Գյումրիում ազդարարվեց «Մանսուրյան» աշակերտական նվագախմբի ստեղծման մասին

Հայաստանի պետական սիմֆոնիկ նվագախմբի երաժիշտների մասնակցությամբ ապրիլի 11-ին, Գյումրու  թիվ 4 երաժշտական դպրոցում տեղի ունեցավ  «Մանսուրյան» աշակերտական նվագախմբի ստեղծումն ազդարարող հանդիսավոր միջոցառումը, որի ընթացքում դպրոցին հանձնվեց  նվագախմբին անհրաժեշտ 10  լարային երաժշտական գործիք։ Գյումրու Ազատ Շիշյանի անվան թիվ 4 երաժշտական դպրոցում «Մանսուրյան» աշակերտական նվագախմբի ստեղծման ու անհրաժեշտ երաժշտական գործիքների ձեռքբերման մասին հայտարարվել է 2019 թվականի սեպտեմբերին Գյումրու «Սև բերդ» ամրոցում տեղի ունեցած «Մանսուրյան-80» հոբելյանական համերգաշարի վերջին համերգի ժամանակ. հայտարավել էր, որ համերգի հասույթը կտրամադրվի վերնշյալ նպատակին։

Ապրիլի 11-ի երեկոյան Գյումրու Վ. Աճեմյանի անվան պետական դրամատիկական թատրոնում, Հայաստանի պետական սիմֆոնիկ նվագախումբը (գեղարվեստական ղեկավար ու դիրիժոր Սերգեյ Սմբատյան) ներկայացրեց Մանսուրյանի կինոերաժշտությունը՝ նոր գործիքավորմամբ: Հնչեցին ինչպես բոլորին հայտնի, այնպես էլ համեմատաբար քիչ հայտնի ստեղծագործություններ:

Համերգի դիրիժոր  Հարություն Արզումանյանը «Արմենպրես»-ի հետ ունեցած զրույցի ժամանակ անկեղծացավ՝ մաեստրոյի հարազատ Շիրակում հանդես գալն առավել պատասխանատու է, հատկապես, երբ շատ ֆիլմեր, որոնց երաժշտությունը հնչեց երեկոյին, հենց Գյումրիում են նկարահանվել: «Ընդհանրապես, երջանկություն ունեմ Մանսուրյանի հետ մտերիմ լինել  երկար տարիներ: Մեկ անգամ մաեստրոն ինքն է ասել՝ «զարմանալի է, նույնիսկ այդ երաժշտությունները գրելու ժամանակ չէի պատկերացնում, որ դրանք ժամանակի հետ այդքան կապրեն»: Երաժիշտներն էլ շատ են այդ մեղեդիրները նվագել, բայց, ամեն անգամ նոր ոգևորություն է առաջացնում»,- նշեց Հարություն Արզումանյանը։

Նա դժվարացավ առանձնացնել մաեստրոյի՝ իր համար ամենահարազատ մեղեդին: «Բոլորը լավն են ու ֆանտաստիկ, բայց կառանձնացնեմ մի կինոնկար, որը միշտ դժվարությամբ եմ նայում՝ «Գիքորը», որն իմ վրա մանկությունից միշտ ճնշող տպավորություն է թողել, բայց ֆիլմի երաժշտության մեջ մի լուսավոր, «համով» բան կա»,- անկեղծացավ Հարություն Արզումանյանը:

Այս թեմայով Առկա պայմաններում դիվերսիֆիկացիայի մասին խոսելն ուղղակի անհեթեթություն է. «Փաստ» Ես ի՞նչ իմանամ՝ Էրդողանն ինչ է ուզում, նրա խոսքերը չէի ուզենա կիսել․ Տիգրան Մանսուրյան (տեսանյութ) «Մեր զավթողների ախորժակն է բացվում». Գնդապետ Արամոն՝ սահմանազատման մասին (տեսանյութ) Պատմության այս մութ գլուխը հիշեցնում է մեզ խտրականության և բռնության դեմ պայքարելու մասին. Բելգիայի արտգործնախարար Խոշոր ավտովթար-հրդեհ՝ Գյումրիում. բախվել են «Mercedes»-ն ու «ГАЗель» բեռնատարը Սա հույսի առկայծող ճանապարհ է․ Ալեն Սիմոնյանը՝ Տավուշ-Ղազախ հատվածում տեղադրված սյան մասին Սրբազանի մասին ստահոդ լուրեր տարածելով` կարճաժամկետ հաջողություն կարձանագրես․ հայտարարություն ԱԺ հանձնաժողովը քննարկում է ընդդիմության ներկայացրած նախագիծը Հայաստանի և Ադրբեջանի միջև սահմանազատման մասին Ցավալի է. Իրանն արձագանքել է ԵՄ նոր պատժամիջոցների մասին հայտարարությանը «Ժողովուրդ». Ծիծեռնակաբերդ այցը պաշտոնական այցերի պրոտոկոլային մաս չէ․ ԱԳՆ-ն՝ Ղազախստանի նախագահի այցի մասին