Եթե ճիշտ աշխատենք, ՄԻԵԴ որոշումը կարող է օգնել վերադարձնել հայ գերիներին. Զոհրաբյան

ԱԺ պատգամավոր Նաիրա Զոհրաբյանը ֆեյսբուքյան էջում «Եվրոպական դատարանի շատ կարևոր վճիռը» խորագրով հետևյալ գրառումն է արել.

«Ադրբեջանի ծանր հանցագործությունների դատարանն այսօր 6 տարի ազատազրկման դատապարտեց 13 հայ ռազմագերու։

Նախօրեին ևս 17 ռազմագերի դատապարտվեց 6 տարի ազատազրկման։ Նրանք բոլորն իրենց պատիժը կրելու են խիստ ռեժիմի գաղութում։

Սա վատ լուրն էր։

Սակայն Եվրոպական դատարանի հուլիսի 22-ին կայացրած որոշումը, եթե ճիշտ և գրագետ աշխատենք, կարող է որպես նախադեպ օգնել պաշտպանելու և վերադարձնելու հայ ռազմագերիներին։

Եվ այսպես, Ադրբեջանը 30 հազար եվրո պիտի վճարի Արթուր Բադալյանին, ով երկու տարի անցկացրել է ադրբեջանական գերության մեջ՝ ենթարկվելով խոշտանգումների։

Ըստ Եվրոպական դատարանի վճռի՝ Ադրբեջանը 2009-2011 թթ. խոշտանգել և ապօրինի ազատությունից զրկել է Արթուր Բադալյանին, ով մոլորվել էր և հայտնվել Ադրբեջանի տարածքում:

Եվրոպական դատարանը Ադրբեջանին պարտավորեցրել է Բադալյանին վճարել 30.000 եվրո` որպես ոչ նյութական վնասի հատուցում։

Փաստ է, որ մեր տղաները խոշտանգումների և ստորացումների են ենթարկվում ադրբեջանական բանտերում, եթե անգամ շատերը այդ մասին հրապարակավ չեն խոսում։

Եվ քանի դեռ պարզ չէ, թե ո՞րն է Հայաստանում այն կառույցը, կամ այն պաշտոնյան, կամ պաշտոնյաները, կամ այն ընդդիմադիրները, ում ծնողները կարող են դիմել գերության մեջ հայտնված իրենց որդիների համար, էն քիչ գործիչներս, որ ամեն օր զբաղվում ենք ռազմագերիների և անհետ կորածների խնդրով, պիտի փորձենք ու պիտի կարողանանք Եվրոպական դատարանի այս որոշման հիման վրա մեր ճնշումը մեծացնել և հասնել Բաքվում պահվող և խոշտանգումների ենթարկվող բոլոր ռազմագերիների վերադարձին»։

Այս թեմայով «Լաչինի միջանցքում արդեն տեղադրված անցակետում հատ-հատ «ռենգեն» են անում դեպի Արցախ գնացող հայկական մեքենաները» (տեսանյութ) Ադրբեջանը Սյունիքն ու Վայոց Ձորն ամբողջությամբ, Գեղարքունիքն էլ մասնակի՝ համարում է իր տարածքը «Սա Գերմանիայում Ադրբեջանի դեսպանն է։ Ցիտում է Նիկոլի երեկ երկնած միտքը»․ Նաիրա Զոհրաբյան ՔՊ-ն հաջորդ ընտրություններում Սիսիանում կառաջադրի Ալիևին. վստահ եմ՝ առավելագույն ձայներ կհավաքի. Նաիրա Զոհրաբյան Նաիրա Զոհրաբյանը նամակ է հղել Օնիկ Գասպարյանին 40 աստիճան շոգին և օդորակիչներ չունեցող դասասենյակներում աշակերտներին պահելը խոշտանգում է Զարհուրելի դրվագ պիտի պատմեմ. Նաիրա Զոհրաբյան Փարիզում՝ Ադրբեջանի հյուպատոսության ցուցանակին, փակցվել է Արցախի դրոշը․ դիմել են ոստիկանություն Նաիրա Զոհրաբյանը նոր կադրեր է հրապարակել ոստիկանների և ցուցարարների բախումներից Հայկական մեքենաները շաբաթներով միտումնավոր պահվում են Լարսում. Զոհրաբյան