Բանջարեղենի գներն աճել են մոտ 66 %-ով. կանխատեսում են գնաճի վրա արտաքին գործոնների պահպանում. Մարտին Գալստյան

Հայաստանում գնաճը պայմանավորված է առաջարկով և վերջին շրջանում նաև սեզոնային ապրանքների գնաճով, մասնավորապես՝ բանջարեղենի գները նախորդ տարվա համեմատ օգոստոսին աճել են մոտ 66 %-ով: Այս մասին, այսօր՝ սեպտեմբերի 14-ին, մամուլի ասուլիսի ժամանակ նշեց ԿԲ նախագահ Մարտին  Գալստյանը:

Նրա խոսքով՝ գնաճի վրա ազդում են նաև երկու կարևոր գործոններ, որոնցից մեկը պահանջարկն է, և 2021թ. տարվա սկզբին մասնավոր սպառումն ավելացել էր 5.9 %-ով, այն դեպքում, երբ համախառն ներքին միջոցների կուտակումը նվազել է 6 %-ով, հետևաբար՝ պահանջարկն առաջանցիկ է արտադրությունների կարողությունների նկատմամբ:

Մարտին Գալստյանը հայտնեց, որ կա նաև ներքին ծառայությունների գների աճ:

«Մենք նպատակադրված փորձում ենք հանրությանը տալ մեսիջ առ այն, որ 2022 թվականին մենք վերադառնալու ենք մեր գնաճի թիրախին, ուստի այս պահին գնաճային սպասումները խարսխելու նպատակ ենք հետապնդում»,- հայտարարեց ՀՀ գլխավոր դրամատան ղեկավարը:

Նա հայտարարեց, որ կանխատեսում են գնաճի վրա արտաքին գործոնների ազդեցության պահպանում:

Հարցին, թե Գորիս-Կապան ճանապարհի փակումն ինչքանով կազդի տնտեսության վրա՝ Մարտին Գալստյանը պատասխանեց. «Մենք դիտարկում ենք բազային սցենար և դրա շուրջ որոշակի այլընտրանքային սցենարներ: Բազային սցենարի մեջ որոշակի ռիսկեր կան հաշվարկված, բայց մենք կարծում ենք, որ այդ ռիսկերն էկան չեն տնտեսական պրոցեսի խաթարման և տնտեսական գործունեության վտանգման տեսանկյունից»:

Նրա խոսքով՝ ԿԲ-ում մշակվում են նաև ռիսկային սցենարներ, որոնք ներառում են նաև Գորիս- Կապան ճանապարհի փակման դեպքը, բայց բազային սցենարում նման իրավիճակ արտացոլված չէ:

Մարտին Գալստյանը նաև հայտնեց, որ ԿԲ-ն 2021թ. համար կանխատեսում է 5.4 % աճ:

Այս թեմայով Վարչապետը պետք է հասկանա` հերիք եղավ, բոլ եղավ, ինչքա՞ն կտոր-կտոր տանք. գեներալ-լեյտենանտ (տեսանյութ) Հուսով, հավատով, Վեհափառ Հոր օրհնությամբ․ Լիլիթ Գալստյան Մարտին ապրանքների բացթողումից հետո պակաս վճարված մաքսային վճարների ու տույժերի գումարը՝ 41․101 մլն դրամ է ՀՀ դրամն ԱՄՆ դոլարի նկատմամբ մարտին արժևորվել է 2.7 տոկոսով Մարտին 625 հարկ վճարողի մոտ արձանագրվել է ՀԴՄ կիրառման կանոնների խախտում․ ՊԵԿ Զարեհ Սինանյանն ընդունել է Մարտին Վասալի գլխավորած պատվիրակությանը Մարտին Վասալի գլխավորած պատվիրակությունն այցելել է Հայոց ցեղասպանության հուշահամալիր 2024 թ․ մարտին դեպի Հայաստան առավել շատ զբոսաշրջային այցելություններ գրանցվել են Ռուսաստանից, Վրաստանից և Իրանից Հերթական ապօրինի ու զոռբա գործընթացը՝ ԿԳՄՍՆ տիրույթում․ Լիլիթ Գալստյան «Մե՛րս, չնեղվես, կիջնեմ դիրքերից ու կգամ տուն...». Մարտին Ավետիսյանն անմահացել է 2022 թ. սեպտեմբերի 13-ին Շիկահողում․ «Փաստ»