Պատրաստ եմ համագործակցելու այն անհատների հետ, ովքեր պատրաստակամ են օգնել տեղեկատվությամբ. Անի Սամսոնյան

Աժ «Լուսավոր Հայաստան» խմբակցության պատգամավոր Անի Սամսոնյանը ֆեյսբուքյան իր էջում գրել է.

«Սիրելի քաղաքացիներ և գործընկերներ, դեռևս 2020 թվականին ՀՀ ԱԺ «Բարգավաճ Հայաստան» և «Լուսավոր Հայաստան» խմբակցությունները նախաձեռնեցին Կառավարության՝ համավարակի դեմ պայքարին ուղղված գործողությունները ուսումնասիրելու նախաձեռնություն։

Անցած տարի գործընթացը չշարունակվեց մեզ պատուհասած պատերազմի պատճառով։ Պատերազմի հետևանքների վերացումը մեզ կանգնեցրել է բազմաթիվ մարտահրավերների առջև, որոնք առանձին ուսումնասիրության և քննության առարկա են, որի համար մենք առաջարկել ենք ստեղծել փաստահավաք հանձնաժողով։

Բայց միաժամանակ, հետևողական լինելով մեր նախաձեռնությունները կյանքի կոչելու հարցում, մենք պարտավոր ենք նաև ուսումնասիրել Կորոնավիրուսի կանխարգելման և բուժման հանգամանքները՝ հետագայում բնակչության առողջության պաշտպանության համար ավելի արդյունավետ գործելու նպատակով։

Ըստ այդմ՝ տեղեկացնում եմ, որ ս.թ. հունվարի 12-ին ԱԺ նախագահի կարգադրությամբ հաստատվել է իրավունքի ուժով ստեղծված՝ Նոր կորոնավիրուսի (COVID-19) տարածումը կանխելու, այդ վիրուսի դեմ պայքարի, համավարակի հետևանքները մեղմելու կամ վերացնելու ուղղությամբ Կառավարության և պարետատան իրականացրած միջոցառումների արդյունավետությունը, ինչպես նաև արտակարգ դրության ժամանակահատվածում մարդու իրավունքների ու հիմնարար ազատությունների սահմանափակումների արդյունավետությունն ու իրավաչափությունն ուսումնասիրող քննիչ հանձնաժողովի կազմը։

Հանձնաժողովը գլխավորելու է Լուսավոր հայաստան խմբակցության պատգամավոր Արկադի Խաչատրյանը, իսկ հանձնաժողովի երկրորդ անդամը մեր քաղաքական ուժից կլինեմ ես։

Պատրաստ եմ համագործակցելու բոլոր այն անհատների հետ, ովքեր պատրաստակամություն կունենան օգնել մեզ տեղեկատվությամբ և իրենց մասնագիտական ու փորձագիտական կարողություններով։

Կարծում եմ գիտեք ինչպես ինձ հետ կապ հաստատել»:

Այս թեմայով Ադրբեջանում պլանավորում են 2022-ի մարտավարական և ռազմավարական անելիքները. Անի Սամսոնյան Ադրբեջանում պահվող հայ ռազմագերիներին հայրենադարձելու հարցը հասավ ԱՄՆ Կոնգրես. Անի Սամսոնյան «Իմ քայլը» իշխող խմբակցությունը հերթական անգամ ինքն իր վրա կրակեց որպես խորհրդարանի մեծամասնություն. Անի Սամսոնյան Ձեր PR–ի պատճառով ամբողջ աշխարհի առաջ խայտառակ եղանք. Անի Սամսոնյանը՝ Փաշինյանին Ըստ ՄԱԿ-ի՝ մինչեւ 2050 թ. ՀՀ-ում բնակչությունը նվազելու է, իսկ Ադրբեջանում, Թուրքիայում եւ Իրանում՝ աճելու. Սամսոնյան Ակցիայի ընթացքում ոստիկանների կողմից ուժ է կիրառվել կանանց նկատմամբ. Անի Սամսոնյանը դիմել է ոստիկանապետին Ադրբեջանի խաղաղասիրական վարքագիծը վտանգավոր ծուղակ է մեզ համար. Անի Սամսոնյան Ե՞րբ է իշխանությունը դադարելու ստել, ժողովուրդը մեղք է, մի ստեք. Անի Սամսոնյանը՝ Փաշինյանին Դիմել եմ ՀՀ Աշխատանքի և սոցիալական հարցերի նախարար Մեսրոպ Առաքելյանին նախագիծը ինձ տրամադրելու համար․ Անի Սամսոնյան Ուզում եմ հասկանալ, ԱԱԾ-ի պատասխանը սպարտական լակոնիզմ է, թե հայկական աշխատելաոճ. Սամսոնյան