ՔՊ-ական պաշտոնյաներից ովքե՞ր են «ջրից չոր» դուրս եկել. մաս 6

ՔՊ-ական ևս մեկ արդեն նախկին պաշտոնյան, ով, լինելով Նիկոլ Փաշինյանի մտերիմ շրջանակից, հաջողացրել է սկանդալներից ջրից չոր դուրս գալ, աշխատանքի և սոցիալական ապահովության նախկին նախարար Զարուհի Բաթոյանն է: 

Բաթոյանը հայտնվել էր սկանդալի կենտրոնում՝ կապված իր հայտարարագրում առկա անճշտությունների հետ: Նրա հայտարարագրի ուսումնասիրության արդյունքում անգամ վարույթ էր հարուցվել: Զարուհի Բաթոյանն աշխատանքի և սոցիալական հարցերի նախարարությունում աշխատանքի է անցել 2018թ.։ Պաշտոնը ստանձնելուց հետո նա բարձրաստիճան պաշտոնատար անձանց էթիկայի հանձնաժողով չորս հայտարարագիր է ներկայացրել։ Դրանցից միայն առաջինում՝ աշխատանքի և սոցիալական հարցերի նախարարի տեղակալի պաշտոնը ստանձնելու հայտարարագրում, կարելի է տվյալներ գտնել Բաթոյանի եկամուտների վերաբերյալ։ Ըստ այդ հայտարարագրի՝ Բաթոյանի եկամուտն այդ ժամանակ եղել է 887 000 դրամ աշխատավարձը։ Զարուհի Բաթոյանի ներկայացրած առաջին հայտարարագրում երևում է 945 հազար դրամ ֆինանսական միջոց։ Դրանից երեք ամիս անց ներկայացրած տարեկան հայտարարագրում նախարարի միջոցները ավելացել են 3 միլիոն 460 հազար դրամով՝ դառնալով 4 միլիոն 404 հազար դրամ։ Թե ինչ աղբյուրներից են ավելացել Զարուհի Բաթոյանի ֆինանսական միջոցներն` անհայտ է, քանի որ նա չի հայտարարագրել եկամուտները։  Նման բացթողման դիմաց նախարարը ընդամենը տուգանվել է 200 հազար դրամի չափով:

ՀՀ հաշվեքննիչ պալատը հրապարակել է 266 էջանոց զեկույց, որտեղ տեղ են գտել սոցապնախարարությունում հայտնաբերված հրեշավոր խախտումների մասին տեղեկություններ: Փաստերն արդեն իսկ ուղարկվել են դատախազություն: Դրանք վերաբերում են 2019 թվականի հունվարի 1-ից մինչև դեկտեմբերի 31-ն ընկած ժամանակահատվածին, երբ ՀՀ աշխատանքի և սոցիալական հարցերի նախարարը հենց Զարուհի Բաթոյանն էր: Համաձայն զեկույցի՝ պարզվում է, որ կոռուպցիայի և թալանի մասին սրտաճմլիկ ելույթներ ունեցող այս իշխանությունն է հենց թաթախված այդ ամենի մեջ: Օրինակ՝ 2019 թվականի օգոս­տոսի 10-ին մահացել է մի քաղա­քացի, որը մահից երկու օր անց «պրոթեզավորվել է» և նաև «դի­մում է գրել»: Պետական ծրագրերով լսողական սարքեր և հաշմանդամի սայլակներ են ձեռք բերվել, ու հայտնաբեր­վել է, որ 67 շահառուներ երկրում չեն եղել, ընդ որում՝ դրանցից 40-ը մինչև 2019 թվա­կանը լքած են եղել հանրապետությունը: Նույն ծրագրով պարզվել է նաև, որ սրունքի պրոթեզավորման վճարները 59 հազար դրամով ավել են եղել, քան նախա­տեսված է եղել մրցութային ծրագրով և կնքված պայմանագրում: Անօթևանների համար նախատեսված ծախսերով 22 հա­զարից ավել անձ է սպասարկվել, և 16 մի­լիոն դրամից ավել գերածախս են տվել:

Բաթոյանն իր խորհրդական Ստեփան Մաչյանին նշանակել էր նախարարության ֆինանսատնտեսագիտական և հավապահական հաշվառման վարչության պետ, ինչպես նաև, ուշադրություն, նախարարության աշխատակազմի գլխավոր քարտուղարի պաշտոնակատար։ Ասել է թե, նախարարության ամենակարևորագույն պաշտոններից միանգամից 2-ը վստահել է մի մարդու։ Հիմա երկու խոսք տվյալ անձի ՝ Ստեփան Մաչյանի մասին։ Վերջինս, պարզվում է, որ Զարուհի Բաթոյանի բարեկամն է՝ նրա հարազատ քույր Սյուզաննա Բաթոյանի ամուսնու՝ Արտավազդ Մաչյանի հարազատ եղբայրը, այսինքն՝ Ստեփան Մաչյանը Զարուհի Բաթոյանի քրոջ տեգրն է: Բաթոյանը ԽԾԲ-ին աշխատանքի տեղավորելու համար, իհարկե, որևէ պատասխանատվության չի ենթարկվել:

Այս թեմայով Կարեւորում եմ քաղհասարկության կազմակերպությունների եւ որոշումներ կայացնողների մշտական կապը. Զարուհի Բաթոյան ԽԾԲ-ին յուղոտ պաշտոնների տեղավորած ՔՊ-ականները. Զարուհի Բաթոյան Թավշյա հեղափոխության իրական շահառուները. Զարուհի Բաթոյան «Ժողովուրդ». Մանդատից զրկել չհաջողվեց՝ փորձում են իրավական գործընթաց սկսել․ Զարուհի Փոստանջյանին կանչել են ՔԿ Զարուհի Փոստանջյանին Երևանի ավագանու մանդատից զրկելու որոշման նախագիծը չընդունվեց Դավիթ Խաչատրյանը և Զարուհի Մանուչարյանը ներկայացնում են «Հումանիտար կենտրոն»-ի կողմից ցուցաբերվող աջակցության աշխատանքների ընթացքը Ռուբեն Սարգսյանը և Զարուհի Մանուչարյանը ներկայացնում են «Հումանիտար կենտրոն»-ի աշխատանքները «Իրավունք». «Ծախվեցի՛ր, արա». Զարուհի Փոստանջյանը սկանդալ է սարքել «Մայր Հայաստանում» Պատրաստ եմ աջակցելու զոհված զինծառայողի մորը, ինչով հնարավոր է․ Զարուհի Հովհաննիսյան ՔՊ-ական պաշտոնյաների հետ կապվող ՀԿ-ները՝ արտոնյալ. Զարուհի Բաթոյան