Անգլուհին պատվաստվել է AstraZeneca-ով և վերածվել «հրեշի». The Sun

Այլ 14 Ապրիլ, 2021 22:48

Անգլիայի Սթաֆֆորդշիրից 49-ամյա Սյուզի Ֆորբսը մարտի 18-ին պատվաստվել է կորոնավիրուսի դեմ AstraZeneca / Oxford պատվաստանյութով և մի քանի ժամ անց նրա կյանքը դժոխքի է վերածվել:

Սյուզիի մարմինը սկսել է ուռչել, պատվել բշտիկներով և ցանով, որը կարծես «երրորդ աստիճանի այրվածք» լիներ: «Ինձ թվում էր «Օտարը» ֆիլմում եմ, քանի որ ձեռքիցս դուրս էին գալիս փուչիկներ: Դա սարսափելի էր: Դեմքս հսկայական դարձավ: Ես հրեշ էի»: Կնոջ վախեցած դուստրը աղաչում էր մորը գնալ հիվանդանոց՝ վախենալով, որ նա ողջ չի մնա:

«Իմ 19-ամյա դուստրը գրեց ինձ աշխատավայրից և ասաց «Մայրիկ, մայրիկ, CoViD»: Նա սարսափած էր»,- ասել է Ֆորբսը:

Սյուզիի խոսքով` երբ նա եկել էր պատվաստման, զգուշացրել էր բժշկին, որ նախկինում ալերգիա է ունեցել պենիցիլինից և հակաբեղմնավորիչներից: Կինը նաև տառապում է հազվադեպ հանդիպող Գիհենա Բարե սինդրոմով, որի դեպքում իմունային համակարգը հարձակվում է իր իսկ նյարդային բջիջների վրա: Բացի այդ, պատվաստման պահին նա նաև ցավազրկողներ է ընդունած եղել: Սակայն բժիշկը նրան հավաստիացրել է, որ ամեն ինչ լավ կլինի:

Արդյունքում, տուժած հիվանդին նշանակվել են հակահիստամինային դեղեր և ստերոիդներ, բայց սկզբում իրավիճակը միայն սրվել է: Անցել է երեք շաբաթ, մինչ ցանը սկսել է նվազել, գրում է The Sun-ը: Սակայն, ըստ Սյուզիի, իր մարմնի վրա դեռ կան սպիներ, որոնցից արդեն հնարավոր չէ ազատվել: