2018-20 թթ.-ի համար պետք է ձեռք բերվեր 1000-ից ավելի ԱԹՍ. Սարգսյան

Ապրիլյանից հետո մենք տևական ժամանակ զբաղված էինք հետաքննություն անցկացնելով, պատերազմի դասերն ուսումնասիրելով, որովհետև ցանկացած բարեփոխում բանակում, ցանկացած նոր սպառազինության ձեռքբերում պետք է պայմանավորված լինի ռազմական գործողությոնների արդյունքով, քո հակառակորդի կողմից կիրառված զինամթերքով: Այս մասին «Արմյնուզ» հեռուստաընկերությանը տված հարցազրույցում ասաց ՀՀ երրորդ նախագահ Սերժ Սարգսյանը:

«Մենք այն ժամանակ հաստատեցինք երկու փաստաթուղթ 18-24 թվերի համար՝ զինված ուժերի զարգացման պլան՝ բաղկացած 169 կետից, թե ինչ պետք է անենք, ինչպիսի փոփոխություններ պետք է մտցնենք ու ինչպիսի տեսակի մասին է խոսքը, որ զինատեսակները պետք է զարգացնենք, ինչ ստանայինք:

Այդ փաստաթղթի հիման վրա կազմվեց սպառազինության ու ռազմատեխնիկայի ձեռք բերման պլան: Դրա համար նախատեսված էր 1,3 միլիարդ դոլար: Այդ միջոցների աղբյուրները կային»,- ասաց Սարգսյանը:

Սարգսյանի խոսքերով, 1,3 միլիարդ դոլարից 500 միլիոնից ավելին նախատեսված էր ավիացիայի, հակաօդային պաշտպանության ու ԱԹՍ-ների կատարելագործման ու ձեռք բերման համար․ «Մի թիվ ասեմ, զգույշ աթոռին նստեք: Նախատեսված էր մինչև 24 թիվը ձեռք բերել 2,5 հազար ԱԹՍ: Այն պետք է ձեռք բերվեր և ներսից, և դրսից:

Այդ գործարքները չարվեցին: 18-20 թվականների համար պետք է ձեռք բերվեր 1000-ից ավելի ԱԹՍ: Դրանք և՛ հարվածային էին և՛ հետախուզական և կախված արժեքներից 150 կմ շառավղով գործելու ունակ էին:

Բայց, ցավոք, չգիտես ինչից ելնելով, փոխվեց սպառազինության պլանը: Ես տեղյակ չեմ, թե ինչ փոփոխություններ են մտցրել, սակայն փոխվել է, որովհետև ՏՕՐ-երը ստացվել է մեկ խմբաքանակ, այն էլ մեր ստորագրածով, այնինչ պետք է ստանային 3 խմբաքանակ»,-ասաց նա:

Ինչ վերաբերում է ՍՈւ-երին, Սարգսյանն ասաց, որ սպառազինություն գնելն էլ է արվեստ, դրանով չպետք է փիառ անես. «Քանի անգամ թռան այդ ՍՈւ-երը: Մի անգամ թռան Տավուշի սահմանային միջադեպի ժամանակ: Այն էլ այնպիսի ապաշնորհ ձևով, որ ստիպած եմ եղել իմ գործընկերներին խնդրել, որ զանգի ՊՆ ու ասի այդպիսի հիմարություն չանեն, քանի որ առանց սպառազինություն է թռել:

Հետո զինվորականներն էլ ասացին, որ սպառազինություն չկա: Գնելուց չէն հասկանո՞ւմ, որ խնդիրներ կլինեն այդ ինքնաթիռների զինամթերքի հետ»:

Այս թեմայով «Բոլոր հարցերի պատասխանները կտրվեն դատարանում». Սերժ Սարգսյանի գրասենյակ «Ընկերներիս հետ»․ Սերժ Սարգսյանը լուսանկար է հրապարակել «Ժողովուրդ». Արցախում օդը կանգնել է. Սերժ Սարգսյանն այնտեղ է Արցախի ինքնորոշման ճանաչումն ու երաշխավորումը պետք է արտացոլված լինեն քաղաքական և իրավական փաստաթղթերում. Սերժ Սարգսյան Վիրավորական է այդ փաստաթղթի համեմատությունը ՀՀ գործող կառավարիչների կողմից խայտառակ պայմաններով բանակցվող և ստորագրման պատրաստվող պայմանագրի հետ. ՀՀ երրորդ նախագահի գրասենյակ 168․am Որևէ խնդիր չունեմ Սերժ Սարգսյանի հետ. Ռոբերտ Քոչարյան 2018-ին ցնծացող ժողովուրդն այսօր ողբում է․ Սերժ Սարգսյան (տեսանյութ) Սերժ Սարգսյանը և Ռոբերտ Քոչարյանը մասնակցում են Ջահերով երթին. ուղիղ Սերժ Սարգսյանին ալիևյան ռեժիմի կողմից մեղադրանք առաջադրելն ինքնին զավեշտ է, իսկ ներկայացված մեղադրանքները՝ ցինիկ. ՀՀ 3-րդ նախագահի գրասենյակ Ինչպես պետականաշինության շարունակականության ընդհատումն աղետի պատճառ դարձավ. «Փաստ»