Վախ կա, հույսով սպասում ենք. Կութի համայնքապետ

Մեր գյուղում երեկ կրակոցներ չեն հնչել, դա մեր տարածքում չի եղել: Կրակոցներ հնչել են Շորժայի տարածքում: Այս մասին ԼՈՒՐԵՐ.com-ի հետ զրույցում ասաց Կութի համայնքապետ Սիմա Չիտչյանը:

«Հիմա ամեն ինչ նորմալ է, նույն կերպ շարունակվում է, յուրաքանչյուրն իր տարածքում է՝ ոչ առաջ, ոչ հետ, ուրիշ որևէ նորություն չունենք»,- ասաց Չիտչյանը:

Հարցին, թե բնակչության շրջանում անհանգստություն չկա՞, համայնքապետը պատասխանեց, որ չի կարող չլինել.

«Բայց ինչպե՞ս կարող է չլինել, եթե շրջապատված ենք ադրբեջանցիներով: Ճիշտ է՝ վախ կա, բայց խուճապ չկա, հույսով սպասում ենք, տեսնենք՝ ինչ կլինի»:

Համայնքապետն ասաց, որ բնակիչները զբաղվում են իրենց ամենօրյա աշխատանքներով.

«Անասուններն այլևս արոտի չեն տանում, որովհետև մեր բարձունքներում, որտեղ  արածեցրել են, հիմա ադրբեջանցիներն են: Գյուղի ներքևի մասում են արածեցնում՝ սպասելով լավ լուրի, սպասելով, որ ամեն բան կհարթվի, կշարունակվի մեր առօրյա կյանքը»,- ընդգծեց Չիտչյանը:

Հիշեցնենք, որ երեկ Պաշտպանության նախարարությունը հայտնել էր, որ «մայիսի 20-ին միջադեպ է գրանցվել Գեղարքունիքի մարզի սահմանային հատվածում Հայաստանի Հանրապետության տարածքը հատած ադրբեջանցի զինվորականների մասնակցությամբ։ Ժամը 15.00-ի սահմաններում մի քանի տասնյակ կրակոց է արձակվել, ենթադրաբար՝ օդ, ինչից հետո հայկական ստորաբաժանումները նախազգուշացնող կրակ են բացել»։

Արփինե Հակոբյան

Այս թեմայով Հակակոռուպցիոն դատարանում կհրապարակվի Վանաձորում ընտրված համայնքապետ Մամիկոն Ասլանյանի կալանքի վերաբերյալ որոշումը «Հրապարակ». Իշխանական թիմում էլ են սարսափում ադրբեջանցի «փախստականների» վերադարձի հեռանկարից Օկուպացված Արցախում մինչև 2026-ի վերջ մոտ 40 000 ադրբեջանցի կբնակեցվի Ոճրագործությունը կրկնվեց նաև մեր օրերում․ Մասիսի համայնքապետ Երևանից կենտրոնում ադրբեջանցի դիվերսանտի ձերբակալելու լուրը չի համապատասխանում իրականությանը Ադրբեջանցի դիվերսանտ Երեւանի կենտրոնում (տեսանյութ) Օկուպացված Ակնայում ական է պայթել. ադրբեջանցի է վիրավորվել Զորավարժությունների ժամանակ ադրբեջանցի զինծառայող է մահացել ՌԴ-ում ադրբեջանցի երգչուհի է ձերբակալվել Տիգրան Մեծի համար «կարմիր գիծ էին» բոլոր այն տարածքները, որոնք հայաբնակ էին և մեծամասնությամբ հայ բնակչություն ունեին. «Մեր պատմությունը» նախագիծ