Արայիկ Հարությունյանը Մարտունիում ծանոթացել է իրականացվող շինաշխատանքների ընթացքին

Արցախի Հանրապետության նախագահ Արայիկ Հարությունյանը մայիսի 30-ին այցելել է Մարտունի շրջկենտրոն և ծանոթացել քաղաքում իրականացվող շինարարական աշխատանքների ընթացքին:

Ինչպես տեղեկացրին Արցախի Հանրապետության նախագահի աշխատակազմի տեղեկատվության գլխավոր վարչությունից, երկրի ղեկավարը նախ եղել է մասնավոր ներդրումային ծրագրով կառուցվող բազմաբնակարան թաղամասում, որտեղ երկու տարվա ընթացքում «Ֆերզիտ» շինարարական ընկերությունը կկառուցի չորս հինգհարկանի շենքեր՝ 3 և 4 սենյականոց 116 բնակարանով: Շինարարական կազմակերպության ղեկավարի հավաստմամբ՝ շենքերը կունենան նկուղային հարկեր: Կկառուցվեն խաղահրապարակներ, ավտոկայանատեղի, կբարեկարգվի հարակից տարածքը: Շինարարությանը զուգահեռ՝ կվերանորոգվի նաև Մարտունու հին լողավազանը (պլյաժ):

Նախագահ Հարությունյանը շրջայց է կատարել նաև շրջկենտրոնի մի շարք թաղամասերում, որտեղ ակտիվ վերականգնման շինաշխատանքներ են իրականացվում, ծանոթացել է գործընթացին: Արայիկ Հարությունյանն ընդգծել է, որ Մարտունի քաղաքը, որպես և՛ պատերազմից ամենաշատը տուժած բնակավայր, և՛ ակտիվորեն զարգացող համայնք, մշտապես գտնվելու է կառավարության ուշադրության կենտրոնում: Նախագահն այդ առումով տվել է մի շարք հանձնարարականներ. մասնավորապես՝ կարևորելով օրերս շահագործման հանձնված, քաղաքի կայուն էլեկտրամատակարարումն ապահովող նոր օդային գծի առկայությունը՝ նա հանձնարարել է կարճ ժամանակահատվածում Մարտունու փողոցներն ամբողջությամբ ապահովել գիշերային լուսավորությամբ: Մեկ այլ հանձնարարականով՝ վթարային բոլոր առանձնատները կապամոնտաժվեն և տեղերում բնակիչների համար կկառուցվեն արագ հավաքվող տներ:

Այցի ընթացքում Հանրապետության Նախագահը հանդիպել է 2020թ. պատերազմում զոհված և հետմահու պետական բարձր պարգևների արժանացած զինծառայողների հարազատների հետ: Նրանց հանձնելով պետական պարգևները՝ Արայիկ Հարությունյանն իր երախտագիտությունն է հայտնել բոլորին, նշել, որ կառավարությունը մշտապես գտնվելու է բոլոր զոհվածների ընտանիքների կողքին:

Նախագահ Հարությունյանը եղել է նաև Մարտունու հարակից տարածքում գտնվող նորատունկ ընկույզի այգում:

Այս թեմայով Ժաննա Անդրեասյանն ու Վասիլիս Մարագոսը քննարկել են ԵՄ աջակցությամբ իրականացվող կրթական բարեփոխումները Բագրատ Սրբազանի դեմ իրականացվող կեղտոտ արշավը չափազանց անարդյունավետ է ու իր նպատակին չի ծառայում. Տիգրան Աբրահամյան Տավուշի մարզում իրականացվող գործընթացի վերաբերյալ վերջին օրերին մի շարք կեղծ և հասարակությանը մոլորեցնող թեզեր են հնչում. ՀՀ ԱՆ Միրզոյանը ներկայացրել է հարևանների հետ հարաբերությունների կարգավորման ուղղությամբ իրականացվող քայլեր Բարեղամ Հարությունյանը՝ Եվրոպայի փոխչեմպիոն (տեսանյութ) Մհեր Գրիգորյանը և ՎԶԵԲ-ի տարածաշրջանային տնօրենը քննարկել են Հայաստանում իրականացվող ծրագրերի ընթացքը Հայտնի բժիշկ Արայիկ Ղարիբյանը լքեց ԵԿՄ շարքերը Ի՞նչ կապ ունեին Արայիկ Հարությունյանի հարցազրույցի անոնսն ու հետագա «զարգացումները». «Փաստ» Բռնցքամարտիկներ Արթուր Բազեյանը, Արարատ Հարությունյանը և Համլետ Հարությունյանը ԵԱ-ի քառորդ եզրափակչում են ԵԱ․ Համլետ Հարությունյանը մեկնարկեց հաղթանակով (տեսանյութ)