Հարություն Բանոյանը երեկ իր ընկերների հետ թաղվեց Եռաբլուրում․ Նաիրի Սարգսյան

Վարչապետի օգնական Նաիրի Սարգսյանը հայտնում է․

«Հարութ իմ ճանաչած ամենահայրենասեր մարդն էր, չափազանց համարձակ, համեստ և ռազմական գործի հմուտ մասնագետ: Երկար տարիներ Սիրիայում ղեկավարել է հայաբնակ Հալեպի ինքնապաշտպանությունը:

2016 թվականի ապրիլյան պատերազմից հետո Հարութը եկավ Արցախ։ Նա շրջում էր խրամատներում և արժեքավոր խորհուրդներ էր տալիս, օրինակ՝ ինչպես կահավորել կրակակետը, որ դիպուկահարի թիրախ չդառնան:

Հայաստանում հրթիռ էր նախագծում և արտադրում, որի փորձարկմանը վարչապետի հետ ներկա ենք եղել անցյալ տարի: Պատերազմ մեկնող տղաների հետ արագացված վարժանքներ էր անցկացնում զորամասերից մեկում։ Պատմում են, որ զորամասի շտաբի պետը հեռվից հետևել է գետնի վրա վարժություններ անող տղաներին և այնպես ոգևորվել Հարութի եռանդով, որ մոտեցել է նրան և հարցրել՝ կարելի է՞ ես էլ ձեզ հետ մարզվեմ, և միացել է վարժանքներին:

Հարութը զինվորական կոչում չուներ, բայց բոլորն իրեն հարգում և պատվի էին առնում:

Դրոն վարելու դասընթացներ էր անցկացում, սովորեցնում ինչպես անտառում հայտնաբերել թշնամու ջոկոտներին, շրջափակել և ոչնչացնել: Նա մատը դնում էր գլխին և իր՝ սիրիացու հաճելի ակցենտով ասում` «Պետք է մեր միտքը օգտագործենք, միայն ավտոմատով չենք կարող հաղթել»:

Արցախ մեկնելիս ասաց, միայն թե անօդաչուի հարվածից չզոհվեմ, հասցնեմ խնդիր լուծել: Իրեն նվիրված մյուս սիրիահայ տղաների հետ մեկնում է հատուկ առաջադրանքներ կատարելու, շատ լուրջ հաջողություններ է ունենում, ոչնչացնում է հակառակորդի մեծաթիվ խմբերի, ապա հերոսի մահով զոհվում Շուշիում:

Հարություն Եղիայի Բանոյանը հետմահու պարգևատրվել է «Մարտական խաչ» 1-ին աստիճանի շքանշանով: Երեկ նա իր ընկերների հետ թաղվեց Եռաբլուրում»:

Այս թեմայով «Փաստ». «Վեկտորի փոփոխության դեպքում լուրջ տնտեսական խնդիրներ կարող ենք ունենալ» «Շնորհակալ եմ Նիկոլ Փաշինյանին, ինձ այս բարձր պաշտոնը վստահելու համար». Նաիրի Սարգսյան «Հրապարակ». «Շիշ բռնողի» եղբայրը՝ «շիշ շպրտող» Դուք իմ հորը սպանել եք... զոհված զինծառայողի դստեր նյարդերը տեղի տվեցին (տեսանյութ) Ախպորդ հարսանիքին քե՞ֆ էիր անում․ ես էլ իմ տղու հարսանիքն էի ուզում անեի. զոհվածի ծնողը` Նաիրի Սարգսյանին (տեսանյութ) «Փաստ». «Պետությունն ուղղակի կանգնելու է սնանկության փաստի առջև» «Փաստ». Փոխարժեքի շուկա. կա՞ արդյոք անտեսանելի ձեռք ու արհեստական բաղադրիչ Նիկոլ Փաշինյանը և իր օգնականը տարբեր թվեր են հրապարակել անհետ կորած զինվորների վերաբերյալ Ոստիկանությունն ամուր կանգնած է իր ժողովրդի կողքին. Նաիրի Սարգսյան Ոստիկանապետը Հայկ և Նաիրի Սարգսյաններին քրեականի օպերներ չի տրամադրել. եղբայրները դժգոհ են. ArmLur.am