Ովքեր են լինելու ԱՀ նոր իշխանության կազմում

Արցախում արդեն մեկնարկել է նոր իշխանության ձևավորման գործընթացը, որի մասին երեկ ակնարկեց նաև ԱՀ նախագահ Արայիկ Հարությունյանը: Առաջիկայում պաշտոնները կլքեն ամենաքննադատված պաշտոնյաները, այդ թվում՝ Արայիկ Հարությունյանը:

ԼՈՒՐԵՐ.com-ի տեղեկություններով՝ ԱՀ արտգործնախարար Մասիս Մայիլյանին, ում անունը կապվում է սորոսական շրջանակների հետ, փոխարինելու է օրերս ՀՀ ԱԺ նախագահի խորհրդականի պաշտոնից ազատման դիմում գրած Աշոտ Ղուլյանը, որը նախկինում եղել է ԱՀ ԱԺ նախագահ:

Ըստ մեր հավաստի աղբյուրի՝ ԱԺ նախագահ Արթուր Թովմասյանին փոխարինելու է ԱԺ պատգամավոր, ՀՅԴ-ական Դավիթ Իշխանյանը:

ԱՀ Տարածքային կառավարման և զարգացման նախարար Ժիրայր Միրզոյանին փոխարինելու է «Ազգային վերածնունդ» կուսակցության նախագահ Հայկ Խանումյանը, որը 2012 թվականի նախագահական ընտրություններում եղել է ԱՀ նախագահի թեկնածու Վիտալի Բալասանյանի նախընտրական շտաբի հանրային կապերի պատասխանատուն:

Դե իսկ, Արայիկ Հարությունյանը իշխանությունը կփոխանցի ԱՀ ԱԺ նախկին պատգամավոր, ԱԽ քարտուղար Վիտալի Բալասանյանին, որի մասին Հարությունյանը ակնարկել էր իր՝ երեկ հնչեցրած ուղերձում:

Հիշեցնենք, որ ավելի ուշ՝ հրապարակված ուղերձը խմբագրելուց հետո, Հարությունյանը խոստացավ, որ առաջին իսկ հնարավորության դեպքում վայր է դնելու նախագահական լիազորությունները, իսկ հաջորդ արտահերթ ընտրություններին չի առաջադրվելու և դուրս է գալու քաղաքականությունից:

Հարությունյանը հայտարարեց նաև, որ նշանակալի կադրային փոփոխություններ են լինելու նաև ուժային կառույցներում՝ հաստատելով կառավարության նոր կազմը:

Մինչ վերոնշյալ հայտարարությունն անելը, Արայիկ Հարությունյանը նշել էր, որ պատերազմից հետո պատրաստ էր վայր դնել նախագահի իր լիազորությունները, սակայն մի քանի հիմնական պատճառնրից ելնելով՝ չի գնացել այդ քայլին:

Արփինե Հակոբյան

Այս թեմայով Ռուսական խաղաղապահ գրեթե ողջ զորակազմն արդեն լքել է ԼՂ-ն, մնացած մասը կլքի այն մինչև մայիսի վերջ Հայ ժողովուրդը կրկին պայքարում է ատելության դեմ. Ուրուգվայի Ներկայացուցիչների պալատի նախագահ Սա է պատերազմից խուսափելու լավագույն միջոցը. Ֆինլանդիայի նախագահ ՀՀ 3-րդ նախագահ Սերժ Սարգսյանը թոռան հետ ծաղիկներ խոնարհեց Ցեղասպանության զոհերի անմար կրակի մոտ Ղրղզստանի նախագահն ու Ալիևը կայցելեն օկուպացված Արցախ Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Իրանի նախագահ Էբրահիմ Ռաիսին ժամանել է Պակիստան Արցախի Քարինտակ գյուղը Ադրբեջանը լիովին ջնջել է հողի վրայից «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ