ՔՊ-ականներին «Շմայսի փառքը» հանգիստ չի տալիս

Այսօր առավոտյան ԱԺ շենքի մոտ Նիկոլ Փաշինյանի հրաժարականը պահանջող քաղաքացիների և ԱԺ Իմ Քայլը խմբակցության մի շարք պատգամավորների միջև միջադեպեր գրանցվեցին, որոնք ամենա խոսուն կերպով նկարագրում են ԱԺ 7-րդ գումարման պատգամավորների «նոր որակները»:  Վաղ առավոտյան ցուցարները մուտքի մոտ ձվերով դիմավորեցին Իմքայլական պատգամավոր Անդրանիկ Քոչարյանին, ում համար հիշեցնենք Հայաստանում այլևս բանակ չկա՝ կան միայն զինված խմբեր, իսկ Ադրբեջանի և Թուրքիայի հետ հարաբերությունները զարգացնելը առաջնահերթ լուծում պահանջող հարցեր են: Տրամաբանական է, որ վրդովված քաղաքացիները պետք է Քոչարյանի հասցեին հնչեցնեին «դավաճան» պիտակը, սակայն Քոչարյանը ինչպես երևում է իրեն բնավ էլ դավաճան չի համարում և հայհոյանքներով պատասխանեց ցուցարներին, դավաճան պիտակավորելով նրանցից մեկի ծնողին, բառացի ասելով՝ «դավաճանը մերդ ա, լակոտ»: 

Հաջորդ դրվագի «հերոսը» իմքայլական Հայկ Սարգսյանն է: Քաղաքացիները Սարգսյանին ԱԺ մուտքի մոտ դիմավորեցին  վանկարկումներով և այդ փաստը պատգամավորը անչափ ծանր տանելով սպառնաց «շիշը մտցնել քաղաքացու համապատասխան տեղը»: Արդեն ԱԺ ամբիոնից էլ 2.5 տարի առաջ ճանապարհ փակելով իշխանության եկած Սարգսյանը՝ իրավապահներին հաթաթա տալով պահանջում էր Երևանի փողոցներում վերահաստատել կարգ ու կանոնը, հակառակ դեպքում իրենց ՝ պատգամավորներին պաշտպանության են գալու աջակիցները: Ի՞նչ է սա, եթե ոչ քաղաքացիական բախումների հրահրման հերթական փորձ, այն էլ երկրի թիվ մեկ քաղաքական ամբիոնից: 

Մի խումբ քաղաքացիներ էլ առավոտյան փակել էին իմքայլական պատգամավոր Սիսակ Գաբրիելյանի մուտքն ԱԺ: Պատգամավորը դուրս գալով ավտոմեքենայից հարձակվեց ցուցարարների վրա, սկսվեցին փոխադարձ հայհոյանքներն ու ծեծկռտուքը: Ընդ որում ակնհայտ է, որ ծեծկռտուքի նախաձեռնողը հենց իմքայլական պատգամավորն էր, որքան էլ որ պրո-իշխանական մեդիան և տելեգրամ ալիքները փորձեն տարածել դրվագի մոնտաժված տարբերակը, որտեղ երևում է միայն ցուցարարների կողմից պատգամավորին «ձվահարելը»: 

Եթե վերը նշված դրվագները տեղի ունենային նախկին իշխանությունների օրոք` կարելի է պատկերացնել, թե ինչ արձագանք այդ ամենը կստանար այն ժամանակվա ընդդիմության կողմից՝ Նիկոլ Փաշինյանը վստահաբար արդեն պահանջել էր էթիկայի հանձնաժողով ձևավորել և նման պահվածք դրսևորած իշխանական պատգամավորին մանդատից զրկել: Բոլորի հիշողության մեջ էլ թարմ է ՀՀԿ-ական պատգամավոր Առաքել Մովսիսյանի ՝ Շմայսի «փառքը», ինչպես նաև նրա և Նիկոլ Փաշինյանի հայտնի փոխրաձգությունը, որտեղ կողմերը միմյանց պիտակավորեցին «դիշովկա»: Դրանից հետո Փաշինյանը պահանջում էր էթիկայի հանձնաժողովի ձևավորում և ընդ որում՝ հասավ իր նպատակին: Այսօր նման պահանջ իհարկե չկա՝ իշխանությունները «պահում են» յուրայիններին, լռում են նաև գրանտային ասեղների վրա նստած իրավապաշտպան ՀԿ-ը և ստացվում է, որ Նոր Հայաստանում, «նոր որակի» ԱԺ-ի պատգամավորները կարող են հայհոյել և ծեծի ենթարկել այն քաղաքացիներին, որոնց հարկերի շնորհիվ միլիոնների հասնող աշխատավարձ և պարգևավճարներ են ստանում և որոնց՝ մեկ գրչի շարժումով հայրենազրկել են: Ինչպես երևում է Իմքայլական պատգամավորներին հայտնի Շմայսի փառքը այդպես էլ հանգիստ չի տալիս և նրանք որոշել են նաև այս հարցում նախկիններից հետ չմնալ, իսկ հնարավորության դեպքում՝ նաև առաջ անցնել...

Այս թեմայով Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին «Ժողովուրդ». Օրինապահից դեպի «բարձր ռիսկային խումբ» մեկ քայլ է Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Գերմանիան Բունդեսվերի բրիգադ է ուղարկել Լիտվա՝ դա անվանելով կարևոր քայլ ՆԱՏՕ-ի համար «Իմ Քայլ»-ի բարեգործական ընթրիքը նպատակ ունի աջակցել կին գործարարների գործունեության ընդլայնմանը Որևէ մտահոգիչ քայլ չի արվում. ՊՆ փոխնախարարը՝ Տավուշին հարակից գյուղերի մասին Եթե մեր քայլից հետո Ադրբեջանը ընդառաջ քայլ չանի, ուրեմն կմտնենք տուպիկ. Աղազարյան «Այս շփումների վերջնական անկեղծությանը կդժվարանամ հավատալ, քանի դեռ գործնական հողի վրա որևէ քայլ չի արձանագրվել». «Փաստ»