Այո, եթե ունենանք իշխանություն, ի զորու ենք 2-3 օրում վերադարձնել գերիներին. Վանեցյան

Մենք ասել ենք, որ եթե ունենանք իշխանություն, կարողանանք հանդես գալ պետության կողմից, պետության լծակները օգտագործել, ապա այո, ի զորու ենք 2-3 օրում վերադարձնել գերիներին: Այս մասին այսօր՝ հունիսի 23-ին, մամուլի ասուլիսի ժամանակ նշեց «Պատիվ ունեմ» դաշինքի վարչապետի թեկնածու, «Հայրենիք» կուսակցության նախագահ Արթուր Վանեցյանը՝ անդրադառնալով իր հայտնի հայտարարությանը, թե կարող է 3 օրում վերադարձնել բոլոր գերիներին:

«Ես ասել եմ, որ իշխանության գալու դեպքում մեր առաջնային հարցերը լինելու են երկուսը. Մեր անվտանգային համակարգի արագ վերականգնում եւ սահմանների պահպանության ապահովում, եւ երկրորդը՝ գերիների վերադարձի հարցի լուծում:

Իմ հայտնի հայտարարությունից հետո եղել են շահարկումներ, ասել են՝ եթե կարող ես գերիների հարցը լուծել երեք օրում, ինչու չես լուծում:

Բայց մենք ասել ենք, որ եթե ունենանք իշխանություն, կարողանանք հանդես գալ պետության կողմից, պետության լծակները օգտագործել, ապա այո, մենք ի զորու ենք 2-3 օրում վերադարձնել գերիներին: Դուք տեսաք, որ նախընտրական քարոզչության վերջին շաբաթում Նիկոլ Փաշինյանը վերադարձրեց գերիների 15 հոգանոց խումբ՝ ականապատ քարտեզների փոխանակման պայմանով:

Հիմա եթե կարող էին այդ քարտեզները տային Ադրբեջանին եւ վերադարձնել գերիներին, ինչու դա չեն արել 6 ամիս առաջ: Ընդ որում ռուսական կողմից եղավ հայտարարություն մամուլում, որ երբ Մուրադովն ուզել է այդ քարտեզները, հայկական զինված ուժերը ասել են, որ բնության մեջ այդպիսի քարտեզներ գոյություն չունեն: Մուրադովն ասել էր, որ այդ քարտեզների դիմաց կարող է վերադարձնել Ադրբեջանում գտնվող բոլոր գերիներին»,-ասաց նա:

Այս թեմայով Ես չեմ հավատում, որ մինչեւ տարեվերջ Նիկոլ Փաշինյանը կստորագրի խաղաղության պայմանագիր. Արթուր Վանեցյան «Այս պահին այդ հարցը թողնում եմ առանց մեկնաբանության». Վանեցյանը չբացառեց, որ կմասնակցի Երեւանի ընտրություններին Առանց նիկոլ և նիկոլիզմի Հայաստան և Արցախ. սա է միակ բանաձևը, որը մեզ կբերի իրական խաղաղություն և անվտանգություն «Հայրենիք» կուսակցության անունից ցանկանում եմ վշտակցությունս և աջակցությունս հայտնել եզդի ժողովրդին. Վանեցյան Վանեցյանը խոսել է մանդատը վայր դնելու պատճառների մասին (տեսանյութ) ՀՀ իշխանությունների ջանքերով ներհանրային միջավայրում խորը կոնֆլիկտ է սանձազերծվել․ Վանեցյան Այսօր սկիզբ ենք դնում չարի վերջին. եթե սադրիչներ լինեն՝ շպրտեք ձեր շարքերից դուրս. Վանեցյան «Մենք խաղաղություն ենք բերելու մեր երկրին»․ Ազատության հրապարակից երթը մեկնարկեց «Այսօր Ազատության հրապարակում մեզ է միանալու հայտնի երգչուհի»․ Արթուր Վանեցյան Որևէ բիրտ ուժ չի կարող կասեցնել քաղաքացու կամքը. Արթուր Վանեցյան