Սերժ Սարգսյանն ասաց, թե ինչ կաներ, եթե պատերազմի ժամանակ լիներ երկրի ղեկավարը

Սերժ Սարգսյանը «Արմյնուզ» հեռուստաընկերությանը տված հարցազրույցի ժամանակ, պատասխանելով հարցին, արդյո՞ք ինքը կդիմեր ՀԱՊԿ-ին, եթե լիներ երկրի ղեկավարը պատերազմի ժամանակ, ասաց, որ նախ կխոսեր մեր գլխավոր դաշնակցի հետ՝ ասելով հանդերձ, թե ինչով կարող են օժանդակել. «Ելնելով դրանից՝ իմ խնդրանքը կձևակերպեի: Ասում են, թե եթե դիմեին, կմերժեին: Այսինքն, դուք տղա-աղջիկ հարաբերություններ եք բերո՞ւմ պետական հարաբերություններում՝ ամուսնության առաջարկով կգնայիր, կմերժեին, դա վիրավորական է:

Մինչև ՀԱՊԿ, մենք ունեինք դաշնակից, ինչո՞ւ չենք դիմել: Եթե ՀԱՊԿ-ը համարում ենք մեր անվտանգությունն ապահովող բաղկացուցիչ մաս, ինչո՞ւ չէին նրա հանդեպ այդպես վարվում:

Եթե զորավարժությունների ժամանակ քեզ հասկացնում են, որ այսպիսի վտանգ կա, ինչո՞ւ առաջարկություններ չես տվել: Այո, ՀԱՊԿ-ն Արցախի համար պատասխանատու չէ, բայց Հայաստանի համար պատասխանատու է, խնդրեիք Հայաստանի անվտանգությունն ապահովել, իսկ մեր զորքը կզբաղվեր Արցախով»:

Սարգսյանն ասաց, որ մտադրություն չունի թերագնահատելու կամավորականներին, սակայն հարց է բարձրացնում՝ որն ավելի արդյունավետ կլիներ, եթե նրանք ՀՀ սահմանները պահեին, թե որ գնային Արցախ. «Նույնը պահեստազորայինները:

Ինչո՞ւ չհամալրեցիք ՀՀ զորամասերն, իսկ զորամասերի բուն անձնակազմը չուղարկվեց: Պատասխանն այն է, որ ժողովուրդը թույլ չտվեց: Բա մենք հազարավոր ռազմական ոստիկաններ ունենք: Ոնց է, որ ոստիկանները գնում ու ջարդում են ժողովրդին, ինչպես արեցին Իջևանում: Բա ռազմական դրությունն ինչո՞ւ ես մտցրել: Բա հոխորտում էր, որ իմացեք փայլուն գիտի գերագույն գլխավոր հրամանատարի պարտականությունները»:

Այս թեմայով «Բոլոր հարցերի պատասխանները կտրվեն դատարանում». Սերժ Սարգսյանի գրասենյակ «Ընկերներիս հետ»․ Սերժ Սարգսյանը լուսանկար է հրապարակել «Ժողովուրդ». Արցախում օդը կանգնել է. Սերժ Սարգսյանն այնտեղ է Արցախի ինքնորոշման ճանաչումն ու երաշխավորումը պետք է արտացոլված լինեն քաղաքական և իրավական փաստաթղթերում. Սերժ Սարգսյան Վիրավորական է այդ փաստաթղթի համեմատությունը ՀՀ գործող կառավարիչների կողմից խայտառակ պայմաններով բանակցվող և ստորագրման պատրաստվող պայմանագրի հետ. ՀՀ երրորդ նախագահի գրասենյակ 168․am Որևէ խնդիր չունեմ Սերժ Սարգսյանի հետ. Ռոբերտ Քոչարյան 2018-ին ցնծացող ժողովուրդն այսօր ողբում է․ Սերժ Սարգսյան (տեսանյութ) Սերժ Սարգսյանը և Ռոբերտ Քոչարյանը մասնակցում են Ջահերով երթին. ուղիղ Սերժ Սարգսյանին ալիևյան ռեժիմի կողմից մեղադրանք առաջադրելն ինքնին զավեշտ է, իսկ ներկայացված մեղադրանքները՝ ցինիկ. ՀՀ 3-րդ նախագահի գրասենյակ Ինչպես պետականաշինության շարունակականության ընդհատումն աղետի պատճառ դարձավ. «Փաստ»