«Բարսելոնան» Չեմպիոնների լիգայի ֆավորիտ չէ. Պիկե

Իսպանական «Բարսելոնա» ֆուտբոլային ակումբն այս մրցաշրջանում Չեմպիոնների լիգայի ֆավորիտներից չէ, հայտարարել է կատալոնացի պաշտպան Ջերար Պիկեն:

Չեմպիոնների լիգայի խմբային փուլի առաջին տուրում «Բարսելոնան» երեքշաբթի օրը սեփական հարկի տակ պարտվեց «Բավարիային» 0:3 հաշվով: Կատալոնական ակումբը ոչ մի հարված չի կատարել դարպասին:

«Մենք հիմա ֆավորիտների թվում չենք, բայց դա նորմալ է: Կար ժաանակ, որ մենք ֆավորիտ էինք: Անցյալ տարի ո՞վ էր «Չելսիին» ֆավորիտ համարում: Ֆուտբոլը շատ բան է փոխում: Նրանք (մրցակիցը) երկար տարիներ միասին են, նրանք փորձ ունեն, իսկ մենք այն ենք, ինչ կանք: Սա է իրականությունը: Ես չեմ ուզում արդարացումներ գտնել: Մենք Բարսան ենք,- Պիկեի խոսքերը մեջբերում է Marca-ն:

«Բարսելոնայի» գլխավոր մարզիչ Ռոնալդ Կումանը հայտարարել է, որ դժվար կլինի ընդունել «Բավարիայից» կրած պարտությունը, սակայն կատալոնական թիմի խաղը շուտով կփոխվի:

«Շատ դժվար է ընդունել, բայց սպասեք, մինչև իրավիճակը բարելավվի: «Բավարիայի» պես թիմի համար սպառնալիքներ ստեղծելու համար պետք է շատ լավը լինել: Պետք է խոստովանեմ, որ մյուս թիմն այժմ ավելի լավն է», - Կումանին մեջբերում է Marca-ն:

Այս թեմայով «Բարսելոնա»-ն և «Ատլետիկո»-ն հաղթել են ՉԼ քառորդ եզրափակչի առաջին խաղերում «Բարսելոնա»-ն մտադիր է ձեռք բերել Էրլինգ Հալանդին 2025 թվականին «Բարսելոնա»-ն և «Արսենալ»-ը Չեմպիոնների լիգայի քառորդ եզրափակչում են Բարսելոնա քաղաքում փետրվարի 26-ին մեկնարկել է «Համաշխարհային բջջային կոնգրես 2024» միջազգային ցուցահանդեսը Չավին կշարունակի աշխատանքը «Բարսելոնա»-ում առնվազն մինչև ընթացիկ մրցաշրջանի ավարտը ՉԼ. «Մանչեսթեր Սիթի»-ն, «Բարսելոնա»-ն հաղթեցին Չեմպիոնների լիգա. ՊՍԺ-ն պարտվել է, «Բարսելոնա»-ն` հաղթել Չավին դեմ է Նեյմարի՝ Բարսելոնա վերադառնալուն ՈւԵՖԱ-ն տուգանել է «Բարսելոնային» Մեսսին պատրաստ է անվճար խաղալ «Բարսայում». Cadena SER