«Ծառայությունն անցնեք խաղաղ պայմաններում». ԱՀ նախագահը շնորհավորել է ԱԻՆ աշխատակցի օրը

Արցախի Հանրապետության նախագահ Արայիկ Հարությունյանը հոկտեմբերի 30-ին անդրադարձել է արտակարգ իրավիճակների պետական ծառայության աշխատակցի օրվան,  հղել հետևյալ ուղերձը.

«Սիրելի՛ հայրենակիցներ,

Այսօր Արցախի Հանրապետության արտակարգ իրավիճակների պետական ծառայության աշխատակցի օրն է: Այս կապակցությամբ ես ստորագրել եմ հրամանագրեր ծառայության մի խումբ երախտավորների պետական բարձր պարգևներով պարգևատրելու և փրկարարական ծառայության կոչումներ շնորհելու մասին: Իսկ ԱՀ արտակարգ իրավիճակների պետական ծառայության տնօրեն, փրկարարական ծառայության գնդապետ Կարեն Գրիգորի Սարգսյանին շնորհվել է փրկարարական ծառայության գեներալ-մայորի կոչում:

Հայրենիքը բարձր է գնահատում իր նվիրյալ զավակների անձնուրաց ծառայությունն ու արհեստավարժ աշխատանքը: Այդպես եղել է և այդպես կլինի այսուհետ:

Մեր ժողովրդի համար այս օրհասական պահին, երբ Արցախում վճռվում է համայն հայության ճակատագիրն ու ապագան, ծառայության աշխատակիցները շարունակում են բարձր մակարդակով իրականացնել իրենց գործառույթներն ու կատարել հայրենիքի հանդեպ իրենց սրբազան պարտքը: Ցավոք, այս օրերին իրենց աշխատանքային պարտականությունները կատարելիս ԱԻՊԾ աշխատակիցներ Հովիկ Աղաջանյանը և Հարութ Աթաջանյանը զոհվել են: Նրանց հիշատակն անմար է ապրողներիս սրտերում։ Կառույցի աշխատակիցների շրջանում կան նաեւ վիրավորներ. նրանց շուտափույթ ապաքինում եմ մաղթում։

Թանկագի՛ն բարեկամներ,

Իմ մեծագույն ցանկությունն ու մաղթանքն է, որ այսուհետ արտակարգ իրավիճակներում բնակչության պաշտպանության ուղղությամբ ձեր ծառայողական պարտականություններն իրականացնեք միայն խաղաղ ու անվտանգ պայմաններում:

Խաղաղություն ու բարօրություն ձեզ, ձեր ընտանիքներին և մեր Հայրենիքին»։ 

Այս թեմայով Հայ մայրն այն առանցքն է, որի շուրջ հյուսվում է մեր երազած Հայրենիքի ցանկալի պատկերը. ԱՀ նախագահ «Պետք է մեկընդմիշտ մերժվեն այն առաջարկները, որոնք ժխտում են Արցախի ժողովրդի ինքնորոշման իրավունքը» Արցախի նախագահ Արայիկ Հարությունյանը մեկնել է Մոսկվա. 168.am Արայիկ Հարությունյանը Ճարտարում մասնակցել է բազմաֆունկցիոնալ մարզահամալիրի բացման հանդիսավոր արարողությանը Չենք պատկերացնում Արցախի ապագան առանց Ռուսաստանի Դաշնության ներկայության․ Արայիկ Հարությունյան «Իրավունք». Փաշինյանն ասել է՝ Արցախն ինքը թող որոշի իր արտաքին քաղաքականությունը Արայիկ Հարությունյանը կարևորել է Հայաստանի հետ համակարգված աշխատանքը «Հրապարակ». Ի՞նչ է փոխանցել Արցախի նախագահը, որ քաղաքական դաշտը գերադասում է լռել «Փաստ». Արցախում դժգոհ են Հարությունյանի երևանյան այցից ու Փաշինյանի հետ հանդիպումից Արարատ Միրզոյանը Արայիկ Հարությունյանին է ներկայացրել ԼՂ հարցի կարգավորման հեռանկարները