Քոչարյանի օրոք ունեցել ենք 10-13% տնտեսական աճ, թող հարցնեն, տեսնեն՝ ո՞նց էր անում․ Վարդան Այվազյան

«Տնտեսական լուրջ խնդիրների առջև ենք կանգնում․ տարված քաղաքականությունը կարող է բերել տնտեսական կոլապսի։ Տնտեսական քաղաքականությունն, ինչքան գիտեմ, իշխանությունն է որոշում, բնականաբար մեղավորությունը հենց իրենցն է, հո այլմոլարակայինների՞նը չէ»,- այս մասին ԼՈՒՐԵՐ.com-ի հետ զրույցում ասաց ԱԺ ՀՀԿ-ական նախկին պատգամավոր, ԱԺ տնտեսական հարցերի մշտական հանձնաժողովի նախկին նախագահ Վարդան Այվազյանը՝ անդրադառնալով հայկական դրամի արժեզրկմանն ու դոլարի վերելքի հետևանքներին։

Ըստ նրա՝ Արցախում սկսված պատերազմն ու կորոնավիրուսի համավարակը տնտեսական լուրջ հետևանքներ են առաջացրել՝ արտաքին առևտրի նվազում, արտահանման նվազում, ներդրումների բացակայություն․ «Հայաստան մտնում է ավելի քիչ արժույթ, դուրս գալիս ավելի շատ, ինչը ազդում է դրամի փոխարժեքի վրա։ Մենք հիմնականում ներմուծող երկիր ենք և ապրանքների գինը կախված է արտարժույթի փոխարժեքից, հետևաբար սպասվում է գնաճ։ Առաջին անհրաժեշտության ապրանքներն են թանկանալու։ Հետագայում կարող է առաջ բերել նաև էլեկտրաէներգիայի և մյուս ոլորտներում գնաճի»,- նշեց նախկին պատգամավորը։

Նրա կարծիքով՝ երկրում ստեղծված իրավիճակը պայմանավորված է նաև վերջին 2․5 տարվա ընթացքում ֆինանսական հոսքերի մեծացմամբ, արտաքին պարտքի աճով, ֆինանսական միջոցների աննպատակային ծախսերով․ «Ցավալի է, երբ իշխանությանը մատնանշում ես այս խնդիրները, բայց իրենք, միևնույն է, զբաղվում են այլ բաներով։ Իրավիճակի կարգավորման համար կան բազմաթիվ առաջարկներ, համենայնդեպս, առաջին հերթին անհրաժեշտ են տնտեսական քաղաքականության էական փոփոխություններ։ Քաղաքական անիմաստ գործընթացներով զբաղվելու փոխարեն պետք է նստել և անհապաղ լուրջ քայլեր ձեռնարկել տնտեսությունն ակտիվացնելու համար։ Պետք է ամեն ինչ անել, որ երկրի իմիջը բարձրանա և ներդրումներ արվեն»,- ասաց նա։ 

Այվազյանը նշեց՝ ի տարբերություն այսօրվա, տարիներ առաջ Հայաստանում բավականին մեծ տնտեսական աճ է գրանցվել․ «Քոչարյանի օրոք 10 տարվա մեջ 7-8 տարին 10-13% տնտեսական աճ ենք ունեցել։ Բյուջեն 600 միլիոնից սարքեց 3 միլիարդ։ Թող հարցնեն, տեսնեն՝ ո՞նց էր անում, որ էդպես էր լինում, ոչ թե ավել-պակաս խոսեն»,- ասաց Վարդան Այվազյանը։ 

Եզրափակելով խոսքը Այվազյանն ասաց՝ վերքի վրա աղ լցնել չի ցանկանում, բայց հորդորում է անհապաղ կանգ առնել է և քայլերի հաջորդականությունը որոշել։

Այս թեմայով Կոտայքի ոստիկանապետի դեմ իրավական գործընթաց պետք է սկսել․ պատգամավոր Ոստիկանները հարձակվեցին պատգամավոր Արթուր Խաչատրյանի վրա Ադրբեջանից գազ գնելը չենք բացառում, օրակարգում նման խնդիր չկա, տեսական հարց է․ ՔՊ պատգամավոր (տեսանյութ) «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ) Պատգամավոր Գառնիկ Դանիելյանը ուշագնաց էր եղել, բուժօգնություն է տրամադրվում. Տավուշում գերլարված է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան «Ժողովուրդ». Ի՞նչ կապ ունի Սիսիանի բաժնի նախկին պետ Գարիկ Մուրադյանը 36 կգ ոսկու և 293 մլն ռուբլու հափշտակման գործի հետ Երբեք չեմ դադարեցնի պայքարը, որպեսզի Ցեղասպանության ժխտումը չհանգեցնի դրա կրկնությանը․ ԵԽ ֆրանսիացի պատգամավոր Հայոց Ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր ԶՈՒ գլխավոր շտաբի նախկին պետ Օնիկ Գասպարյանը Հակակոռուպցիոն դատարանում է․ Armlur