Մահացած կնոջ դիակը կորել է. հարազատները մեղադրում են պատկան մարմիններին

Երևան քաղաքի Նորք Մարաշ վարչական շրջանի բնակչուհի՝ 60-ամյա Մարիամ Գևորգյանը մահացել է «Սուրբ Գրիգոր Լուսավորիչ» բժշկական կենտրոնում ու քանի որ նրա մոտ ախտորոշվել է կորոնավիրուս, նրան տեղափոխել են Աբովյանի դիահերձարան, որտեղից էլ հարազատները պետք է նշանակված ժամին վերցնեին դիակը և հուղարկավորեին, այս մասին հայտնում է Shamshyan.com-ը:

Մահացածի ամուսինը սահմանված ժամին եղել է դիահերձարանում, և երբ մտել է դիակի ճանաչման, պարզվել է, որ իր կինը չէ:

Ինչպես հայտնում է աղբյուրը, հարազատները նայել են բոլոր մահածացներին թե՛ Աբովյանի դիահերձարանում, թե՛ «Սուրբ Գրիգոր Լուսավորիչ» բժշկական կենտրոնում, սակայն չեն գտել:

Թղթակցի հետ զրույցում մահացածի դուստրը՝ Սեդա Ստեփանյանը, ասաց. «Երեկ պետք է մեր մայրիկին բերեինք և հուղարկավորեինք, գերեզմանոցում տեղը փորված էր, քահանայի հետ՝ պայմանավորված: Հայրիկիս հետ գնացինք, որ դիակը փակ դագաղով վերցնենք, պարզվեց, որ մեր մայրը չէ: Գնացինք Մասիվի հիվանդանոց, որտեղ գտանք այն վարորդին, ով երկու դիակ, որոնցից մեկը, հավանաբար, մեր մայրն է եղել, տեղափոխել է Աբովյանի մորգ: Վերջինս պնդեց, որ մեքենայով նա տեղափոխել է մորգ, որտեղ հանձնել է աշխատակիցներին և վերջ, իսկ թե թղթի գրված անձինք են եղել, թե ոչ, նա չգիտի: Այսպես փնտրեցինք Երևանի գրեթե բոլոր մորգերում, սգո սրահներում, բայց ապարդյուն: Մորգում մի այնպիսի հակասանիտարական, ահասարսուռ վիճակ է տիրում, որ խոսքերով անգամ չեմ կարող նկարագրել: Այս ու այն կողմ, գետնի վրա դիակներ են, արյուն, պարկեր, առանց ոչ մի գրառման: Աշխատում են երկու երիտասարդ, ովքեր ուղղակի չեն կարող այդ ծանր գործը հավուր պատշաճի կատարել:

Դիմում ենք այն մարդկանց, ովքեր մորգերից դիակ են վերցնում՝ անպայման ճանաչե՛ք ձեր հարազատին, նոր վերցրեք: Մենք էլ պահանջում ենք, որ գտնեն մեր դիակը, որտեղից էլ ուզում է, լինի և մեզ հանձնեն, որ հուղարկավորենք»: 

Այս թեմայով Վարձու աշխատողի՝ եկամտային հարկի վերաբերյալ տեղեկատվությունը հարկային մարմին կներկայացնի գործատուն. «Փաստ» Նորատուսի տներից մեկում հայտնաբերվել է տղամարդու մարմին՝ կողքին էլ «Մակարով» տեսակի ատրճանակ Առեղծվածային դեպք՝ Կոտայքի մարզում. հայտնաբերվել է տղամարդու կախված մարմին Կիևյան փողոցում հայտնաբերվել է տղամարդու մարմին Գերմանացի` 2018 թվականին մահացած ճանաչված միլիարդատիրոջը հայտնաբերել են Մոսկվայում՝ սիրուհու տանը (լուսանկարներ) Առեղծվածային դեպք՝ Օշական գյուղում Զինվորական «Ուրալի» վթարի հետևանքով մահացած Ժոզեֆ Ազոլյանը Արտաշատից էր Ողբերգական դեպք՝ Լոռու մարզում․ Ալավերդի քաղաքի տներից մեկում հայտնաբերվել է 16-ամյա երեխայի մարմին Առեղծվածային դեպք՝ Երևանում․ փրկարարները դիտահորից դուրս են բերել կնոջ մարմին Նոր կառուցվող էլիտար շենքի բակում հայտնաբերվել է տղամարդու մարմին