Նորաշենի բնակիչը դանակով հարվածել է համագյուղացու ձեռքին, այնուհետև բենզինը լցրել է վրան ու այրել. նա ձերբակալվել է

Նորաշենի բնակիչը ձերբակալվել է՝ համագյուղացու նկատմամբ սպանության փորձ կատարելու կասկածանքով: Այս մասին  հայտնում են ՀՀ Քննչական  կոմիտեից:

«2021թ. օգոստոսի 29-ին՝ ժամը 12.15-ին, «Արտաշատ ԲԿ» ՓԲԸ-ից հաղորդում է ստացվել այն մասին, որ մարմնի 1-3-րդ աստիճանի այրվածք (30-ից 40 տոկոս), ձախ արմնկային շրջանի պատռած վերք ախտորոշմամբ իրենց մոտ բուժօգնության է ընդունվել 61-ամյա տղամարդ, ով հայտարարել է, որ ընկել է իրենց տան թոնրի մեջ:

Նյութերի նախապատրաստման ընթացքում ձեռնարկված միջոցառումների արդյունքում պարզվել են տղամարդու՝ նշված վնասվածքներն ստանալու իրական հանգամանքները, դեպքի վայրը։ 

Նախնական տվյալներով՝ նշված օրը՝ ժամը 11.30-ի սահմաններում, Արարատի մարզի Նորաշեն -Քաղցրաշեն գյուղամիջյան ճանապարհին, կենցաղային հարցերի շուրջ վիճաբանություն է տեղի ունեցել է Նորաշեն գյուղի 61-ամյա բնակչի և համագյուղացու միջև, որի ընթացքում վերջինս դանակով հարվածել է նրա ձախ ձեռքին, այնուհետև բենզինը լցրել է վրան ու այրել, սակայն հանցագործությունն ավարտին չի կարողացել հասցնել, քանի որ տուժողը հասցրել է հեռանալ դեպքի վայրից, որից հետո տեղափոխվել է հիվանդանոց և բուժօգնություն ստացել։

Դեպքի առթիվ ՀՀ ոստիկանության Արտաշատի բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 1-ին մասով, որը նախաքննություն կատարելու համար ուղարկվել է ՀՀ քննչական կոմիտեի Արարատի մարզային քննչական վարչություն և ընդունվել վարույթ:
Նախաքննության ընթացքում կատարվել են անհրաժեշտ քննչական և դատավարական այլ գործողություններ՝ դեպքի վայրի զննություն, քրեական գործով էական նշանակություն ունեցող հանգամանքներ պարզելու համար նշանակվել են փորձաքննություններ։

Նույն օրը՝ դեպքից ժամեր անց, 61-ամյա տղամարդու համագյուղացին ինքնակամ ներկայացել է իրավապահներին և խոստովանել, որ վիճաբանության ժամանակ բենզինը համագյուղացու վրա լցրել ու հրկիզել է ինքը:

Վերջինս ձերբակալվել է՝ սպանության փորձ կատարելու կասկածանքով:

Նախաքննությունը շարունակվում է: Ձեռնարկվում են միջոցառումներ՝ դեպքի բոլոր հանգամանքները պարզելու, օբյեկտիվ և բազմակողմանի քննություն ապահովելու ուղղությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով»:

Այս թեմայով «Մորս է նեղացրել». դանակահարություն՝ Արթիկում. 17-ամյա բնակչի մոտ հայնաբերվել է մի քանի դանակ, որից մեկը՝ արյունոտ «Ժողովուրդ». Մի դեպքում դատավորները դասի են, մյուս դեպքում բենզին չկա․ իրավիճակը դատարաններում Տղամարդը դանակի բռնակով հարվածներ է հասցրել կնոջ գլխին, իսկ նախին կնոջը սպառնացել՝ սպանել Ինֆորմատիկայի քոլեջի ուսանողի սպանության գործով կասկածյալի ձերբակալության կադրերը (տեսանյութ) Երևանի պարեկների ծառայության երեք դրվագ. հայտնաբերվել են թմրանյութ և սառը զենքեր 33-ամյա երիտասարդի մեքենայում հայտնաբերվել են ատրճանակ, ինքնաձիգներ, ռազմամթերք, դանակ Սուպերմարկետի պահարանում լիցքավորված ատրճանակ և ծալովի դանակ թողած երիտասարդը կալանավորվել է Ռուսաստանը վերացրել է բենզինի արտահանման արգելքը «Ժողովուրդ». ՔՊ պաշտոնյաներ Ռուբինյանն ու Արշակյանը սահմանաչափից շատ բենզին են օգտագործում՝ առանց հիմնավորման «Ժողովուրդ». ԱԺ-ում սահմանաչափից շատ բենզին են ծախսում եւ չեն բացատրում՝ ինչու