Ինչու՞ Հայաստանի տնտեսությունը 7,6% անկում գրանցեց. Սուրեն Պարսյանի դիտարկումները

Միայն ասֆլատապատմամբ երկիր եւ տնտեսություն չեք կառուցի․ դրա համար մեծ խելք ու ջանք հարկավոր չէ։ Այս մասին գրում է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը։

Տնտեսագետը, մասնավորապես, նշել է.

«ՀՀ 2020 թվականի պետական բյուջեի կատարողական հաշվետվությունն եւս մեկ անգամ փաստում է, որ գործող իշխանությունների կառավարման արդյունավետությունը շատ ցածր է, նրանք ի վիճակ չեն իրականացնել մեր երկրի համար առաջնահերթ եւ մեծ կարեւորություն ունեցող պետական ծրագրեր։ Մասնավորապես՝  օտարերկրյա պետությունների  եւ կազմակերպությունների աջակցությամբ իրականացվող վարկային ծրագրերի եւ միջոցառումների շրջանակներում պլանավորված էր իրականացնել 165,2 մլրդ դրամի (330 մլն ԱՄՆ դոլարի) աշխատանք, որից 133,7 մլրդ դրամը՝ վարկային միջոցների հաշվին, իսկ 31,5 մլրդ դրամը՝ համաֆինանսավորմամբ։

Փաստացի կատարվել է պլանավորված աշխատանքների ընդամենը 31%-ը։ Միայն ասֆլատապատմամբ երկիր եւ տնտեսություն չեք կառուցի․ դրա համար մեծ խելք ու ջանք հարկավոր չէ։

2020 թվականին ՀՀ կառավարությունը ձախողել է Ֆրանսիայի Հանրապետության կառավարության աջակցությամբ իրականացվող Վեդու ջրամբարի կառուցումը, Գերմանիայի զարգացման վարկերի բանկի աջակցությամբ իրականացվող Ախուրյան գետի ջրային ռեսուրսների ինտեգրված կառավարման ծրագրի շրջանակներում ջրային տնտեսության ենթակառուցվածքների հիմնանորոգումը, Եվրոպական ներդրումային բանկի աջակցությամբ իրականացվող Հյուսիս-հարավ միջանցքի զարգացման վարկային ծրագիրը (Տրանշ 3-ը), Ասիական զարգացման բանկի աջակցությամբ իրականացվող դպրոցների սեյսմիկ պաշտպանության ծրագրի շրջանակներում ՀՀ դպրոցների սեյսմիկ անվտանգության բարելավմանն ուղղված միջոցառումները, Համաշխարհային բանկի աջակցությամբ իրականացվող Տեղական տնտեսության եւ ենթակառուցվածքների զարգացման  ծրագրի շրջանակներում ՀՀ տարբեր մարզերում զբոսաշրջության հետ կապված ենթակառուցվածքների բարելավմանն ուղղված միջոցառումները եւ այլն, եւ այլն։

Եթե 2020 թվականին ժամանակին եւ ամբողջ ծավալով իրականացվեին այս ծրագրերը, ապա Հայաստանի տնտեսությունը -7,6% անկում չէր գրանցի, անկումը չէր շարունակվի նաեւ 2021 թվականի ընթացքում, տնտեսության  վերականգնումն էլ ավելի արագ կլիներ»։

Այս թեմայով Հացի գի՞նն էլ կթանկանա. ինչ է սպասվում հայ սպառողներին «Ո՞վ է պատասխանատու էլեկտրաէներգիայի թանկացման համար» ԿԲ-ն չի կարողանում կառավարել գնաճը․ սպասվում են նոր թանկացումներ. Սուրեն Պարսյան Մի շտապեք վաճառել ձեր դոլարները. տնտեսագետ Գների աճը ձեռնտու է հենց կառավարությանը. Սուրեն Պարսյան Վահան Քերոբյանի՝ տնտեսության համարյա վերականգնման մասին հայտարարությունն անտրամաբանական է. տնտեսագետը պարզաբանում է Հայաստանը երեք շաբաթվա համար գազի պաշարներ ունի. ու՞մ է ձեռնտու Ադրբեջանով Հայաստան գազի մատակարարումը․ Սուրեն Պարսյան Աղքատության մակարդակը ՀՀ 4 ղեկավարների օրոք 2001-2019 թվականներին Հայաստանի Հանրապետությունում գործազրկության մակարդակը 3 ղեկավարների օրոք. Սուրեն Պարսյան Արցախը կզրկվի՞ հանքարդյունաբերությունից եկող հարկերից․ քանի հանքավայր կանցնի Ադրբեջանին