Փաշինյանը և Ավինյանը ստե՞լ են. Սյունիքն անվտանգ չէ, բնակչությունը փախուստի է դիմում

Այս պահին Սյունիքում վտանգ կա, ամեն վայրկյանն էլ վտանգավոր է: Այս մասին ԼՈՒՐԵՐ.com-ի հետ զրույցում ասաց Դավիթ Բեկ համայնքի համայնքապետ Բենիամին Պողոսյանը: 

Ըստ համայնքապետի՝ գյուղում ապրելն այնքան վտանգավոր է դարձել, որ այնտեղի բնակիչները լքում են իրենց ծննդավայրերը՝ կյանքը «ապահովագրելու» հույսով. «Արդեն 6-7 ընտանիք գյուղից դուրս է եկել։ Գյուղը լքած բնակիչների թիվը դեռ կկրկնապատկվի, կեռապատկվի, քանի որ մեր արոտավայրերը, վարելահողերը ամբողջությամբ գտնվում են այն տարածքներում, որոնք հիմա ադրբեջանական կողմում են: Իսկ հիմա գյուղը լքողների թիվն այդքան քիչ է, քանի որ բնակիչները դեռ հարմարվում են: Այս պահին ձմեռ է, ձմռանը անասունները գոմում են, իսկ գարնանը խնդիր կառաջանա, արոտավայրի խնդիր ունենք, ինչի հետևանքով էլ բնակչությունը կլքի գյուղը»,- ասաց Դավիթ Բեկի համայնքապետը:

Հիշեցնենք, որ թե՛ Նիկոլ Փաշինյանը, թե՛ Տիգրան Ավինյանը հասարակությանը պարբերաբար հանգստացնում էին՝ ասելով՝ Սյունիքն անվտանգ է:

Մասնավորապես, դեկտեմբերի 27-ին Նիկոլ Փաշինյանը Պետրոս Ղազարյանի հետ հարցազարույցում ասաց. «Այն միջոցները, որոնք ձեռնարկվել են, ձեռնարկվել են Սյունիքի անվտանգությունն ապահովելու համար: Եվ ես նախկինում ասել եմ, որ քանի որ նոյեմբերի 9-ի հայտարարության ստորագրման պահին Կուբաթլուի և Զանգելանի շրջանների 90 և ավելի տոկոսը, ցավոք սրտի, եղել է արդեն Ադրբեջանի վերահսկողության ներքո, եղել է բանավոր ըմբռնում այդ համատեքստում, որ այդտեղ մենք պետք է սահմանային կետերի՝ ոչ թե սահմանի, այլ որոշակի կետերի ճշգրտում իրականացնենք: Եվ այն ժամանակ, երբ պարզ է եղել, որ այս հարցի շուրջ կարող է տեղի ունենալ, կարող է բռնկվել պատերազմ, որը կարող է անցում կատարել դեպի Սյունիքի մարզ, մենք միջոցներ ենք ձեռնարկել՝ Սյունիքի անվտանգությունն ապահովելու համար: Ընդ որում, ես սրա մասին նախապես եմ ասել, իմ ուղերձներում ես սրա մասին նախապես եմ ասել։ Ո՞րն է այդ ձեռնարկված միջոցների էությունը՝ այն է, որ վերահսկողության տակ գտնվող գոտին համընկնի ՀԱՊԿ պատասխանատվության գոտում գտնվող տարածքների հետ»,- նշել էր Նիկոլ Փաշինյանը:

Իսկ Տիգրան Ավինյանն էլ Սյունքի «անվտանգ» լինելու մասին խոսեց հունվարի 20-ին: Նա ամբիոնից հաստատակամորեն ասաց՝ Սյունիքն անվտանգ է:

Ստացվում է` թեև իշխանության ներկայացուցիչները պնդում են Սյունիքի ապահով և անվտանգ լինելու մասին, այնտեղի բնաչությունը դիմում է փախուստի:

Զվարթ Պետրոսյան

Այս թեմայով Դավիթ Բաբայանը ամենածանր շրջանում փորձել է կապ հաստատել Արարատ Միրզոյանի հետ, վերջինս չի պատասխանել. 24 News Էլ քանի՞ նման դեպք պետք է լինի, որ արգելեն 30-ից 60-ամյա այս մեքենայի շահագործումը. Դավիթ Խաժակյան «Սրանք անաստված են. լկտիություն է աղոթքին քմծիծաղով վերաբերվելը. այդ տեսակին պետք է հաղթել». Դավիթ Սահակյանց Վանաձորի համայնքապետն ազատ կարձակվի Հասարակության մոտ քաղաքական փոփոխությունների ակնկալիքները դառնում են հաստատակամ․ Դավիթ Անանյան Դավիթ Տերտերյանն ու Յուրի Գարեգինյանը միացել են «Վանին» Դավիթ Տոնոյանի գործով Վերաքննիչ հակակոռուպցիոն դատարանը դիմել է ՍԴ Գորիսի համայնքապետ Առուշ Առուշանյանը դիմավորում է Բագրատ Սրբազանին Այսօր Դավիթ Բեկ գյուղում մարդն ասում է` կադաստրի վկայականով 50 հեկտար հող ունենք, որն այլևս մեր ձեռքում չէ. Սրբազան (տեսանյութ) Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ