«Փաշինյանը Բաքվին երկու, երեք շրջան է խոսք տվել». քաղաքագետ

«Տիրող քաոսի հեղինակը, միմիայն, Նիկոլ Փաշինյանն է, և ինքն էր՝ ժամանակին Հայաստանի տարբեր ժամանակների իշխանություններին մեղադրում ընդհատակյա բանակցություններ վարելու և ադրբեջանցիների հետ հայ ժողովրդի թիկունքում ինչ-որ համաձայնությունների գալու մեջ։ Իսկ հիմա մենք տեսնում ենք, որ նախկիններին ոչ թափանցիկ լինելու մեջ մեղադրող գործիչը, իշխանության գալով, ոչ միայն ամեն ինչ փակ է պահում, այլ նաև ուղղակի բանակցություների մեջ է մտնում Բաքվի հետ՝ փորձելով Բաքվի հետ լուծել ոչ միայն արցախյան հիմնախնդիրը, այլև աշխարհաքաղաքական շատ հարցեր»,- այս մասին ԼՈՒՐԵՐ.com-ի հետ զրույցում ասաց քաղաքագետ Գագիկ Համբարյանը՝ անդրադառնալով մամուլում լայն տարածում գտած Հայաստանի և Ադրբեջանի միջև տեղի ունեցած ընդհատակյա բանակցության լուրերին։ 

Գագիկ Համբարյանն անընդունելի է համարում Նիկոլ Փաշինյանի գաղտնի բանակցություններ իրականացնելը․ «2020 թվականի մայիսի 6-ին ԱԺ ամբիոնից Նիկոլ Փաշինյանը լկտիաբար հայտարարեց՝ ինչ ուզենամ, այդ էլ կբանակցեմ։  Նիկոլ Փաշինյանը պետք է հասկանա, որ գործ ունի ոչ միայն Արցախյան հիմնահարցի լուծման հետ, այլև հայ ժողովրդի ապագայի։ Իսկ ինքն իր ինտելեկտուալ մակարդակով, իր գեղցի խորամանկությամբ հիմա երկու ոտքով ծուղակում է հայտնվել։  Նիկոլ Փաշինյանն այս  2,5 տարվա մեջ չհասկացավ՝ ադրբեջանական հասարակությունը, որքան էլ ատելով ատի իրենց բռնապետ Իլհամ Ալիևին և նրա կլանին, միևնույն է, արցախյան հիմնահարցի շուրջ ունի նույն գաղափարախոսությունը՝ կամ ամբողջը, կամ ոչինչ։ Ես նաև չեմ զարմանա, եթե վաղը և մյուս օր այդ բանակցություններից հայտնվեն, թե՛ ձայնագրություններ և, թե՛ լուսանկարներ»,- նշեց նա։

Վերջինիս խոսքերով՝ սարսափելի է այն հանգամանքը, որ սեփական իշխանությունն ամրապնդելու նպատակով, Նիկոլ Փաշինյանը խնդրում է ադրբեջանական կողմին նախահարձակ քայլեր չձեռնարկել, որի դիմաց Արցախյան բանակցության կոնտեքստում խոստումներ է տվել՝ երկու շրջան, երեք շրջան․ «Սարսափելի էր նաև այն, որ Նիկոլ Փաշինյանը չհերքեց ոչինչ, նա չհերքեց նաև ադրբեջանական մամուլում լույս տեսած տեղեկության բովանդակությունը։ Ինքը կարող էր ասել՝ այո‘, մենք գաղտնի բանակցել ենք, բայց ադրբեջանական կողմը իրականությունը բացարձակապես այլ կոնտեքստով  է ներկայացրել, որը հնարավոր է՝ կեղծ է։ Բայց Նիկոլ Փաշինյանը շատ սովորական, իրեն բնորոշ ցինիզմով, սկսեց շանտաժել Բաքվին (ի դեպ, շատ պրիմիտիվ շանտաժներ էին), և  ընդունեց, որ թե‘ բանակցություններ են տեղի ունեցել Արսեն Խառատյանի գլխավորությամբ և թե‘ Ադրբեջանի հրապարակած բանակցության բովանդակության ճշմարտացի լինելը»,- ասաց քաղաքագետը։

Իսկ Նիկոլ Փաշինյանի գաղտնի բանակցությունների մասին լուրերի չհերքելը, քաղաքագետը մեկնաբանեց այս կերպ․ «Նիկոլ Փաշինյանը շատ լավ հասկացել է, որ Բաքվի ձեռքում բազմաթիվ ապացույցներ կան, այդ պատճառով չհերքեց դա։ Ասե՞ր ոչ, Արսեն Խառտյանը չի բանակցել և ընդամենը 10 րոպե հետո Ադրբեջանը այդ հանդիպումից լուսանկարներ և ձայնագրություններ հարապարկե՞ր։ Նիկոլ Փաշինյանը հատկապես ներքաղաքական և տնտեսությանը վերաբերող հարցերի դեպքում սիրում է չստուգված և կեղծ տեղեկություններ հրապարակել, բայց այս պարագայում, ինքը այնքան ուղեղ ունեցավ, հասկանալու համար ՝չպետք է հերքել այն , ինչի ապացույցները Բաքուն շատ վաղուց ունի» ,- նշեց նա։

Քաղաքագետը ասաց նաև, որ Արցախյան բանացություններում պարտվողական դիրքորոշումը առաջ տանելուց բացի Նիկոլ Փաշինյանը ադրբեջանցիների հետ համագործակցում է նաև Ռուսաստանի դեմ, որ Նիկոլ Փաշինյանը շատ մեծ աշխարհաքաղաքական խաղերի մեջ է մտել և փորձում է, պաշտոնական Բաքվի հետ համագործակցելով, թուլացնել Ռուսաստանի դիրքերը Հայաստանում և ընդհանրապես Հարավային Կովկասում․ «Հիմա արդեն պարզ է դառնում, թե Լավրովը ինչ նկատի ուներ, երբ հայտարարում էր, թե հայկական կողմը պարզ է՝ ինչի շուրջ է բանակցում Արցախյան հիմնահարցի վերաբերյալ։ Լավրովի շուրթերով պաշտոնական Կրեմլը մեզ հասկացրեց, որ սիրելի հայ ժողովուրդ` ձեր վարչապետը, ձեր թիկունքում Ադրբեջանի հետ ինչ բովանդակության բանակցություններ է վարում, որի վերաբերյալ մինչև հիմա ոչ Նիկոլ Փաշինյանը և ոչ էլ ԱԳ նախարար Զոհրաբ Մնացականյանը որևէ պատասխան չեն տվել» ,- ասաց Գագիկ Համբարյանը

Մեզ հետ զրույցում քաղաքագետը անդրադարձ կատարեց նաև Հայաստանի ԱՄՆ դեսպանատան կատարած հայտարարությանը, որում ԱՄՆ քաղաքացիներին իրենց ապահովության համար հորրդորում էին չմեկնել հայ-ադրբեջանական սահմանին մոտ գտնվող վայրերը․ «Ադրբեջանում և Հայաստանում գործող ԱՄՆ դեսպանատները գրեթե նույն հայտարարությամբ են հանդես եկել։ Ենթադրաբար նրանք ավելի շատ տեղեկություններ ունեն, թե ինչ իրավիճակ է իրականում, թե՛ Հայաստանում, թե՛ Ադրբեջանում և, թե՛ ինչ կարող է տեղի ունենալ։ Այս հայտարարությունը հաղորդագրություն էր ուղղված մեզ, որ իրավիճակը տարածաշրջանում կտրուկ լարված է» ,- ասաց Գագիկ Համբարյանը։

Գագիկ Համբարյանը սահմանին տիրող սպասվելիք լարվածությունը կապում է ընդհատայա բանակցությունների հետ․ «Եթե պաշտոնական Երևանի և պաշտոնական Բաքվի միջև ընթացել են ընդհատակյա բանակցություններ և կողմերից մեկը փորձում է բացահայտ խաբել մյուսին, իհարկե` մյուսի արձագանքը սպասելի է։ Իմ կարծիքով` Նիկոլ Փաշինյանը իր ոճին բնորոշ ձևով փորձել է խաբել Իլհամ Ալիևին և հիմա պաշտոնական Բաքուն իր թիվ մեկ ռազմավարական գործընկերոջ՝ Թուրքիայի միջոցով փորձում է ինչ- որ գործողություններով Նիկոլ Փաշինյանին հասկացնել, որ դա անպատասխան չի մնա» ,- եզրափակեց քաղաքագետը։

Այս թեմայով Ադրբեջանում երկրաշարժ է տեղի ունեցել Ադրբեջանն արդեն 30 տարի է՝ ՆԱՏՕ-ի գործընկերն է․ Կոլոմինա Ադրբեջանի և Թուրքիայի արտգործնախարարները հանդիպել են Ադրբեջանը և Իրանը քննարկել են ռազմական համագործակցության զարգացման հեռանկարները Ադրբեջանը կմասնակցի Թուրքիայում կայանալիք զորավարժություններին Ադրբեջան է ժամանել Եվրոպական հանձնաժողովի հարևանության և բանակցությունների հարցերով գլխավոր տնօրենը ԵՄ-ն հանդես կգա Ադրբեջանում ականազերծման նոր նախաձեռնությամբ․ Միխալկով Ադրբեջանի ռազմածովային ուժերում տեղի է ունեցել հանդիպում ՆԱՏՕ-ի ներկայացուցիչների հետ Ադրբեջանի համար դեպի ԵԽԽՎ վերադարձի ճանապարհ չկա․ Ֆրանկ Շվաբե Ադրբեջանը Տավուշի 4 գյուղերը պահանջել է, ոչ թե սահմանազատման համար, այլ զոհվածների դիակների․ Նարինե Կիրակոսյան