Մանկուց ես միշտ Շուշա անվանումն եմ լսել ու ասել. Անուշ Բեղլոյան

Օր օրի ավելանում է իմքայլական այն պատգամավորների թիվը, որոնց հրաժարականն է պահանջում հասարակությունը: Այսօր նրանց թիվը համալրվեց ևս մեկով՝ իմքայլական պատգամավոր Անուշ Բեղլոյանով: Նա հասարակության «դավաճան» անվանը «արժանացավ»՝ «Կարևոր չէ՝ ով է սկսել պատերազմը, ում պատմական հողն է Արցախը. պետք է առաջ նայենք» արտահայտությամբ: Իսկ այսօր արդեն ժողովուրդը ԱԺ-ի դիմաց պահանջում է, որ նա վայր դնի պատգամավորական մանդատը: Անուշ Բեղլոյանը չթողնելով, որ հանդարտվի իր անվան շուրջ ծավալվող բուռն քննարկումների ալիքը, այսօր էլ լրագրողների հետ ճեպազրույցում Շուշին անվանեց Շուշա:

ԼՈՒՐԵՐ.com-ը կապ հաստատեց Անուշ Բեղլոյանի հետ՝ պարզելու, թե նման իրավիճակում արդյոք շարունակելու է իր գործունեությունը ծավալել, թե, այնուամենայնիվ, մտածում է մանդատը վայր դնելու մասին. « Ես այդ ամենին շատ հանգիստ եմ վերաբերվում, դա նրանց քաղաքական տեխնոլոգիաների օգտագործման փայլուն օրինակն է, որը ես, որպես դասախոս, կօգտագործեմ իմ հետագա գործունեության մեջ: Ես իմ  գործունեությունը իրականացնելու եմ ի շահ Հայաստանի Հանրապետության, իմ ցանկացած իրական հայտարարության համար ես պատասխանատու եմ. որևէ մեկը չի կարող ինձ համոզել, որ իմ սերը դեպի իմ հայրենիք իրական չէ, որովհետև ես աշխատում եմ և ապրում եմ իմ հայրենիքի համար»:

 Իսկ մեր այն հարցին, թե ինչպես է ստացվում, որ վերջին շրջանում մի շարք իմքայլական պատգամավորներ Շուշին հաճախ են շփոթում Շուշայի հետ, պատգամավորը պատասխանեց՝ ընգծելով, որ կխոսի միայն իր անունից. «Ես ասացի Շուշա, հետո անմիջապես ինձ ուղղեցի՝ ասելով Շուշի:  Ես ապրել եմ Բաքվից եկածների ընտանիքում և ես սովետական անվանումը մանկությունից լսել եմ և իհարկե, ես մեկ-մեկ սխալվում եմ՝ ասելով Շուշա: Որպես քաղաքական գործիչ և պատգամավոր ինձ համար առաջնայինը Շուշին է, իսկ սովետական ժառանգության դեմ մենք մի ձև կպայքարենք, ես աշխատում եմ ինձ վրա»,- ընդգծեց պատգամավորը:

Հիշեցնենք, որ օրեր առաջ Շուշին Շուշա անվանեց նաև իմքայլական պատգամավոր Ռուբեն Ռուբինյանը:

Զվարթ Պետրոսյան

Այս թեմայով Օպերայի հրապարակում տեղի կունենա հանրահավաք. Շուշիի նախկին քաղաքապետ Դավիթ Բաբայանին մեքենայով Շուշի չեն ուղեկցել, Շահրամանյանի հետ մանրամասն քննարկեցինք այդ դրվագը Ադրբեջանցիները ճանապարհ են կառուցում Շուշիի պատմական գերեզմանատան միջով Գերմանիայի ԱԳ նախարարը Բաքվում օգտագործել է Շուշի և Ստեփանակերտ անվանումները Ծնվել են Շուշիի վերջին քաղաքապետի առաջին թոռնիկները (լուսանկարներ) Ռուս խաղաղապահները Շուշիի շրջանում փակել են ևս մեկ դիտակետ Շուշի-Լաչին ավտոճանապարհին ռուս խաղաղապահներին պատկանող վառելիքով բեռնված մեքենա է կողաշրջվել Որոշել եմ այսօր Ստեփանակերտից մեկնել Շուշի. Դավիթ Բաբայանը հայտարարություն է տարածել Շուշիի շրջանում արձանագրվել է հրադադարի ռեժիմի մեկ խախտում․ ՌԴ ՊՆ Ասկոլկան առաջինն էր, որ 1992-ի մայիսի 8-ին մտավ Շուշի, Աշոտների պայքարով էր, որ Արցախն անկախացավ