Հայաստանը ներկայացնող ծանրորդները հաղթանակները նվիրում են Արցախում զոհված հերոսների հիշատակին

Ծանրամարտի Հայաստանի հավաքականի մարզիկները իրենց հաղթանակները նվիրում են  Արցախում զոհված հերոսների հիշատակին:  Ինչպես տեղեկացնում է «Արմենպրես»-ը, այս մասին նշեցին ծանրորդները լրագրողների հետ ունեցած ճեպազրույցի ժամանակ:

 Եվրոպայի չեմպիոն Սամվել Գասպարյանը անկեղծանում է՝ հաղթանակի զգացողությունն աննկարագրելի է՝ հակառակորդ երկրին ստիպել են լսել Հայաստանի հիմնը: «Մինչ այս իմ բոլոր հաղթանակները նվիրում էի ազգականիս՝ Յուրի Վարդանյանին, ում տեխնիկան երբեմն օգտագործում եմ, այս անգամ, միանշանակ, նվիրում եմ մեր երկրի սահմանները իրենց կյանքի գնով պահած տղաների հիշատակին: Հենց այդ մտքով էի մրցահարթակ բարձրացել»,-նշեց Սամվել Գասպարյանը:

Գոռ Մինասյանն էլ խոստացավ՝ առաջին իսկ հնարավորության դեպքում հաղթելու է վրացի ծանրորդին: «Օրերից մի օր կստացվի հաղթել: Ամեն մի մրցույթից հետո նոր կիլոգրամներ, անձնական արդյունքների  գերազանցում, աստիճանաբար կրճատում ենք տարբերությունը  և օրերից մի օր կգա այն պահը, որ  կհասնենք ու կանցնենք»,-նշեց Գոռ Մինասյանը:

Գերծանր քաշայինների պայքարում Գոռ Մինասյանը երկամարտի  464 կգ  արդյունքով երկրորդն էր՝ հետ մնալով միայն Լաշա Տալախաձեից:

Ծանրորդներն ընդհանուր առմամբ 5 ոսկե, 9 արծաթե և 9 բրոնզե մեդալ են նվաճել Ռուսաստանի մայրաքաղաքում կայացած Եվրոպայի առաջնությունում։

Այս թեմայով Ցանկացած այլ երկրի դեպքում ներողություն կխնդրեի. ծանրորդ Նազիկ Ավդալյան (տեսանյութ) Ծանրորդ Վարազդատ Լալայանը՝ աշխարհի գավաթի խաղարկության հաղթող Հայ 5 ծանրորդ վաղը կմեկնի Թայիլանդ՝ մասնակցելու վարկանիշային աշխարհի գավաթին ԵԱ․ Պոկում վարժությունից հետո Վարազդատ Լալայանը փոքր ոսկե մեդալակիր է Սամվել Գասպարյանը՝ Եվրոպայի փոխչեմպիոն, Գարիկ Կարապետյանը՝ բրոնզե մեդալակիր Ծանրորդ Լիանա Գյուրջյանը Եվրոպայի առաջնությունում 4-րդն է Ծանրորդ Գոռ Սահակյանը՝ Եվրոպայի կրկնակի չեմպիոն (տեսանյութ) Չքաղաքականացնե՜լ. ծանրորդ Հռիփսիմե Խուրշուդյանի տանը Ծանրորդ Գարիկ Կարապետյանը դարձավ Կատարի Գրան Պրիի բրոնզե մեդալակիր Ծանրորդ Անդրանիկ Կարապետյանը Կատարի Գրան Պրիում 7-րդն է