Ագարակում ադրբեջանցիները կրկին առաջ են եկել և կրակում են. բնակչության շրջանում խուճապ կա

Ներկա պահին կրակոցներ չկան, սակայն ադրբեջանցիները պարբերաբար կրակոցներ են արձակում: Այս մասին ԼՈՒՐԵՐ.com-ի հետ զրույցում ասաց Ագարակի գյուղապետ Հայկ Սարգսյանը՝ հավելելով, որ դրանք անկանոն են և որ խոշոր տրամաչափի զինատեսակներից կրակել են հենց երկու օր առաջ:

«Թեև կրակոցները թիրախավորված չեն, բայց, այնուամենայնիվ, բնակչության շրջանում խուճապ կա: Գյուղի վերևի հատվածից ադրբեջանցիները կրկին առաջ են եկել․ հիմա՝ 4 կմ-ի վրայից են հսկում սահմանները։ Իսկ ռուս խաղաղապահներն էլ ասում են՝ իրենց սամանն է՝ եկել են»,- նշեց գյուղապետը:

Վերջինս ասաց, որ նրանց ներկայիս սահմանը այնքան մոտ է իրենց գյուղին, որ ինչ խոսում են՝ իրենց մոտ պարզ լսվում է. «Երբ իրենք խոսում են՝ գյուղում լսվում է։ Մինչև առաջ գալը, ադրբեջանցիների դիրքերը բավականին հեռու էին, հիմա՝ եկել են գծի վրա նստել։ Սահմանապահներ կան այստեղ, նրանք ևս շուրջօրյա հերթապահում են արդեն երկու օր է։ Առաջ են եկել ռուսի թույլտվությամբ, մեր սահմանով են անցել, եկել իրենց գծի վրա կանգնել»,- ընդգծեց Հայկ Սարգսյանը:

Նա նաև հավելեց, որ Ագարակում 40 տուն կա, և նախկինում գյուղի մաս հանդիսացող տարածքները հիմա դիրքերի են վերածվել։

Զվարթ Պետրոսյան

Այս թեմայով Ես հրաժարվել եմ այդ հանձնաժողովի անդամ լինելուց, ես իմ սահմանը ճանաչում եմ դիրքերով, ոչ թե փշալարով. Բաղանիսի գյուղապետ Կրակոցներ՝ Արարատի մարզում․ կա վիրավոր Կրակոցներ՝ Երևանում. «ռազբորկայի» մասնակիցների թիվն անցնում է 20-ից. կրակել են «Կալաշնիկովից», «Մակարովից». կա վիրավոր Ադրբեջանցիները ծաղրում են Ստեփանակերտում փողոցով քայլող տարեց հայ տղամարդուն․ Լինդսի Սնել (տեսանյութ) Պետք է հասնենք նրան որ կրակոցներ չլինեն. Քոչարյան (տեսանյութ) Դանակահարություններ, կրակոցներ․ այսպիսին է ՀՀ իրավական քրոնիկոնը, վիճակագրությունը՝ մտահոգիչ. Վարդանյան Կրակոցներ՝ Երևանում․ դեպքի վայրում հայտնաբերվել է կրակոցի հետևանքով վնասված ավտոմեքենա Վերսկսվել են Ագարակ-Քաջարան հատվածի մոբիլիզացման և պայթեցման աշխատանքները Կրակոցներ՝ Արտաշատ քաղաքում․ կա վիրավոր․ հայտնաբերել են կրակված 6 պարկուճ և 1 գնդակ Կրակոցներ են հնչել Վայոց ձորում. կասկածյալը Եղեգնաձորի նախկին քաղաքապետն է