Անօդաչու թռչող սարքը նկարահանել է Իսլանդիայում հրաբխի ժայթքումը և գրեթե հալվել (տեսանյութ)
ՏեսանյութերԱնօդաչու թռչող սարքը լուսանկարել և տեսանկարել է Իսլանդիայի Ֆագրադալսֆյադլ հրաբուխը հենց խառնարանից: Նկարահանումների ժամանակ դրոնը գրեթե հալվել է, հայտնում է MetroUK-ը:
Այս հրաբուխը արթնացել է 800 տարվա մեջ առաջին անգամ մարտին և դեռ ժայթքում է: Իսլանդիայի մայրաքաղաք Ռեյկյավիկից գտնվում է 25 մղոն հեռավորության վրա:
Հրատարակության տվյալներով՝ միլիոնավոր գալոն լավա է դուրս թափվել խառնարանից և հոսել 1,3 հազար ոտնաչափ ներքև:
56-ամյա լուսանկարիչ Լուկա Բրակալին, հասկանալով, որ հնարավորություն կունենա դիտելու ժայթքումը, մոտ վեց ժամ է անցկացրել Ֆագրադալսֆյադլի մոտ: Այդ ընթացքում թռչնի բարձրությունից տեսագրվել են ժայթքումները:
Լուսանկարիչը հրաբուխից մեկ կիլոմետր հեռավորության վրա էր, մինչդեռ շարունակում էր որսալ յուրահատուկ բնական երևույթը:
Ստացված պատկերներն ու տեսանյութերը խոշոր պլանով ցույց են տալիս հրաբխի ժայթքումը և լավան: Մի պահ սարքն այնքան ցածր է եղել, որ լավայի տաքությունից սկսել է այրվել:
Տաքությունն այնքան ուժգին էր, որ անօդաչու թռչող սարքը գրեթե դադարել է աշխատել:
Լուկան նշել է, որ Իսլանդիան իր ամենասիրելին է այն 145 երկրներից, որոնց այցելել է իր 35-ամյա կարիերայի ընթացքում: