Հայրենիքի տերը անձերից ու իշխանություններից առաջ ու վեր ժողովո՛ւրդն է. Արամ Ա կաթողիկոսի ուղերձը (տեսանյութ)

Բացվող նոր տարվա շեմին, Մեծի Տանն Կիլիկիո Կաթողիկոսության Անթիլիասի Մայրավանքից քրիստոնեական ջերմ սիրով եւ հայրապետական օրհնությամբ ողջունում ենք մեր ժողովրդի սիրելի զավակներին։ Այս մասին իր հայրապետական պատգամում ասել է Մեծի Տանն Կիլիկիո Կաթողիկոս Արամ Ա վեհափառը։

«Տագնապալից տարի էր 2020 թվականը համայն մարդկության եւ հատկապես մեր ժողովրդի համար։ Կորոնավիրուսին ու տնտեսական ճգնաժամին առընթեր, Արցախի պատերազմն իր պատճառած տարածքային կորստով ու ավերումով, զոհերով ու վիրաւվորներով խոր ցնցում առաջացրեց ամբողջ հայության կյանքում։ Վտանգվեց Արցախի անկախությունը, նույնիսկ Հայաստանի տարածքային ամբողջականությունը։ Ահավոր վտանգներով եւ անկանխատեսելի հետեւանքներով լի ճգնաժամային այս կացության առջեւ ճիշտ չէ անտարբեր մնալը, ճիշտ չէ նաեւ հուսալքվելն ու ընկճվելը, հատկապես ճիշտ չէ պարտված լինելու հոգեվիճակին գերին դառնալը։ Արդ, անհրաժեշտ է անհատապես եւ ազգովի ամրացնել մեր հավատքը, ամրապնդել մեր հույսը, զորացնել մեր կամքը եւ դուրս գալ մեր ներուժը ջլատող ու մեզ դեպի նահանջ առաջնորդող ներկա անորոշ վիճակից։ Հայաստանում ու Արցախում անհրաժեշտ է հեռու մնալ ներքին բեւեռացումներ ծավալող ու անկայունությունը խորացնող քայլերից եւ վերանորոգ հավատքով ու հույսով շաղախված նոր էջ բացել մեր հավաքական կյանքում։ Սա՛ է այս պահի հրամայականը։ Արդարեւ, Արցախում տեղի ունեցածը չի կարելի մոռացության փոշու տակ ծածկված պահել ու շարունակել մեր կյանքի բնական ընթացքը։ Մեր ժողովուրդը հաշվետվություն է պահանջում։

Հայրենիքի տերը անձերից ու իշխանություններից առաջ ու վեր ժողովո՛ւրդն է. նրա ճակատագիրը, ներկան ու ապագան որոշողը նույնպես ժողովո՛ւրդն է։ Հետեւաբար, մեր ժողովուրդը մերժում է ներսից, թե դրսից պարտադրված որեւէ որոշում կամ համաձայնագիր, որը վտանգում է իր գոյության ու ինքնության հիմքերը, իր հայրենիքի անկախությունը։ Մեր սրբերի աղոթքով ու նահատակների արյունով թրծված Արցախի ու Հայաստանի հողերը, մեր ժողովրդի ազատ ու անկախ ապրելու իրավունքը չեն կարող քաղաքական սակարկության եւ աշխարհաքաղաքական շահերի զոհը դառնալ։ Ցեղասպանությունից վերապրած հայ ժողովուրդը իր վերանկախացած հայրենիքով, իր վիրավոր, բայց կանգուն Արցախով, իր հզոր Սփյուռքով «ո՛չ» է ասում պարտվողականությանն ու հուսահատությանը։ Մենք հաղթանակի ժողովուրդ ենք. մենք Քրիստոսի հավատքով զորացած, խաչով հարություն կերտած ու կերտող ժողովուրդ ենք։

Հետեւաբար, սգի քողը թող վերանա մեր կյանքից եւ մեր նահատակների արյունով շաղախված հույսի ու սիրո ծիածանը թող կամար կապի հայ կյանքի երկինքի վրա։ Սգի թափորի փոխարեն մենք կոչված ենք հաղթանակի երթ կազմակերպել եւ քալել առաջ կողք-կողքի, սիրտի-սրտի՝ հայրենիքն իր գերագույն արժեքներով ու ձգտումներով դավանելով ամեն բանից վեր, մեր ազգի անբեկանելի իրավունքները նկատելով մեր կյանքին առանցքն ու նպատակը։ Հայ ազգը այլ ճանապարհ չունի։ Եկեք, սիրելի հայորդիներ, աղոթենք միասին, որ Աստծո օրհնությամբ բացվող նոր տարին մեր ազգի ու հայրենիքի համար դառնա երկնային բարիքներով լի օրհնաբեր տարի։ Թող Աստված մեր բանակի նահատակ հերոսներին երկնային խաղաղություն պարգեւի, վիրավորներին եւ բոլոր հիվանդներին՝ շուտափույթ ապաքինում, սգավոր ընտանիքներին՝ մխիթարություն, Հայաստանին ու Արցախին՝ անվտանգություն եւ մեր ազգի բոլոր զավակներին՝ առողջություն, հաջողություն ու երջանկություն։ Շնորհավոր Ամանոր»,- ասել է Մեծի Տանն Կիլիկիո Կաթողիկոս Արամ Ա հայրապետը։

Այս թեմայով Անընդհատ զիջելով չէ, հիմա ադրբեջանցիները երգում-պարում են, նայե'ք էս ժողովրդի վիճակը. Տեր Արամ (տեսանյութ) Արամ Ա-ն արձագանքել է Էրդողանին Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Արամ Սարգսյա՜ն, Վազգենն է ազատագրել Ոսկեպարի տարածքները, օկուպա՞նտ էր, որ հիմա Նիկոլ ես պաշտպանում Պատերազմին կա՛ այլընտրանք, երկիրը կոլապսի մեջ է, ԱԺ-ում պետք է շատ արագ սկսվի անվստահության գործընթաց, Նիկոլին պետք է վռնդել. Արամ Օրբելյան Դիզայներ Արամ Նիկոլյանը Տավուշում է. միացել է հայրենիքի պաշտպանությանը (տեսանյութ) Պետք է Հայաստանը հզորանա, պաշտպանվի Արցախի մեր ժողովրդի վերադարձի իրավունքը․ Արամ Ա «Հրապարակ». Արամ Սարգսյանի մտերիմին 1 բուլդոզերի համար 700 հազար դոլար են տվել Արամ Վարդևանյանը միացել է Սամվել Վարդանյանի փաստաբանական խմբին Արամ Հովհաննիսյանը պարգևներ է հանձնել Ոստիկանության մի խումբ ծառայողների