Ռոմելու Լուկակուն «Ինտերից» տեղափոխվում է «Չելսի»

Բելգիայի հավաքականի հարձակվող Ռոմելու Լուկակուն, ով խաղում էր Միլանի «Ինտերում», տեղափոխվում է Լոնդոնի «Չելսի», հայտնում է անգլիական ֆուտբոլային ակումբի կայքը:

Ըստ մամուլի հրապարակումների՝ 28-ամյա հարձակվողի տրանսֆերային գումարը կազմել է 115 միլիոն եվրո: Լուկակուն «Չելսիի» հետ կնքել է 5 տարվա պայմանագիր:

«Ուրախ եմ վերադառնալ այս հիանալի ակումբ: Ինձ համար երկար ճանապարհ էր: Ես եկել եմ այստեղ՝ որպես երեխա, որը շատ բան ուներ սովորելու, և այժմ վերադառնում եմ ավելի մեծ փորձով և ավելի հասուն: Ինչպես գիտեք, իմ՝ այս ակումբի հետ հարաբերությունները շատ բան են նշանակում ինձ համար։ Ես սատարում էի «Չելսիին», և այժմ վերադառնալ այստեղ և փորձել օգնել թիմին՝ ավելի շատ տիտղոսներ նվաճելու, զարմանալի զգացում է», - ասել է ֆուտբոլիստը:

Լուկակուն «Ինտեր» է տեղափոխվել անգլիական «Մանչեսթեր Յունայթեդից»՝ 2019 թվականի օգոստոսին՝ 74 միլիոն եվրոյի դիմաց: Նախորդ մրցաշրջանում միլանյան ակումբի կազմում նա դարձավ Իտալիայի չեմպիոն՝ 44 խաղում խփելով 30 գոլ: Լուկակուն այս ամառ Բելգիայի ընտրանու հետ դուրս եկավ ՈւԵՖԱ ԵՎՐՈ 2020-ի քառորդ եզրափակիչ՝ հինգ խաղում դառնալով չորս գոլի հեղինակ:

 Լուկակուն արդեն «Չելսիի» ֆուտբոլիստ էր 2011 -2014 թվականներին, բայց ժամանակի մեծ մասն անցկացրել էր վարձավճարով:

Այս թեմայով «Ինտեր»-ը ոչ-ոքի է ավարտել հանդիպումը «Կալյարի»-ի հետ. Մխիթարյանը մասնակցել է խաղին «Ինտեր»-ը հաղթել է «Ուդինեզե»-ին. Մխիթարյանը մասնակցել է խաղին Հայտնի է՝ որքան է վաստակում Մեսսին Ինտեր Մայամիում «Ինտեր»-ը ոչ-ոքի է ավարտել հանդիպումը «Նապոլի»-ի հետ. Մխիթարյանը մասնակցել է խաղին «Ինտեր»-ը դուրս մնաց ՉԼ-ից. «Ատլետիկո»-ն և «Բորուսիա»-ն ՉԼ հաջորդ փուլում են Միլանի «Ինտեր»-ը 4-րդ անընդմեջ հաղթանակն է տոնել «Սերիա Ա»-ում ՉԼ. «Ինտեր»-ը հաղթել է «Ատլետիկո»-ին Ռեդոնդոյի որդին կարիերան կշարունակի Ինտեր Մայամիում «Ինտեր»-ը նվազագույն հաշվով հաղթել է «Յուվենտուս»-ին. Մխիթարյանը մասնակցել է խաղին «Ինտեր»-ի մարզիչ Սիմոնե Ինձագին ճանաչվել է Սերիա Ա-ի հունվար ամսվա լավագույն մասնագետ