Ինֆորմատիկայի քոլեջի ուսանողի սպանության գործով կասկածյալի ձերբակալության կադրերը (տեսանյութ)

Մարտի 12-ին, ժամը 12.15-ին, ՆԳՆ ոստիկանության Արաբկիրի բաժին «Ուիգմոր քլինիկ» բժշկական կենտրոնից հաղորդում էր ստացվել, որ շտապօգնության խումբը Երևանի Մամիկոնյանց փողոցից բուժօգնության է տեղափոխել դանակահարված, 17-ամյա Ռաֆիկ Հ.-ին: Կյանքի հետ անհամատեղելի վնասվածք ստանալու հետևանքով նա հիվանդանոցում մահացել էր:

Նախաձեռնվել էր քրեական քրեական վարույթ:

Ոստիկանության Արաբկիրի բաժնի քրեական հետախույզների և Արաբկիրի քննչական բաժնի ծառայողների համատեղ ձեռնարկած օպերատիվ-հետախուզական միջոցառումների և քննչական գործողությունների շնորհիվ պարզվել է, որ Ռաֆիկ Հ.-ն օրեր առաջ վիճաբանության մեջ է եղել Երևանի բնակիչ 21-ամյա երիտասարդի հետ: Վերջինս վեց ընկերների հետ, նախնական համաձայնությամբ, մարտի 12-ին պարզաբանումների են գնացել Մամիկոնյանց փողոցի քոլեջի մոտ, որտեղ սովորում էր 17-ամյա պատանին: Ծեծկռտուք էր սկսվել: Ռաֆիկ Հ.-ն փորձել էր փախչել, սակայն 21-ամյա երիտասարդի կողմից դանակահարվել ու ընկել էր գետնին, ինչից հետո սկսել էին նրան հարվածել ոտքերով, ձեռքերով ու մահակով, ապա նշված վայրում գտնվող քաղաքացիների միջամտությունից հետո դեպքի վայրից դիմել էին փախուստի:

Արաբկիրի բաժնի քրեական հետախույզները իրացնելով ստացված օպերատիվ տվյալները՝ ՔՈԳՎ, Երևան քաղաքի վարչության և Սիսիանի բաժնի քրեական հետախույզների հետ համատեղ ձեռնարկած օպերատիվ-հետախուզական միջոցառումների արդյունքում մարտի 13-ի ժամը 12-ի սահմաններում Սիսիան քաղաքում հայտնաբերել, ձերբակալել և վարույթն իրականացնող մարմին են ներկայացրել 21-ամյա երիտասարդին ու 22 և 21 տարեկան երկու հանցակից ընկերներին:

Ձեռնարկվում են միջոցառումներ՝ մյուս մասնակիցներին հայտնաբերելու և քննության ներկայացնելու ուղղությամբ:

Քրեական վարույթը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այս թեմայով Սոչիում ձերբակալել են բլոգերի, ով կասկածվում է երեխային խոշտանգելու մեջ ՀՅԴ-ական Գերասիմ Վարդանյանը ձերբակալվել է. նրան մեղադրանք է առաջադրվել 36-ամյա տղամարդու սպանության կասկածանքով ձերբակալվել են մահացածի ընկերուհին, վերջինիս մայրը, եղբայրը. գտել են 6 դանակ Բժիշկը տաքարյուն էր, թմրամոլների հետ կարող էր բարձր ձայնով խոսել, շուտ բռնկվող էր. Գյումրիում բժիշկներ են ձերբակալվել Դալար գյուղի 20-ամյա բնակիչը սպանել է համագյուղացուն. նա ձերբակալվել է. ՔԿ Հայտնաբերվել է անձը, ով սոցցանցում առաջարկել էր 10 000 դոլարի դիմաց վնասել քաղաքապետարանի պաշտոնյային 25-ամյա երիտասարդը ինքնաձիգից կրակոցներ է արձակել, դանակահարել 20-ամյա երիտասարդին. նա ձերբակալվել է. ՔԿ Նորաշենի բնակիչը դանակով հարվածել է համագյուղացու ձեռքին, այնուհետև բենզինը լցրել է վրան ու այրել. նա ձերբակալվել է Մոսկվայում շինարարների միջև զանգվածային ծեծկռտուքի արդյունքում՝ Հայաստանի 2 քաղաքացի է ձերբակալվել Եվս 1 անձ է ձերբակալվել ընտրակաշառք առաջարկելու կասկածանքով․ ՀՔԾ