Նախատեսվում է հիմնանորոգել 9,5 կմ գիծ. փոխնախարարը ծանոթացել է երկաթգծերի աշխատանքներին

ՀՀ տարածքային կառավարման և ենթակառուցվածքների նախարարի տեղակալ Արմեն Սիմոնյանը և Հարավկովկասյան երկաթուղու գլխավոր տնօրեն Ալեքսեյ Մելնիկովը երկաթուղու Մայիսյան-Ջաջուռ հատվածում ծանոթացել են երկաթուղային գծերի հիմնանորոգման աշխատանքներին: Ոլորտի պատասխանատուներն այցելել են նաև Ջաջուռ-Ղալթախչի կայարան հատված, որտեղ հիմնովին վերականգնվել է երկաթգծի 2 կմ:

Նախարարությունից հայտնում են, որ երկաթուղային գծերի հիմնանորոգման աշխատանքները մեկնարկել են ապրիլին։ Այդ աշխատանքները ներառում են գծերի հողապաստառի վերին շերտի, ինչպես նաև ռելսակոճային վանդակի ամբողջովին նորացում՝ երկաթբետոնե կոճերով փայտյա կոճերի փոխարինմամբ: ՀԿԵ ընկերությունն այս տարի նախատեսում է գնել և տեղադրել 28 հազար երկաթբետոնե կոճեր և 15,3 հազար խորանարդ մետր խճաքար:

Ընդհանուր առմամբ, 2021 թ․ նախատեսվում է հիմնանորոգել 9,5 կմ գիծ: Մասիսի գծային մեքենայացված կայանի անձնակազմն արդեն սկսել է դաշտային աշխատանքները Լոռու մարզում գտնվող Սանահին-Թումանյան վազուրդում: Նախատեսված է վերանորոգման աշխատանքներ իրականացնել նաև Ջաջուռ-Ղալթախչի, Պռոշյան-Եղվարդ և Սևան-Ծովագյուղ հատվածներում:

Հարավկովկասյան երկաթուղու ենթակառուցվածքների արդիականացման համար 2021 թ․ նախատեսված ներդրումների չափը կազմում է 2 միլիարդ 773 միլիոն դրամ:

Այս թեմայով Նավուրի ճանապարհին իրականացվելու են հորապայթեցման աշխատանքներ Ինձ հավաստիացրել են, որ սահմանազատումից հետո բնակիչների բոլոր իրավունքները երաշխավորելու ակտիվ աշխատանքներ են տարվում․ ՄԻՊ Կապանի Սպանդարյան փողոցում փրկարարներն իրականացրել են հարկադիր քարաթափման աշխատանքներ Բաղանիս-Ոսկեպար հատվածում այսօր նախատեսվում են սահմանազատման հետ կապված աշխատանքներ Աղձք բնակավայրի հարակից հատվածում իրականացվելու են պայթեցման աշխատանքներ Տավուշցիները վազում են դեպի դիրքեր, որ թույլ չտան ականազերծման աշխատանքներ իրականացվեն Ոստիկանները հայտարարում են, թե ՊՆ-ն տեղյակ չի եղել, որ չպետք է ականազերծման աշխատանքներ արվեն ՊՆ-ն Տավուշում ականազերծման աշխատանքներ է սկսել՝ չսպասելով հողերի հանձնման ակտին Լճկաձոր բնակավայրի սողանքային գոտում իրականացվելու են հարկադիր քարաթափման աշխատանքներ Աղձք բնակավայրի հարակից հատվածում իրականացվելու են պայթեցման աշխատանքներ