Անահիտ Ավանեսյանը ԱՀԿ տարածաշրջանային գրասենյակի տնօրենի հետ խոսել է պատվաստումների մասին

Աթենքում ընթացող բնակչության հոգեկան առողջության և ծառայությունների մատուցման համակարգերի վրա COVID-19 համավարակի ազդեցության հարցերով գագաթնաժողովի շրջանակներում առողջապահության նախարարի պաշտոնակատար Անահիտ Ավանեսյանը հանդիպել է մասնակից երկրների առողջապահական գերատեսչությունների ղեկավարների հետ, քննարկել ոլորտային գործակցությանն առնչվող ուղղությունները: Այս մասին հայտնում են Առողջապահության նախարարությունից։

Առողջապահության համաշխարհային կազմակերպության (ԱՀԿ) տարածաշրջանային գրասենյակի տնօրեն Հանս Կլյուգեի հետ հանդիպման ընթացքում կողմերն անդրադարձել են գործակցության ցանկալի և առաջնահերթ խնդիրներին, մասնավորապես՝ առողջության ապահովագրության համակարգի ներդրմանը, առողջության առաջնային պահպանման օղակի (պոլիկլինիկական ծառայության) գործունեությանը:

Հանդիպման առանցքում COVID-19 համավարակով պայմանավորված՝ Հայաստանում իրականացվող պատվաստումային գործընթացն էր, պատվաստանյութերի ձեռքբերման հնարավոր տարբերակներին առնչվող հարցերը, այդ թվում հումանիտար օգնության ճանապարհով:

Ներկայացնելով Հայաստանում տարվող պատվաստումային գործընթացը՝ պատվաստանյութերի՝ մարդասիրական օգնության շրջանակում լրացուցիչ խմբաքանակներ ստանալու, ինչպես նաև գնման եղանակով ձեռքբերելու անհրաժեշտությունը, Անահիտ Ավանեսյանն ընդգծել է պատվաստանյութերի ինչպես հնարավոր բազմազանության ապահովման, այնպես էլ դրանց ժամանակին մատակարարման կարևորությունը:

Նա անդրադարձել է նաև փոխատվության սկզբունքով պատվաստանյութերի տրամադրմանը, որի դեպքում մի երկիրը մյուսին կարող է ժամանակավոր տրամադրել պատվաստանյութ՝ նախատեսված ժամկետում վերադարձնելու պայմանով, այդ կերպ երկրների միջև ապահովելով պատվաստանյութերի ակտիվ շրջանառություն, միաժամանակ լուծելով մի երկրում պատվաստանյութերի ավելցուկի, իսկ մյուսում՝ բացակայության խնդիրը:

Հանս Կլյուգեն գոհունակություն է հայտնել Հայաստանի առողջապահության ոլորտում իրականացվող բարեփոխումների առնչությամբ՝ առանձնակի կարևորելով շոշափելի ձեռքբերումներն ու կյանքի կոչված ծրագրերի արդյունավետ իրականացումը: Նա վստահություն է հայտնել, որ Հայաստանի հետ ԱՀԿ-ի աշխատանքներն այսուհետև առավել ինտենսիվ բնույթ կկրեն՝ այդ համատեքստում մտադրվելով ավելացնել Հայաստանին տրամադրվելիք նվիրատվության ծավալները:

Այս թեմայով «Պացիենտները էլեկտրոնային ձևով կտեսնեն, թե իրենց բուժման համար պետությունն ինչքան գումար է փոխանցել» (տեսանյութ) ԱԺ-ում քննարկվում է առողջապահության նախարարության բյուջեի նախագիծը (տեսանյութ) Հայաստանում տուբերկուլոզի, ՄԻԱՎ/ՁԻԱՀ-ի դեմ պայքարում առաջընթաց կա. ՀՀ ԱՆ Գլխուղեղի սուր իշեմիկ կաթվածների ծրագիրը բարեհաջող է ընթանում․ նախարար Ավանեսյանը կարևորում է տեղահանված և իրենց բնականոն կյանքից զրկված քաղաքացիներին բժշկական աջակցության տրամադրումը Ավանեսյանը դեղ արտադրող, ներմուծողների հետ քննարկել է ԵԱՏՄ շուկայում դեղերի արտադրության հարցը Անահիտ Ավանեսյանն արձակուրդ կմեկնի Գերդիմելիություն ենք ունեցել նախորդ տարի, դրա համար պետպատվերի շրջանում շատ միջոցներ են ծախսվել Հաջորդը շոկոլա՞դն են արգելելու ուտել. ԱՆ-ի նոր նախագիծը զայրացրել է քաղաքացիներին «Հրապարակ». Անահիտ Ավանեսյանի ընկերուհին՝ առողջապահության փոխնախարա՞ր