«Հայի խաչը ծանր է․ սիրով ու միմյանց օգնելով պիտի տանենք մեր խաչը»․ Նազենի Հովհաննիսյան

Հաղորդավարուհի, դերասանուհի Նազենի Հովհաննիսյանը Ինստագրամի իր էջում նոր լուսանկար է հրապարակել և կից գրել է․

«Օրը թող սկսվի ներումով:

Սուրբ Խաչի երևման տոնն է այսօր: Մարդ պիտի հոգով մաքուր, ոգով ամուր մնա, որ կարողանա «տեսնել» Խաչը, գնալ ՆՐԱ հետևից և ի վերջո ապրել՝ Հավիտենությանը ձգտելով:

Հայի խաչը ծանր է, երբեմն անմարսելի ծանր, այնքան, որ կքում ենք տակը, որ թվում է էլ երբեք չես ուղղի մեջքդ, կյանքդ չես վերագտնի...Բայց Խաչն իր զորությունն ունի, իր՛ օգնությունը:

Իսկ, երբ նայում ես՝ ինչպես անցավ Քրիստոս իր Գողգոթան ու ինչպե՛ս տարավ իր Խաչը, հասկանում ես նորից, որ իրավունք չունես ընկճվելու, հուսահատվելու ու մանավանդ՝ չարանալու: Սիրով ու միմյանց օգնելով պիտի տանենք մեր Խաչը, Տիրոջն աղոթելով, որ ներում շնորհի բոլորին... առաջին հերթին մեզ նեղացնողին. քանզի չեն հասկանում, թե ինչ են անում:

Հ.Գ. Երբեք չալարել ու գոնե Կիրակին նվիրել Տիրոջը: Օրհնյալ Պատարագ ու բարի կիրակի բոլորիս:

Երուսաղեմում Սուրբ Խաչի նշանի երևման հիշատակն է: 351 թվականին` ցերեկվա ժամին, Գողգոթայից մինչև Ձիթենյայց լեռը երկնքում երևում է լուսե խաչ: Զարմանահրաշ այդ դեպքի մասին Երուսաղեմի Կյուրեղ եպիսկոպոսը նամակ է գրում Կ. Պոլսի Կոստանդ կայսերը՝ զարմանալի այդ երևույթը համարելով ուղղափառ դավանության ճշմարտության ապացույց: Այդ պատճառով էլ Կյուրեղ Երուսաղեմացին հորդորում է Կոստանդ կայսերը հրաժարվել արիոսականներին պաշտպանելուց:

Երուսաղեմի Կյուրեղ եպիսկոպոսի այդ նամակը թարգմանվել է հայերեն և ամեն տարի ընթերցվում է Ս. Խաչի երևման տոնին: Հայ Առաքելական Եկեղեցին Ս. Խաչի երևման տոնը նշում է Զատկից 28 օր հետո»:

Այս թեմայով 24.04.2024-ից թող սկսվի Հայաստան-Արցախի վերածննդի հետհաշվարկը․ ես հավատում եմ. Նազենի Հովհաննիսյան «Արցախի հանձնման մասին էլ ... չի խառնվել»․ Նազենի Հովհաննիսյանը՝ Տիգրան Մանսուրյանի հարցազրույցի մասին «Գժված եմ»․ Նազենի Հովհաննիսյանը լուսանկար է հրապարակել Մեր բոլոր գործողություններն են բերում այս կամ այն արդյունքին․ Նազենի Հովհաննիսյան «Պետություն ենք կորցնում»․ Նազենի Հովհաննիսյան (տեսանյութ) «Էնքան հիվանդ եմ, որ էլ ուժ չկա նույնիսկ ավել բառ ասելու»․ Նազենի Հովհաննիսյան «Լավ կլիներ, որ մի 20 տարի առաջ հանեին»․ Նազենի Հովհաննիսյանին ազատել են աշխատանքից «Ձյունն եմ կարոտել, խենթ ու խելառ ընկերներիս ու Երևանը»․ Նազենի Հովհաննիսյան Իմ աղոթքները մի բանի մասին են միշտ. Նազենի Հովհաննիսյան Նազենի Հովհաննիսյանի մանկության հուշերն ու այս Ամանորը՝ ԱՄՆ-ում