Ննջեց, որ չխենթանա․ տիկին Ռիտան չէր կարող տեսնել այն ամենը, ինչ կատարվում է․ Վիգեն Սարգսյան

ՀՀ Պաշտպանության նախկին նախարար Վիգեն Սարգսյանը ֆեյսբուքյան իր էջում գրառում է արել ՀՀ երրորդ նախագահ Սերժ Սարգսյանի կնոջ՝ Ռիտա Սարգսյանի մահվան կապակցությամբ։

Նա, մասնավորապես, նշել է.

«Ննջեց, որ չխենթանա: Տիկին Ռիտան չէր կարող ականատես լիներ այն ամենին, ինչ կատարվում է Արցախում եւ Հայաստանում: Նա առանց դառնանալու առերեսվեց իր անձի եւ ընտանիքի նկատմամբ դրսեւորված մեծ դավաճանություններին եւ փոքրոգի չարությանը, բայց չէր հաշտվի որբացած Դադիվանքի, նամազով եւ մուղամով լցված Շուշիի եւ հայրենազրկված ժողովրդի իրողության հետ:

Տասնյակ հազարավոր անհատներ եւ ընտանիքներ են երջանկացել տիկին Ռիտայի նվիրումով եւ ջանքերով` լեյկեմիայի եւ աուտիզմի կենտրոններում բուժում եւ խնամք ստացող մանուկներից մինչեւ Հայրենիքի պաշտպանի տանը վերականգնվող զինհաշմանդամներ եւ «Արագիլ» հիմնադրամի ջանքերով արհեստական բեղմնավորման շնորհիվ զավակի արժանացած ընտանիքներ: Պատերազմի ամենածանր տարիներին Հայաստանի պաշտպանության նախարար Սերժ Սարգսյանի հետ Երեւան չտեղափոխված եւ Ստեփանակերտի ապաստարաններում դուստրերին մեծացրած եւ դաստիարակած տիկին Ռիտան չէր կարող համակերպվել այս դավաճանության, ցնորքի, կեղծիքի եւ բարոյալքման հետ:

Աստված հոգիդ լուսավորի, Մեծ Հայուհի»։

Նախկին նախարարն իր գրառմանը կից հրապարակել է Ռիտա Սարգսյանի կողմից հեղինակած երգը։

Այս թեմայով Ովքեր էին ներկա Ռիտա Սարգսյանի մահվան տարելիցին Ռազմիկ Ամյանի, Շուշան Պետրոսյանի, Նունե Եսայանի և Սարո Թովմասյանի երգը` նվիրված Ռիտա Սարգսյանին` «Ի սրտե» (տեսանյութ) Ռազմական էլիտայի հայտարարության մեջ չկա հեղաշրջման նշույլ անգամ․ Վիգեն Սարգսյան Առաքինությունն անփոխարինելի հատկանիշ է առաջնորդի համար. Վիգեն Սարգսյան Ռիտա Սարգսյանը համաշխարհային մասշտաբի անձնավորություն էր․ երգիչ Մհերի գրառումը Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում Ռիտա Սարգսյանի հոգեհանգիստը տեղի կունենա վաղը` ժամը 12:00-ին, Նոր Նորքի 5-րդ զանգվածի եկեղեցում Արարատ Միրզոյանը ցավակցական ուղերձ է հղել Ռիտա Սարգսյանի մահվան կապակցությամբ Տիկին Ռիտան միայն մի նախադասություն է ասել` «Ղարաբաղս տաք վեչ...». Շուշան Պետրոսյան Մեր Ռիտան կապրի Շուշիի երկնքում. Միքայել Մինասյան