Կառավարությունը զինծառայությունից ազատեց գիտության ոլորտում առաջընթաց գրանցած Մառլեն Յոլչյանին

Կառավարության որոշմամբ 1994 թվականին ծնված Մառլեն Արթուրի Յոլչյանը կազատվի շարքային կազմի պարտադիր զինվորական ծառայությունից: Ըստ հիմնավորման, որոշման ընդունման անհրաժեշտությունը պայմանավորված է նրա գիտական գործունեության ընթացքում ձեռք բերված գիտելիքների ընդլայնմանը և նոր գիտելիքների ստացմանն ու կիրառմանն ուղղված մտավոր ստեղծագործական գործունեությունը շարունակելու հնարավորության ընձեռնմամբ:

Մառլեն Յոլչյանը կառավարության 2019 թվականի հուլիսի 18-ի որոշմամբ ստանալով տարկետում՝ ընդունվել և շարունակել է գիտական, գիտահետազոտական գործունեությունը «ՀՀ ԳԱԱ ակադեմիկոս Ա. Նազարովի անվան երկրաֆիզիկայի և ինժեներային սեյսմաբանության» ինստիտուտում որպես  գիտաշխատող-մաթեմատիկոս:

«2020 թվականի օգոստոսի 20-ին պաշտպանել է ատենախոսությունը, և ՀՀ ԲՈԿ-ի 050 մասնագիտական խորհրդի որոշմամբ նրան շնորհվել է ֆիզիկամաթեմատիկական գիտությունների թեկնածուի գիտական աստիճան՝ «Ինքնահամընկնող և գերզուգորդական հանրահաշիվներ» թեմայով:

Աշխատում է «ՀՀ ԳԱԱ ակադեմիկոս Ա. Նազարովի անվան երկրաֆիզիկայի և ինժեներային սեյսմաբանության» ինստիտուտի «Մաթեմատիկական երկրաֆիզիկայի և երկրատեղեկատվության» լաբորատորիայում, որպես գիտական հետազոտող և իրականացնում է հետազոտություններ երկրաշարժերի կանխատեսման ոլորտում՝ օգտագործելուվ աբստրակտ հանրահաշվի ոլորտում իր  ատենախոսությունոււմ մշակված նոր մոտեցումները, դիսկրետ մաթեմատիկական վերլուծության հայտնի արդյունքները, ինչպես նաւ մեքենայական ուսուցման, կերպարների ճանաչման և արհեստական բանականության ժամանակակից, կլաստերիզացիայի նորարական ալգորիթմները:

Նրա գիտական հրապարակումները տպագրվել են հայկական, արտասահմանյան ամսագրերում:

Այս որոշումը Յոլչյանին՝ որպես լավագույն մասնագետի, հնարավորություն կընձեռի գիտական, գիտատեխնիկական և գիտահետազոտական գործունեությունը ծավալելու նպատակով՝ շարունակել աշխատելու «ՀՀ ԳԱԱ ակադեմիկոս Ա. Նազարովի անվան երկրաֆիզիկայի և ինժեներային սեյսմաբանության» ինստիտուտում»,- ասված է հիմնավորման մեջ:

Այս թեմայով Իրանն ու Ռուսաստանն անվտանգության ոլորտում փոխըմբռնման հուշագիր են ստորագրել Հայաստանի կառավարությունը Թավրիզում գլխավոր հյուպատոսություն բացելու որոշում է ընդունել Մենք ունենք գիտության ոլորտի ֆինանսավորման ծավալային ահռելի աճ. ԱԺ փոխնախագահ Կառավարությունը հաստատեց Դավիթ Գյուրջինյանին Բրյուսովի համալսարանի ռեկտորի պաշտոնում ՏԿԵ փոխնախարարն ու Ուորեն Վիլսոնը կարևորել են հանքարդյունաբերության ոլորտում համագործակցության շարունակականությունը Միրզոյանը Սաուդյան Արաբիայի կրթության նախարարի հետ քննարկել է ոլորտում համագործակցությանն առնչվող հարցեր Բավականին մեծ աշխատանք է կատարվել ռազմավարական հաղորդակցության նոր ճարտարապետության ձևավորման ուղղությամբ. Հարությունյան Հայաստանն ու Ղազախստանը միգրացիայի ոլորտում համագործակցության մասին համաձայնագիր են ստորագրել Հայաստանի կառավարությունը նախատեսում է բժշկական կենտրոններից մեկում ստեղծել սիմուլյացիոն կրթական կենտրոն 2024 թվականին ՏՏ ոլորտում գրանցված աշխատողների թվի աճ է արձանագրվել․ վարչապետ