Ի՞նչ է թաքցնում Անահիտ Ավանեսյանը. միլիոնավոր դոլարների օժանդակության հետքերով

Նախորդ տարի՝ կորոնավիրուսի համավարակի տարածմանը զուգընթաց, Հայաստանը տարբեր երկրներից ստացավ աջակցություն՝ թե’ գումարի, թե՛ այլ միջոցների՝ մասնավորապես բժշկական պարագաների, թեստերի, դիմակների, դեղորայքի և այլնի տեսքով։ Հայաստանի կառավարությունը, բացի ստացած օգնություններից, նաև տարբեր վարկեր վերցրեց՝ կորոնավիրուսը «կանխարգելող» միջոցառումներ իրականացնելու և վարակը «հաղթահարելու» ուղղությամբ։ Ընդհանուր առմամբ՝ կորոնովիրուսի դեմ պայքարի շրջանակներում 2020թ.-ի սկզբից մինչև 2021թ. հունվարի 25-ը Հայաստանը ստացել է 257 մլն ԱՄՆ դոլարի օժանդակություն, որի գրեթե կեսը՝ վարկի տեսքով։

COVID-19-ի սոցիալ-տնտեսական հետևանքները հաղթահարելու համար ամենամեծ ֆինանսական օժանդակությունը Հայաստանին հատկացրել է Եվրամիությունը։ Ընդհանուր առմամբ՝ ԵՄ-ն պատրաստակամություն է հայտնել 98,5 մլն եվրո գումար հատկացնել, որից 59,63 մլն եվրո արդեն իսկ հատկացվել է՝ Կառավարության աջակցության 5 ծրագրերի շրջանակներում։

ԱՄՆ միջազգային զարգացման գործակալությունը 1 մլն դոլար է հատկացրել ՅՈՒՆԻՍԵՖ-ի միջոցով՝ համավարակի տարածման գործում ճգնաժամային հաղորդակցությունն ու համայնքային ներգրավվածությունը խթանելու նպատակով։ Եվս 1,8 մլն դոլար գործակալությունը հավելյալ հատկացրել է սոցիալական աշխատակիցների վերապատրաստման, հասարակական աջակցության տրամադրման, ինչպես նաև առավել խոցելի խմբերին և նրանց ընտանիքներին աջակցելու համար։ Եվս 1,2 մլն ԱՄՆ դոլար ՄԶԳ-ն ուղղել է Հայաստանում բացասական տնտեսական հետևանքները մեղմելուն։

Հաջորդը Ճապոնիայի դեսպանատունն է, որը 3,8 մլն ԱՄՆ դոլար է հատկացրել՝ ճապոնական բժշկական սարքավորումներ ձեռք բերելու համար:

COVID-19-ի կանխարգելման շրջանակներում Հայաստանին մի քանի անգամ աջակցություն է հատկացվել նաև ՄԱԿ-ի ենթակա կառույցներից (ընդհանուր՝ 2,5 մլն դոլար)։

Համավարակի դեմ պայքարի համար ծախսված գումարների իրացման հետ կապված բազմիցս կասկածներ են հնչել։ Այդպես էլ, կարծես, հստակություն չկա, թե 1 հիվանդի բուժման ծախսերը որքան են կազմում։ Հայտնի է, որ կորոնավիրուսով վարակված ռեանիմացիոն հիվանդի բուժումը նստում է շուրջ 1 մլն դրամ։ Այս թիվը ժամանակին հնչեցրել է առողջապահության նախարարը։

Իհարկե, առողջապահության նախարարությունը պարբերաբար ներկայացնում է այն ծախսերը, որոնք կատարվել են համավարակի դեմ պայքարի շրջանակներում, սակայն այդ հաշվետվություններից հասկանալի չէ՝ վերը նշված դրամաշնորհներից քանի միլիոնն է ծախսվել, քանիսը՝ ոչ: Ընդհանրապես հասկանալի չէ՝ այս միջոցները ներգրավվե՞լ են, թե ոչ , իսկ եթե ներգրավվել են՝ ապա ինչ չափով և որ կարիքների սպասարկման վրա են ծախսվել: Նման լռությունը ավելի շատ նման է հանրությունից ինչ-ինչ հանգամանքներ թաքցնելու ցանկությանը, մինչդեռ կառավարությունը խոստացել էր աշխատել բաց և թափանցիկ: Այդ իսկ պատճառով նախարարությունը պարտավոր  է հանրությանը ներկայացնել, թե արտերկրից ստացված միլիոնավոր դոլարները ինչի վրա են ծախսվել:

Այս թեմայով Հիշում ենք և պահանջում․ Կանադայի ԱԳ նախարար Կոչ եմ անում բանակի բոլոր զորագնդերին՝ կանգնեք ժողովրդի կողքը, ոչ մի քայլ հետ չգնաք. Մահապարտների ջոկատի հրամանատար «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում «Ողջունում ենք, կարևոր քայլ է». Բլինկենը՝ Հայաստանի ու Ադրբեջանի միջև համաձայնության մասին Նարեկ Ադամյանը նշանակվել է «Հայաստանի հեռուստատեսային և ռադիոհաղորդիչ ցանց» ՓԲԸ տնօրեն Անհանդուրժող ենք լինելու համակարգում կոռուպցիոն որևէ դրսևորման հանդեպ․ ՆԳ նախարար «Ժողովուրդ». Օրինապահից դեպի «բարձր ռիսկային խումբ» մեկ քայլ է Պացիենտն ինքը կորոշի՝ որ ԲԿ-ում հետազոտվի, պետբյուջեի գումարները ՊՎԾ-ի հետ վերահսկում ենք․ նախարար Հայաստանը Ռուսաստանի հետ հարաբերություններում ոչ մի սխալ քայլ չի արել. Փաշինյան Արմեն Գրիգորյանը և Ֆինլանդիայի ԱԳ նախարար քննարկել են ՀՀ-ԵՄ հարաբերություններին առնչվող հարցեր