» , - ԼՈՒՐԵՐ.com-ի հետ զրույցում ասաց Պտղունք համայնքում այրված 14 բնակարաններից մեկի բնակիչ Ռուզաննա Աբգարյանը:

Թեև երեկ մեզ հետ զրույցում Պտղունք համայնքի ղեկավարը հայտնել էր, թե մարզպետարանը սնունդի տեսքով օգնություն է ցույց տալու այրված տների բնակիչներին և քննարկվելու է կացարանի հարցը, սակայն Ռուզաննան հակադարձեց՝ ասելով, որ մարզպետարանը բացարձակապես որևէ օգնություն չի տվել և իրենց ոչ ոք չի մոտեցել ու կացարան չի առաջարկել. «Արդեն 3-րդ օրն է՝ մեզ մոտ մարզպետարանից ոչ ոք չի եկել, ոչ մի բանով չի օգնել, ինչքա՞ն կարող են կողմնակի մարդիկ օգնել: Բարեգործական մի ընկերություն տվել է 4 հատ օճառ, մեկ հատ շամպուն, մեկ հատ վերմակ, 4-5 հատ ատամի խոզանակ: Մեյմանդարի շուկայի տերն իր կողմից կեսօրին մի տոպրակով մակարոն, մեկ շիշ ձեթ, բրինձ, ալյուր, շաքարավազ է ուղարկել: Վերջապես մարդ ենք, երեխաներ ունենք, ձմռան շեմին դրսում ենք մնացել: Ոչ ոք մեզ չի մոտեցել, որ ասի թե ինչքան ժամանակ ենք այսպես ապրելու, ոչ էլ կացարան տրամադրելու խոսակցություն են արել»,- լացակումած պատմեց բնակարանը կորցրած Ռուզաննան՝ ասելով, որ անորոշ վիճակում են հայտնվել:  

Նա նշեց ամբողջ տունը այրվել է, հասցրել է դուրս հանել միայն երեխաներին, հեռուստացույցը, տան ու բանկային փաստաթղթերը:

«Մարզպետը եկել էր թեժ պահին, երբ ԱԻՆ-ի աշխատակիցները չէին հասցնում հանգցնել կրակը, ժողովուրդը գոռում-գոչում էր, կանգնեց, նայեց գնաց: Ինչի նման բան կարելի՞ է, չէ՞ որ սա իրենց է պատկանում»,- ասաց նա: 

Նշենք, որ սեպտեմբերի 24-ին Պտղունք համայնքում 14 տուն էր այրվել, որից 8-ը՝ ամբողջությամբ, 2-ը՝ մասնակի, և 4 տուն էլ հաջողվել է փրկել, բայց դրանց վրա էլ այնքան ջուր է լցրել, որ տանիքը փլուզվել է, բնակվելն անհնար է:

Սոնա Հարությունյան

Այս թեմայով Տյումենի մարզում գետերի վարարումների պատճառով հարյուրավոր տներ են հեղեղվել Փլուզվել է Ողջաբերդ գետի հենապատը․ Նոր Արեշում տներ ու փողոցներ են հեղեղվել (լուսանկարներ) Էս հատվածում տներ կան, որ անցնելու են Ադրբեջանի վերահսկողության տակ. Գառնիկ Դանիելյան Երևանում խմելու ջրի մայր խողովակի վնասման պատճառով ջուրը ողողել է բնակելի տներ, տեղի է ունեցել փլուզում Հայաստանում Շվեդիայի դեսպան Պատրիկ Սվենսոնն այցելել է Սևան համայնք Առեղծվածային ու ողբերգական դեպք՝ Կոտայքի մարզում. հայտնաբերվել է տղամարդու այրված մարմին Մենք Արցախում շենքեր ու տներ չենք թողել, մեր կյանքերն ենք թողել, պիտի գնալ կյանքերի հետևից․ Մետաքսե Հակոբյան Խորեն Գրիգորյանը անհայտ ծագում ունեցող տներ է սարքել, անհասկանալի է՝ ի՞նչ միջոցներով Այրված պահածոների գործարանից դուրս են բերվում փրկված գույքն ու ապրանքները, կատարվում է հրդեհաշիջում Ահազանգ է ստացվել, որ Պտղունք գյուղի Անի փողոցի տներից մեկի հետնամասում ավտոմեքենա է այրվում