Բարձրաստիճան պաշտոնյաներից ՊՇՌ թեստ կամ պատվաստման հավաստագիր չի պահանջվի

Արդարադատության նախարարությունը «Հանրային ծառայության մասին» ՀՀ օրենքում փոփոխություն և լրացումներ կատարելու մասին նախագիծ է մշակել, որով սահմանվում են հանրային պաշտոն զբաղեցնող անձին կամ հանրային ծառայողին աշխատանքի չթույլատրելու և լիազորությունների դադարեցման կամ զբաղեցրած պաշտոնից ազատելու հատուկ հիմքերը։ Նախագծով սահմանվում են բացառություններ բարձրաստիճան պաշտոնյաների համար։

Որպես աշխատանքի չթույլատրման հիմք սահմանվում է հանրային ծառայողների պարտականությունը՝ ներկայացնելու սանիտարահամաճարակային անվտանգության կանոններով սահմանված` աշխատանքի (ծառայության) ներկայանալու անհրաժեշտ պայման հանդիսացող փաստաթղթերը։

Աշխատողն ինքը կարող է ընտրել կանխարգելման այն միջոցը, որը անհրաժեշտ կլինի իր աշխատանքի ներկայանալու համար՝ հետազոտության արդյունքը հավաստող փաստաթուղթ կամ իր ցանկության դեպքում՝ պատվաստման սերտիֆիկատ, իսկ հակացուցումների դեպքում՝ բժշկական տեղեկանքը:

Մի շարք հանրային պաշտոնների դեպքում սահմանվել է այս կարգավորումների կիրառումից բացառություն․ ՀՀ նախագահի, Ազգային ժողովի պատգամավորի, վարչապետի, համայնքի ղեկավարի և համայնքի ավագանու անդամի, Մարդու իրավունքների պաշտպանի, Սահմանադրական դատարանի դատավորի, անկախ պետական մարմնի անդամի, ինքնավար մարմնի անդամի, Վիճակագրության պետական խորհրդի անդամի, վճռաբեկ, վերաքննիչ և առաջին ատյանի դատարանի դատավորի, գլխավոր դատախազի պաշտոնների համար։

Բացառությունը սահմանվել է այն հիմնավորմամբ, որ այդ ցանկում ներառվեն այն անձինք, որոնց պաշտոնը կամ ընտրովի պաշտոն է կամ վերջիններս նշանակվում են սահմանադրական գործընթացների արդյունքում կամ նրանք, ելնելով իրենց կարգավիճակից և զբաղեցրած պաշտոնի առանձնահատկություններից, ըստ էության, չունեն վերադաս մարմին կամ պաշտոնատար անձ, որը միաժամանակ վերջիններիս նշանակում կամ ազատում է պաշտոնից:

Իրավական ակտի ընդունման անհրաժեշտությունը հիմնավորվում է կորոնավիրուսային հիվանդությամբ ստեղծված արտակարգ իրավիճակով:

Այս թեմայով Ալիևն ընդունել է բարձրաստիճան ռուս պաշտոնյաների Բագրատ Սրբազանի դեմ ամոթալի արշավն ուղղորդում են բարձրաստիճան պաշտոնյաներ. Թաթոյան Խնդիրը ԵՄ-ի կամ ԱՄՆ բարձրաստիճան պաշտոնյաները չեն, այլ այն, որ ՀՀ-ն ներկայացնում է մի անձ, ով այն վերածել է գեոպոլիտիկ սուբյեկտների պայքարի էպիկենտրոնի․ Տիգրան Աբրահամյան «Ժողովուրդ». Կոռուպցիոն բացահայտում. Արցախից 467 մլն դոլար մսխվել է օվշորներում. Վարդան Սրմաքեշ, պաշտոնյաներ եւ այլոք Խուլիգանության դեպք՝ Երևանում․ մասնակիցների մեջ են քաղաքապետարանի բարձրաստիճան պաշտոնյաներ Փաշինյանն անդրադարձավ Ադրբեջանում պահվող ԼՂ բարձրաստիճան քաղաքական ու զինվորական ղեկավարությանն ազատելու հարցին ՈՒՂԻՂ. Գևորգ Վարդանյանի կիսանդրու բացումը. ներկա են բարձրաստիճան պաշտոնյաներ Պորտուգալիայի նախագահն իր նստավայրում ընդունել է ՀՀ արդարադատության նախարարին և և ՀԻԵԿ անդամ բարձրաստիճան պաշտոնյաներին Աշոտյանի համար երաշխավորություն են ներկայացրել Կոլումբիայի նախկին նախագահը և մի շարք պաշտոնյաներ Մեզ պետք են ոչ թե հարցեր բարձրացնող, այլ դրանք լուծող պաշտոնյաներ․ Փաշինյան