Ախպորդ հարսանիքին քե՞ֆ էիր անում․ ես էլ իմ տղու հարսանիքն էի ուզում անեի. զոհվածի ծնողը` Նաիրի Սարգսյանին (տեսանյութ)

Զոհված զինծառայողների հարազատների հետ կառավարության դիմաց ստեղծված իրավիճակը քննարկում է վարչապետի օգնական Նաիրի Սարգսյանը:

Զոհվածների հարազատները պահանջում են չեղյալ հայտարարել սեպտեմբերի 21-ին Անկախության օրվան նվիրված համերգային միջոցառումը, որի անցկացման մասին օրեր առաջ վարչապետ Փաշինյանն էր հայտնել՝ նշելով, որ «գունագեղ տոնակատարություն է անցկացվելու»:

Ծնողներից մեկը Փաշինյանի օգնականին առաջարկեց չեղարկել կամ հետաձգել նախատեսված միջոցառումը, փոխարենը սեպտեմբերի 21-ին ցանկացողները թող մոմավառությամբ երթով գնան Եռաբլուր՝ հարգանքի տուրք մատուցելու պատերազմում նահատակված հերոսների հիշատակին:

Այլ հարազատներ էլ նշեցին, որ միջոցառման համար նախատեսված գումարներն ավելի նպատակահարմար կլիներ, որ կառավարությունն ուղղեր պատերազմում վիրավորված ու հաշմանդամ դարձած զինծառայողների, կամավորականների խնդիրները լուծելուն, մեկ ուրիշն էլ տարակուսեց՝ ինչու՞ ենք մեծամասշտաբ միջոցառում կազմակերպում՝ հսկայական քանակությամբ մարդկանց հավաքելով Հանրապետության հրապարակում, եթե կորոնավիրուսային իրավիճակը վատթարացել է:

Նաիրի Սարգսյանն ասել է, որ հրավառություն տեղի չի ունենալու, իսկ միջոցառման ժամանակ ցուցադրվելու եւ հիշեցվելու են ՀՀ պատմության 30 տարվա հիշարժան դեպքերն ու իրադարձությունները՝ բեմականացված կերպով:

Նաիրի Սարգսյանի խոսքով՝ միջոցառումը Անկախության տոնին է նվիրված, որը պարտադիր պետք է նշվի, բայց այս տարին հոբելյանական է՝ 30-ամյակը, այդ պատճառով որոշվել է ըստ արժանվույն նշել՝ հարգելով զոհերի հիշատակը: Հարազատներն էլ հակադարձում են՝ մի՞թե  չեն կարող հետաձգել միջոցառումներն ու գոնե սպասեն, որ զոհված տղաների մահվան մեկ տարին լրանա եւ որեւէ միջոցառում անցկացվի գոնե նոյեմբերի 10-ից հետո: Սարգսյանն էլ նկատեց՝ պատերազմում ընկած զինծառայողները տարբեր ժամանակահատվածներում են զոհվել, ուստի սխալ կլինի կոնկրետ օր ամրագրել այդ սկզբունքով՝ այս տարի էլ են զինծառայողներ զոհվել:

Վարչապետի օգնականը կառավարության շենքի դիմաց իրենց բողոքն արտահայտող հարազատներին առաջարկում է գնալ կառավարություն եւ քննարկել հարցը, բայց հավաքվածները տարբեր կարծիքներ ունեն՝ ոմանք կողմ են լսելու կառավարության առաջարկությունները, ոմանք՝ կտրականապես մերժում են կառավարություն մտնել ու որեւէ քննարկման մասնակցել:

«Ախպորդ հարսանիքին քե՞ֆ էիր անում․ ես էլ իմ տղու հարսանիքն էի ուզում անեի»,- վրդովված ասաց զոհվածի ծնողը` դիմելով Նաիրի Սարգսյանին:

Տեսանյութը` 24News.am-ի

Այս թեմայով «Փաստ». «Վեկտորի փոփոխության դեպքում լուրջ տնտեսական խնդիրներ կարող ենք ունենալ» «Շնորհակալ եմ Նիկոլ Փաշինյանին, ինձ այս բարձր պաշտոնը վստահելու համար». Նաիրի Սարգսյան «Հրապարակ». «Շիշ բռնողի» եղբայրը՝ «շիշ շպրտող» Դուք իմ հորը սպանել եք... զոհված զինծառայողի դստեր նյարդերը տեղի տվեցին (տեսանյութ) «Փաստ». «Պետությունն ուղղակի կանգնելու է սնանկության փաստի առջև» «Փաստ». Փոխարժեքի շուկա. կա՞ արդյոք անտեսանելի ձեռք ու արհեստական բաղադրիչ Նիկոլ Փաշինյանը և իր օգնականը տարբեր թվեր են հրապարակել անհետ կորած զինվորների վերաբերյալ Ոստիկանությունն ամուր կանգնած է իր ժողովրդի կողքին. Նաիրի Սարգսյան Ոստիկանապետը Հայկ և Նաիրի Սարգսյաններին քրեականի օպերներ չի տրամադրել. եղբայրները դժգոհ են. ArmLur.am Հարություն Բանոյանը երեկ իր ընկերների հետ թաղվեց Եռաբլուրում․ Նաիրի Սարգսյան