Նիկոլ Փաշինյանը Հայաստանից եւ Արցախից ստացավ հենց res nullius՝ անտեր մի գույք, անտեր մի պետություն, որը տեր չունի. Սամվել Ֆարմանյան
ԲլոգոսֆերաՀասարակական–քաղաքական գործիչ Սամվել Ֆարմանյանը ֆեյսբուքյան իր էջում գրել է.
«Հայաստանի առաջին Հանրապետության առաջին վարչապետ Հովհաննես Քաջազնունին իր սկանդալային «Հ.Յ.Դաշնակցությունն այլևս անելիք չունի» գրքում, նկարագրելով Հայաստանի շուրջ ժամանակի իրողությունները, մեջբերում է հին հռոմեական իրավունքից հայտնի մի տերմին՝ res nullius, որը նշանակում է անտեր գույք: Գույք, որը տեր չունի:
Նիկոլ Փաշինյանը Հայաստանից եւ Արցախից ստացավ հենց res nullius՝ անտեր մի գույք, անտեր մի պետություն, որը տեր չունի: Իշխանությունն ինքը նախ վարագույրների հետևում հրաժարվեց այդ պետությունից ու աճուրդի հանեց նրան՝ սեփական հողն ու պետությունը, ապա հստակ քարոզչությամբ, բաժան-բաժան անելով ու բոլորին վարկաբեկելով, տիրոջ զգացումից զրկեց նաև նրանց, ում այդ պետությունը պատկանում էր:
Ու ամենասարսափելին այս այլաբանության մյուս հատվածն է: Հին հռոմեական իրավունքում օրինական էր համարվում այն, երբ որև մեկը գնում ու տիրանում էր այդ անտեր մնացած գույքին՝ res nullius-ին: Իսկ գիտե՞ք, թե ինչպես էր Հին Հռոմում կոչվում այդ անտեր մնացած գույքին տիրելու փաստը: Occupatio՝ օկուպացիա, ինչն, ի միջի այլոց, համարվում էր միանգամայն օրինական գործողություն: Մի բան, որ Նիկոլն անում է Արցախից հետո արդեն բուն Հայաստանի հետ աներևակայելի ու նախանձելի հետևողականությամբ՝ արտաքին օկուպացիայի առարկա դարձնելով Հայաստանի ու հայոց պետականության վերջին փշրանքները: