ԱՄՆ կոնգրեսական Դեյվիդ Սիսիլինը կոչ է անում ԱՄՆ-ին ճանաչել Արցախի անկախությունը

ԱՄՆ կոնգրեսական Դեյվիդ Սիսիլինը հանդես է եկել Արցախի անկախության ճանաչման կոչով: Ինչպես հայտնում է ANCA-ն, Սիսիլինն ասել է.

«ԱՄՆ պետքարտուղար Մայք Պոմպեոն այսօր պատրաստվում է հանդիպել Հայաստանի և Ադրբեջանի ԱԳ նախարարների հետ, սակայն պետք է իմանա, որ կան պատմական ծանրակշիռ փաստեր, որ խոսում են Արցախի անկախության ճանաչման օգտին: Այս հողը հազարամյակներ շարունակ եղել է Հայաստանի պատմական մասը և բնակեցված է եղել հայերով: Քրիստոնեության այս վաղ բնօրրանը պատված է եկեղեցիներով ու վանքերով, որ կառուցվել են հարյուրամյակներ առաջ: Սրանք նույն այն եկեղեցիներն են, որ այսօր ռմբակոծում են ադրբեջանցի զինվորականները:

Արցախի անկախության օգտին խոսող այլ համոզիչ փաստարկներ էլ կան՝ հիմնված միջազգային իրավունքի և ժողովրդավարական ինքնորոշման համընդհանուր սկզբունքների վրա: Այսօր, սակայն, Արցախը պետք է ճանաչել՝ հանուն նրա գոյատևման: Ադրբեջանի կողմից հարձակման չորրորդ շաբաթն է արդեն, Արցախի քաղաքացիները մնում են ապաստանած անօրինական կասետային ռումբերի անձրևի դեմ, նրանք գիտեն, որ ադրբեջանական վերահսկողության ցանկացած վերադարձ նրանց վտարելու է իրենց պատմական հայրենիքից:

Արցախի խաղաղ բնակիչների վրա արձակված ցանկացած ռումբ, ամեն փամփուշտ ու ԱԹՍ-ի հարձակում ամրապնդում է այս ժողովրդավար պետության՝ առանց այդ էլ ամուր ազատության ձգտումը:

Պատմությունն ու միջազգային իրավունքն արդեն Արցախի ճանաչման կողմից են, մենք այսօր տեսնում ենք, որ այս հպարտ երկրի գոյատևումը կախված է Միացյալ Նահանգներից և Արցախի Հանրապետության անկախ կարգավիճակի միջազգային ճանաչումից: Այդ պատճառով, ես միանում եմ իմ կոնգրեսական գործընկերներին՝ Միացյալ Նահանգներին կոչ անելով Արցախը ճանաչել լիարժեք և պաշտոնապես»:

Այս թեմայով Ղրղզստանի նախագահն ու Ալիևը կայցելեն օկուպացված Արցախ Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը Ինչ է գրել Արցախի ԱԱԾ աշխատակիցն իր քենուն կյանքից զրկելու և իր կյանքին վերջ տալուց առաջ. մանրամասներ․ ArmLur.am ԱՄՆ ՄԶԳ-ն նախատեսում է մոտ 8,5 միլիոն դոլար հատկացնել Արցախից բռնի տեղահանվածների համար