«Է՛յ, դուք, չհամարձակվե՛ք ռազմագերու մոր ցավի վրա ղումար խաղալ». Զոհրաբյան

ԱԺ «Բարգավաճ Հայաստան» խմբակցության անդամ Նաիրա Զոհրաբյանը ֆեյսբուքյան էջում գրել է.

«Է՛յ, դուք, չհամարձակվե՛ք ռազմագերու մոր ցավի վրա ղումար խաղալ:

Այսօր Եռաբլուրը մայրաշատ էր։ Մայրերը, որ այսօր իրենց որդիներից ծաղիկներ ու սիրուն խոսքեր պիտի ստանային, իրենք էին իրենց որդիների սառը գերեզմանին ծաղիկներ տարել։

Մայրը սպանված որդուն տարել էր իր սիրած կակաչները, որ այս գարուն չստացավ իր որդուց։

Ու հնարավոր չէր նայել ձնծաղիկների եւ կակաչների տակ շնչող գերեզմաններին ու չխելագարվել։

Եւ իմքայլական մի կին հայտարարում է, որ անցյալ շաբաթ գերիների մեծ խումբ պիտի գար, բայց ներքաղաքական զարգացումները խոչընդոտեցին։ Ասելն էն է՝ որ ընդդիմության միտինգների պատճառով Ալիևը գերիներին չի վերադարձնում։

Լկտի, անամոթ, սրբապիղծ սուտ։

Գիտեք, Նիկոլի թիմից չկա ստորություն, լկտիություն, սուտ, անամոթություն, որ սպասելի չլինի։ Սրանք իրենց հաշմված իշխանությունը պահելու համար պատրաստ են սրբապղծության բոլոր հնարավոր ակտերի ու արարների։

Լսի՛ր, կին, չհամարձակվես քո ու քո նմանների իշխանությունը ծամոնի նման մի քիչ էլ ձգելու համար, գերության մեջ գտնվող մեր տղաների անունը շահարկել, չհամարձակվե՛ս Ալիեւի մոտ պատանդառված տղաների ծնողների ցավն ու վիշտը ձեր անամոթ ու սրբապիղծ իշխանության ղումարբազությամբ մանիպուլացնել։

Բավակա՛ն է, դուք արդեն տրորում եք մարդկային ցավն ու իր որդուն սպասող մոր վրա ղումար եք խաղում։

Դո՛ւք, անարժաններ եւ անամոթներ։

Ռազմագերիների հետ քո իշխանությունը ոչ մի կապ չունի։ Ձեր քաղաքական ու հոգեւոր երկվորյակ Ալիեւը հայտարարում է, որ ինքը այլեւս ռազմագերի չունի եւ մնացյալը դիվերսանտներ են։

Ու մեր տղաներին ու գերի կանանց պահում է որպես քաղաքական բազարի վալյուտա։ Եւ երբ որոշի վերադարձնել մեր տղաներին ու գերեվարված կանանց, մտքովդ չանցնի մտածել, որ քո իշխանությունը էդտեղ որեւէ կապ է ունենալու։

Չհամարձակվե՛ք ձեր հայադավ մատներով տրորել մայրերի ցավը, ովքեր իրենց որդիների գերեզմաններին էին տարել այն կակաչները, որ այսօր չստացան»։

Հիշեցնենք, որ ավելի վաղ «Իմ քայլը» խմբակցության պատգամավոր Նազելի Բաղդասարյանը հայտարարել է` «Նախորդ շաբաթ գերիների մեծ խումբ պիտի գար, բայց ներքաղաքական զարգացումները խոչընդոտեցին»:

Այս թեմայով «Լաչինի միջանցքում արդեն տեղադրված անցակետում հատ-հատ «ռենգեն» են անում դեպի Արցախ գնացող հայկական մեքենաները» (տեսանյութ) Ադրբեջանը Սյունիքն ու Վայոց Ձորն ամբողջությամբ, Գեղարքունիքն էլ մասնակի՝ համարում է իր տարածքը «Սա Գերմանիայում Ադրբեջանի դեսպանն է։ Ցիտում է Նիկոլի երեկ երկնած միտքը»․ Նաիրա Զոհրաբյան ՔՊ-ն հաջորդ ընտրություններում Սիսիանում կառաջադրի Ալիևին. վստահ եմ՝ առավելագույն ձայներ կհավաքի. Նաիրա Զոհրաբյան Նաիրա Զոհրաբյանը նամակ է հղել Օնիկ Գասպարյանին 40 աստիճան շոգին և օդորակիչներ չունեցող դասասենյակներում աշակերտներին պահելը խոշտանգում է Զարհուրելի դրվագ պիտի պատմեմ. Նաիրա Զոհրաբյան Փարիզում՝ Ադրբեջանի հյուպատոսության ցուցանակին, փակցվել է Արցախի դրոշը․ դիմել են ոստիկանություն Նաիրա Զոհրաբյանը նոր կադրեր է հրապարակել ոստիկանների և ցուցարարների բախումներից Հայկական մեքենաները շաբաթներով միտումնավոր պահվում են Լարսում. Զոհրաբյան