Պատերազմը Կամերային թատրոնի շենքի համար է, որ վաղը վաճառեն այն. Սամսոն Ստեփանյան

Կամերային երաժշտական թատրոնի դերասաններն այսօր՝ հուլիսի 23-ին, բողոքի ակցիա են իրականացնում նախարարությունների շենքի դիմաց: Նրանք դեմ են ԿԳՄՍ նախարարության որոշմանը, ըստ որի, կամերային երաժշտական թատրոնը պետք է միացվի Հակոբ Պարոնյանի անվան երաժշտական կոմեդիայի պետական թատրոնին, իսկ Կամերայինի շենքն էլ տրամադրվի սիմֆոնիկ նվագախմբին:

Լրագրողների հետ զրույցում Պետական կամերային երաժշտական թատրոնի գլխավոր ռեժիսոր Սամսոն Ստեփանյանն ասաց, որ ԿԳՄՍ նախարար Վահրամ Դումանյանը խոստացել է իրենց ընդունել.

«Ուզում ենք հասկանալ պատճառը այս գաղափարն առաջ տանելու: Ինչո՞ւ երաժշտական ոլորտի խնդիրը փաթաթել թատերական ոլորտի վզին: Ինչու մի ամբողջ թատրոն կործանել, որպեսզի երաժշտական խումբը ունենա ընդամենը փորձատեղի: Մեզ զրկում են մեր ստեղծագործելու և աշխատելու վայրից: Կարելի է ասել, որ վայրը վայր է, բայց յուրաքանչյուր թատրոն ունի իր  մթնոլորտը, դեմքը, իր ստեղծագործելու աուրան: Էլ չեմ ասում, որ մարդիկ զրկվում են  իրենց աշխատանքից: Թո՛ղ փափուկ բարձ չդնեն մեր գլխի տակ ու ասեն՝ ոչ մեկը չի կրճատվելու: Ոչ, կրճատվելու է, սա արվում է հենց դրա համար, որ Պարոնյանի անվան թատրոնի ղեկավարության ձեռքով կրճատվի այս թատրոնը: Մարդիկ ֆիզիկապես չեն կարող իրար հետ աշխատել»,-ասաց Ստեփանյանը:

Նա նշեց, որ այս որոշումն իրենց համար անսպասելի էր, որեւէ մեկը չէր սպասում, որ թատրոնը նման հարված կստանա․ «Շատ կարեւոր է, թե ովքեր են շահագրգիռ անձինք․ դա հետո կերեւա: Մենք այսօր նախարարի հետ հանդիպումից ակնկալում ենք հստակ պատասխան՝ ինչ է լինելու հետագայում: Արդյո՞ք նրանք վերջնականապես որոշել են, արդյոք կա տեղ փոխզիջման գալու: Մենք ասում ենք՝ մենք պատրաստենք շենքը տրամադրել սիմֆոնիկ նվագախմբին, թող գան փորձերի: Օրը կբաժանենք, խնդիր չի: Իմ անձնական կարծիքն այն է, որ ամբողջ պատերազմը շենքի համար է, որ վաղը մյուս օրը վաճառեն այն: Հավատացնում եմ՝ Սիմֆոնիկ նվագախումբը այդ շենքում երկու տարուց ավել չի մնալու»,-ասաց նա:

Սամսոն Ստեփանյանը նաև հավելեց՝ Պարոնյանի անվան երաժշտական կոմեդիայի թատրոնի ղեկավար Հակոբ Ղազանչյանը եւս դեմ է այս որոշմանը:

Այս թեմայով Հանրապետության հրապարակում ինքնաբուխ բողոքի ակցիա է (տեսանյութ) Մենք հեղափոխություն չենք անում, վարչապետ չենք փոխում, բայց թուրքին մի բերեք մեր տան մեջ. ակցիա Ժողովուրդ, հելեք ոտի, կործանման են տանում, ես արդեն տուն եմ կորցրել, փողով չեն խաբի ոչ մեկիս. ակցիա Մեր բանակն լավ էլ կռվել ա, նիկոլականներն եկել, ասել են` էդ իրանց հողն ա, պետք ա հետ նահանջենք. ակցիա (տեսանյութ) «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ) Երևանում և Նոյեմբերյանում բողոքի ակցիայի 29 մասնակից է բերման ենթարկվել Բերման են ենթարկվել Գարեգին Չուգասզյանը, Վոլոդյա Ավետիսյանը. ընդհանուր՝ բողոքի ակցիայի 96 մասնակից Իսակովի պողոտայից ակցիայի մասնակից 12 անձ է բերման ենթարկվել (տեսանյութ) Վաղը Կառավարության շենքի դիմաց նախատեսվում է բողոքի ակցիա․ Արսեն Նիկողոսյան Ընդդիմադիր պատգամավորներն այցելել են Կիրանցում ակցիա իրականացնողներին (տեսանյութ)