«Փաստ». «Վեկտորի փոփոխության դեպքում լուրջ տնտեսական խնդիրներ կարող ենք ունենալ»

«Փաստ» օրաթերթը գրում է. «Աշխարհն այսօր վերադասավորումների փուլում է, և, ըստ այդմ, Հայաստանի առջև նորանոր մարտահրավերներ են ի հայտ գալիս: Ընդ որում, խոսքը ոչ միայն անվտանգային, այլև տնտեսական մարտահրավերների մասին է, չնայած դրանք, ըստ էության փոխկապակցված են: Աուդիտորների պալատի նախագահ Նաիրի Սարգսյանը նշեց, որ այսօր, ընդհանուր առմամբ, մի շարք մարտահրավերների առջև ենք կանգնած, որոնց մի մասն ակնհայտ է, մի մասը՝ բարդ կանխատեսելի: «Այո, աշխարհում վերադասավորումներ են տեղի ունենում, և այդ վերադասավորումների ֆոնին շատ դժվար է կանխատեսել, թե կոնկրետ որ ուղղությունից ինչ մարտահրավեր կարող է ծառանալ ՀՀ-ի առջև:

Բայց ակնհայտ է, որ ունենք անվտանգային խնդիր՝ կապված Ադրբեջանի՝ ոչ մի կերպ չզսպվող ու անընդհատ աճող պահանջների հետ: Մեր երկրից որևէ կերպ դրան համարժեք հակադարձում չկա: Այս ֆոնին գումարենք համաշխարհային էներգետիկ, պարենային ճգնաժամերը: Հաշվի առնենք նաև վերջին իրադարձությունները, որոնք ցույց են տալիս, որ ՀՀ իշխանությունները գուցե որոշեն արտաքին վեկտորների փոփոխություններ իրականացնել:

Այս առումով մի քանի սցենար կարող է լինել: Եթե վեկտորի փոփոխություն է լինում, ու մենք ՌԴ-ի ազդեցության գոտուց դուրս ենք գալիս, շատ լուրջ տնտեսական խնդիրներ կարող ենք ունենալ՝ կապված ՌԴ արտահանումների հետ: Կարող ենք խնդիր ունենալ նաև գազի գնի սակագների հետ:

Չգիտենք նաև՝ Իրանից կարո՞ղ ենք ներկրել, թե ոչ: Սրանք ենթադրություններ են, որոնք կարող են իրականանալ, կարող են և՝ ոչ: Ամենը կախված կլինի այն հանգամանքից, թե ինչպես են վեկտորը փոխում, կամուրջներ այրո՞ւմ են, թե ոչ: Բայց ակնհայտ է՝ կա ռիսկ, որ վերկտորի փոփոխությունը կարող է դեպի ՌԴ արտահանումների իսպառ բացակայության, ինչ-որ արգելանքների հանգեցնել: Խոսքը ՀՀ արտահանումների 1/3-ի մասին է: Սա լուրջ, աղետալի հետևանք կարող է ունենալ տնտեսության վրա»,-«Փաստի» հետ զրույցում ասաց Ն. Սարգսյանը»:

Այս թեմայով Հայ ժողովուրդը կրկին պայքարում է ատելության դեմ. Ուրուգվայի Ներկայացուցիչների պալատի նախագահ Սա է պատերազմից խուսափելու լավագույն միջոցը. Ֆինլանդիայի նախագահ ՀՀ 3-րդ նախագահ Սերժ Սարգսյանը թոռան հետ ծաղիկներ խոնարհեց Ցեղասպանության զոհերի անմար կրակի մոտ Անցյալի ճանաչումն ու անպատժելիության դեմ պայքարը վճռորոշ նշանակություն ունեն նոր ցեղասպանությունները կանխարգելելու համար․ ՀՀ նախագահ Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Կանադան մեր վստահելի գործընկերն է. Սիմոնյանը՝ Կանադայի խորհրդարանի Ներկայացուցիչների պալատի խոսնակին Իրանի նախագահ Էբրահիմ Ռաիսին ժամանել է Պակիստան «Արտաքին ազդեցության» մասին օրենքը համապատասխանում է Մոսկվայի շահերին․ Վրաստանի նախագահ Ալեն Սիմոնյանն ընդունել է Ղազախստանի նախագահ Կազիմ-Ժոմարտ Տոկաեւին Պետեր Պելեգրինին ընտրվել է Սլովակիայի նախագահ