Թույլ չենք տալու քաղաքացիների ճանապարհին թակարդներ դնել և նրանց փողը ձեռքներից տանել. Փաշինյանը՝ խաղատների մասին

Վարչապետի պաշտոնակատար Նիկոլ Փաշինյանն անդրադարձավ խաղատների գործունեությանը և խաղատնային բիզնեսին: «Արմենպրես»-ի փոխանցմամբ՝ կառավարության նիստի ընթացքում Փաշինյանն ընդգծեց, որ չեն կարող և չեն էլ ուզում որևէ մեկին արգելել խաղատուն գնալ, բայց ուզում են նրանց ճանապարհին որոշակի արգելակներ դնել: «Սա մեր քաղաքականությունն է ՝ ձևավորված քաղաքացիների պահանջարկի հիման վրա»,- «Արմենպրես»-ի փոխանցմամբ՝ ասաց Փաշինյանը:

Նրա խոսքով՝ սա ճիշտ մոտեցում է, որովհետև կան մարդիկ, որոնք ունեն պատշաճ միջոցներ այդպիսի ժամանց իրենց թույլ տալու: «Բայց ես հիշում եմ Կապան կատարած իմ այցելությունը, երբ մարդիկ, հիմնականում կանայք, ինձ ասում էին, որ հենց բակերում այդ գրասենյակները դրած են, և ամուսինները, աշխատավարձ ստանալիս, հենց շքամուտքի դիմաց աշխատավարձի հաստատուն մի մասը թողնում են այդ գրասենյակներում: Մենք թույլ չենք տալու քաղաքացիների ճանապարհին թակարդներ դնել եւ նրանց փողը կոպեկ-կոպեկ ձեռքներից տանել: Մեր գործողությունների նպատակը ոչ միայն քաղաքացիներին պաշտպանելն է, այլ նաև խաղատնային բիզնեսի իմիջը բարելավելը։ Դա պետք է ոչ թե որոգայթ լինի մարդկանց համար, այլ՝ ժամանցի, սպասարկման ոլորտ, որը լինելու իրավունք ունի»,- ասաց Նիկոլ Փաշինյանը:

Նա նշեց, որ կան որոշակի տարբերություններ  ներդրումների պարագայում խաղատների գործունեությունը թույլատրելու, իսկ բուքմեյքերական ընկերությունների գործունեությունը մերժելուև միջև։ «Օրինակ, երկու ներդրող ունեն հավակնություն 80 մլն դրամ և ավել ներդրում կատարելու և Երևան քաղաքում ունենալու  խաղատների թույլտվություն։ Այստեղ կարող է հարց ծագել՝ ինչո՞ւ բուքմեյքերական ընկերություններին թույլ չենք տալիս, բայց կոնկրետ ներդրման պարագայում թույլ ենք տալիս։ Դա ունի կոնկրետ պատճառ. այդ խաղատները, օրինակ,  պետք է լինեն հյուրանոցների վերնահարկում և փողոցից առանձին մուտք չպետք է ունենան։ Այս պայմանները պետք է ամրագրենք կոնկրետ կանոններով։ Ուրիշ բան է, երբ դա փողոցում գտնվող բուքմեյքերական գրասենյակ է, մեկ այլ բան է, երբ այն հինգաստղանի հյուրանոցի վերնահարկում գտնվող խաղատուն է»,- նշեց Նիկոլ Փաշինյանը։

Վերջինիս խոսքով՝ Երևանի կենտրոնում գտնվող խաղատունը ոչ թե պետք է որոգայթ լինի քաղաքացիների համար, այլ մի տեղ, որտեղ գնում են «գիտակցված փող ծախսելու»:

Այս թեմայով Թբիլիսիում վերսկսվել են «Օտարերկրյա գործակալների մասին» օրենքի դեմ ցույցերը (տեսանյութ) Հետաքրքրվել եմ, մրցավարների մասով խնդիր չկար, թափանցիկ էր. Փաշինյան (տեսանյութ) Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը «Դավայ հլը, ինձ մի նկարի». լարված վիճակ՝ Վայք-Եղեգնաձոր ճանապարհին (տեսանյութ) Մենք 4 գյուղը չենք տալիս Ադրբեջանին, մենք 4 գյուղը վերցնում ենք Ադրբեջանից․ Փաշինյան Կիրանցիները թույլ չեն տվել սակրավորներին առաջ գնալ ՈւՂԻՂ. Նիկոլ Փաշինյանը Գավառում է. հանդես է գալիս դասախոսությամբ «Այսօր Նիկոլ Փաշինյանը կգնա Գավառ. արժանապատիվ քաղաքացիներ դուք գիտեք ինչ անել. սատանաները պետք է հանգիստ չունենան ոչ մի տեղ» Քաշքշուկ Հրազդանում ճանապարհ փակած քաղաքացիների և ոստիկանների միջև (տեսանյութ) Տանը խելոք չենք նստելու ու մորթվենք, զենքերը վայր դնել պետք չէ, պայքար է պետք. բողոքի ակցիա (տեսանյութ)