Ծառուկյանը հերթական անգամ ապօրինի ձերբակալվեց. փաստաբան

«Բարգավաճ Հայաստան» կուսակցության ղեկավար Գագիկ Ծառուկյանի փաստաբան Երեմ Սարգսյանը ֆեյսբուքյան իր էջում գրառում է արել, որում ասվում է․

«11․11․2020թ․՝ ժամը 12։10-ին, ԱԱԾ աշխատակիցները ծանուցագիր են բերել, որով Գագիկ Ծառուկյանին կես ժամ հետո՝ ժամը 12։40-ին, որպես վկա հրավիրել են ԱԱԾ։ Այսինքն՝ նախատեսված հանրահավաքից 20 րոպե առաջ։

Գագիկ Ծառուկյանը ժամը 12։40-ին պատշաճ կերպով ներկայացել է ԱԱԾ, որտեղ մինչև ժամը 14։20-ը նրա մասնակցությամբ բացարձակապես որևէ քննչական և դատավարական գործողություն չի կատարվել։ Ժամը 14։20-ին ապօրինի կերպով ենթարկվել է անձնական խուզարկության, որից հետո որպես վկա հարցաքննվել է, որպիսի գործողությունները տևել են մոտ 30 րոպե։

Դրանից հետո նրա մասնակցությամբ մոտ 9 ժամ բացարձակապես որևէ գործողություն չի կատարվել և նա անհիմն կերպով գտնվել է ԱԱԾ-ում, քանի որ իրավապահները չէին կարողանում նրան ձերբակալելու որևէ հիմք գտնել։

Ի վերջո որոշվեց Գագիկ Ծառուկյանին ակնհայտ ապօրինի կերպով ձերբակալել։

Այս նպատակով ԱԱԾ ժամանեց ՀՔԾ քննիչը և ժամը 23։26-ին Գագիկ Ծառուկյանին ձերբակալեց ՀՀ քրեական օրենսգրքի 225․1-րդ հոդվածի 1-ին մասով նախատեսված հանցագործության կասկածանքով։

Նշեմ, որ նշվածը ոչ մեծ ծանրության հանցագործություն է և որպես պատիժ է նախատեսում 200-300 հազար դրամի չափով տուգանք կամ 15 օրից 2 ամիս ժամկետով կալանք։

Նշեմ, որ այդ հանցագործության մեղադրանքով Գագիկ Ծառուկյանն օրենքով սահմանված կարգով չի կարող նույնիսկ կալանավորվել, քանզի դրա համար որպես պատիժ նույնիսկ ազատազրկում նախատեսված չէ, ինչը կալանավորման համար պարտադիր պայման է։

Որպես ձերբակալման հիմք քննիչը նշեց այն, թե իբրև Գագիկ Ծառուկյանը բռնվել է հանցանք կատարելուց անմիջապես հետո։ Իսկ որպես ձերբակալման նպատակ՝ հանցանք կատարելուց հետո նրա փախուստը կանխելը։

Պարզաբանեմ, որ Գագիկ Ծառուկյանն օգտվում է պատգամավորական անձեռնմխելիությունից, ուստի նա չէր կարող առանց Ազգային ժողովի համաձայնության զրկվել ազատությունից, բացառությամբ, եթե բռնվել է հենց հանցանք կատարելիս կամ այն կատարելուց անմիջապես հետո։

Գագիկ Ծառուկյանը ծանուցագիրը ստանալուց անմիջապես հետո վկայի կարգավիճակով ինքնակամ ներկայացել է ԱԱԾ, մոտ 11 ժամը սպասել է, որ ՀՔԾ քննիչը ներկայանա և իր մասնակցությամբ քննչական գործողություն կատարի։ Իսկ նույն քննիչը ներկայանալով պնդում է, թե իբրև Գագիկ Ծառուկյանը բռնվել է հանցանք կատարելուց անմիջապես հետո , ուստի իրավունք ունի ձերբակալել նրան։ Եվ դա այն դեպքում, որ քննիչին խնդրեցինք պարզաբանել, թե ըստ նրա որ ժամին է Գ․Ծառուկյանը կատարել այդ ենթադրյալ հանցագործությունը, որտեղ են նրան բռնել, որ նշում են, թե իբրև բռնվել է հանցանք կատարելուց անմիջապես հետո, միթե Գ․ Ծառուկյանն ԱԱԾ-ում գտնված այդ 11 ժամերի ընթացքում է այդ հանցագործությունը կատարել։

Քննիչն այդպես էլ չկարողացավ պարզաբանել, թե որ ժամին է կատարվել այդ ենթադրյալ հանցագործությունը։ Նաև չկարողացավ պարզաբանել նաև, թե ինչու է գտնում, որ ինքնակամ ներկայացած և 11 ժամ իրեն սպասած Գագիկ Ծառուկյանը կարող է դիմել փախուստի։

Միաժամանակ, Գագիկ Ծառուկյանին այդ հոդվածով նույնիսկ մեղադրանք չեն կարող առաջադրել, քանզի դրա համար ՀՀ գլխավոր դատախազը պարտադիր պետք է քրեական հետապնդման ենթարկելու թույլտվություն ստանալու միջնորդությամբ դիմի ՀՀ ազգային ժողովին և ստանա համաձայնություն, որպեսզի պատգամավորական անձեռնմխելիությունը հաղթահարված լինի։

Իհարկե հայրենի իրավապահները քաջ հասկանում են այս ամենը և գիտակցում են, որ այս շինծու և անհիմն կասկածանքով Գագիկ Ծառուկյանին չեն կարող կալանավորել և նույնիսկ մեղադրանք առաջադրել, ուստի որոշել են նրան ձերբակալելով նախ մեկուսացնել, իսկ ներկայումս էլ այլ ճանապարհներ են փորձում գտնել նրան ինչ-որ կերպ կալանավորելու համար։

Դրա համար նախ իշխանության սրտի դատավոր է անհրաժեշտ, ով անվերապահորեն կվստահեցնի, որ կալանավորելու է Գագիկ Ծառուկյանին, ուստի այս ապօրինի ձերբակալման ժամանակը օգտագործում են հենց այդ դատավորին գտնելու համար։

Գագիկ Ծառուկյանի պաշտպանական թիմն ակնհայտ ապօրինի ձերբակալման դեմ բողոք է ներկայացրել դատարան, ինչպես նաև այս խայտառակ խախտումների շարադրմամբ դիմում է ներկայացրել ՀՀ մարդու իրավունքների պաշտպանին։

Նշվածն ակնհայտ ապօրինի և քաղաքական նկատառումներով իրականացվող քրեական հետապնդման դասագրքային օրինակ է»։

Այս թեմայով Նիկոլա Անելկան հանդիպել է Գագիկ Ծառուկյանի հետ Գագիկ Ծառուկյանն ու հազվագյուտ ցեղատեսակի առյուծիկը (տեսանյութ) Ցանկանում եմ, որ ուսումնառության բոլոր տարիներին ձեզ ուղեկցի գիտելիքներ ստանալու ծարավն ու բարձր առաջադիմությունը. Ծառուկյան Կրկին շեշտեմ՝ մոնումենտալ արձանը եկեղեցական կառույց չէ. Գ. Ծառուկյան «Սահմանադրության կարևորագույն առաքելությունը հասարակական համերաշխության ապահովումն է». Գագիկ Ծառուկյանի ուղերձը Պատմության դասն ու պատգամն է մեզ՝ լինել միասնական, լինել համախմբված ազգային երազանքների․ Գ․ Ծառուկյան «Սա Աստծու տված գործ ա, պետք է լինի ամենա-ամենան». Ծառուկյանը՝ Քրիստոսի արձանի մասին «Հավատքն աշխարհում ամենաուժեղ զենքն է». Գագիկ Ծառուկյան «Փաստ». Ծառուկյանի հայտարարած մրցույթին մասնակցելու 100-ից ավելի հայտ կա «Փաստ». Գագիկ Ծառուկյան. Որոշ պարզաբանումներ Քրիստոսի արձանի թեմայով